Dimatekenu 43:11 - O Mikanda Ikola

¹¹ Bhenhobho Izalaiele, tatʼâ, anga u a ambela, uixi: Se kia bhingi kiene ki bhita, bhangenu kiki: Ambatenu ku imbamba ioso ia ixi kunu o ima ioso i tela kuenhoko mu imbamba ienu, nda o diiala dienhódio mu mu bhekele ujitu, ni tu bálsamu, ni tu uiki, ni ima ia mazumba, ni mira, ni jinoze ja pistaxo, ni jiamendoua;

Dimatekenu 43:11 ပူးပေါင်းရင်းမြစ်များ

Dimatekenu 33:10

Jakobo-phe uixi: Lémbua, ki kiene, nga ku diondo, se nga bongo kiadi bhu mesu mé, ki ngalʼiki, tambula ujitu iú ku lukuaku luami; kuma nga mono pholo ié, mukuâ ni muthu kia mona o pholo ia Nzambi, eie ua ngi tambulula kiambote.

Dimatekenu 37:25

Anga a xikama mu kudia. O kia bhetula mesu-phe a mona diendu dia jingenji, akua Ijimaiele, ala kutunda ku Ngiliiade ni jikamelo jâ, a ji longo uasu ua dizumba, ni mubafu, ni mirra, ala mu kuia kuta uenji mu Ijito.

Dimatekenu 43:10

O kukuata jiphata kiki, kua tu lalekesa, hinu tuezʼetu kiá o njila ia kaiadi.

Dimatekenu 43:14

o Nzambi, Muteni-a-Ioso, a mi bhane kiadi bhu pholo ia diialʼódio, phala a mi ehele kuiza ni phangʼienu iamukuâ, ni Bejamí. Eme kiá se kua ngi bhingi anʼami oso a ngi bua-nâ, kuabhu, ngi bhanga dingi kiebhi.

Dimatekenu 43:15

Mala enhó anga ambata o ujitu ua tange, ni kitadi kiâ kiala mu luiadi, ni Bejamí a mu ambata; anga a katuka, a kulumuka mu Ijitu, eza, emana dingi bhu pholo ia Zuze.

Dimatekenu 43:25

Ene anga a iudika o ujitu uâ, phala Zuze, kia-nda kuiza ku mediia; kuma evu exi a-nda ku di mosala muenhomo.

Dimatekenu 43:26

Zuze-phe kioso kieza ku bhata, ene a mu bhakuila o ujitu uâ ueza na-u mʼonzo muenhomo, anga a mu diundila, a tuta muene jipholo bhoxi.

I Jisobha 10:15

ku thandu dia ulu iú, kua di ta jinga dingi o ulu ua akua kufuna, ni ua kusumba ni akua kuzunza, ni ua jisobha joso ja Alábia, ni ua jinguvulu ja ixi ieneʼoio.

I Jisobha 10:25

Anga athu oso a kuata ku mu bhekela muthu ni muthu ni ujitu uê ua itutu ia phalata ni itutu ia ulu, ni izuatu, ni ibhakatu, ni ima ia mazumba ia kutoua, ni jikabalu ni jimula. Anga a kuata kubhanga kienhiki muvu ni muvu.

I Jisobha 15:19

Bhu kaẋi kʼami nʼeie, bhu kale kikutu, kala kia kexile bhu kaẋi ka tatʼetu ni tatʼenu; eie-ze tala kunu, nga ku tumikisa o ujitu iu ua phalata ni ulu, phala uie, ua kà bhuise o kikutu kia ukamba ki ua bhange ni Bahasa, sobha ia Izalaiele, sembele muene a ngi jikuke, a ngi xie.

I Jisobha 4:21

Solomá anga utumina o jisobha joso tunde ku Honga ia Ufalate katé ku ixi ia akua Fidíxia, katé ku mbámbe ni Ijito; ene oso a bheka jinga lubhaku kua muene, a bhikila jinga Solomá izuua ioso ia muenhu uê.

II Jisobha 16:8

Anga Akâji u zangula o phalata ni ulu uoso ua sange mʼonzo ia Jihova ni mu malundilu ma dibhata dia sobha, iú ua i tumikisa mu ku i bhanga ujitu kua sobha ia Asídia.

II Jisobha 20:12

Mu thembu ieneʼoio, Belodake Baladane, monʼa Baladane, sobha ia Babilónia ua tumikisa mikanda ni maujitu kua Ezekiia, mukonda uevile kuila Ezekiia ua kexile mu kata.

II Jisobha 8:8

Kieneʼokio sobha uambela Hazaiele, uexi: Tambula ujitu bhu lukuaku lué, uie mu kudimona ni muthu ua Nzambi: nda uibhuile kua muene kua Jihova, uixi: Eme o ku uhaxi iú nga-nda ku disanza, inga kana?

Estere 4:16

Ndeie, ua kà bhongolole o jijudé joso ala mu mbonge ia Suzana, mu jejuuale mukonda diami, mu fule kúdia ni kúnua mu izuua itatu, ni mu muanha ni mu usuku. Eme uami ni ilumba iami tu jejuuala kiene kimoxi, o ki ki bhua ku ki bhanga kiene kiua ki ngi bhixila kua muenexi, sumbala kima a ki kidika ku ki bhanga; se ki ngi bhinga kubuila-phe, kuabhu, ngi kana kubuila.

Jisálamu 68:29

Mukonda dia Tembulu ié mu Jeluzaleme, jisobha jenda ni ku ku bhakuila dingi o maujitu.

Jisálamu 72:10

Jisobha ja Talxixi ni mu ikolo a kà mu bhana o lubhaku; o jisobha ja Xeba ni Saba ja kà mu bhekela maujitu.

Jisálamu 76:11

Lokenu kua Jihova Nzambi ienu, o ioso i mua di lokela futenu-iu muene; enu mu akua kilômbo kiê, mu tudidienu maujitu, zenu kua ió ua tokala ku mu kuatela uôma.

Makatukilu 3:8

Kala kiki, nga tuluka-phe mu ku a kudila bhu maku a akua Ijitu, ni ku a katula mʼoxi momo muala, ni ku a bheka mʼoxi iengi iauabha ia kulu, ixi i kunguluka lete ni uiki; ixi ia tungu Makanana, ni Mahiti, ni Mamodi, ni Mapelezi, ni Mahivi, ni Majebusi.

Jisabhu 17:18

Muthu ua kamba kilunji, u zangula lukuaku luê, anga u di tambulula ulemba ua mukuá.

Jisabhu 18:16

Muthu, bhu pholo ia jingana, u kuata ujitu bhu maku, uene u ku xitunuina o njila, anga u kubheka-bhu.

Jisabhu 19:6

Muthu uoso u bhanga jimbote, avulu a di uabhesa kua muene; kuma kadia muthu, kamba dia ió uoso u mu bhekela maujitu bhu maku.

Jisabhu 21:14

Ujitu ua ku bhela bhu hota, uximbakatesa o njinda; o diminhinu dia kombuesa bhu homba, di batamesa o nzaia.

Mukumbi ua Mikumbi 4:10

Jihenda jé kuuabha kuahi, phangʼiami ia muhatu, tâta! Jihenda jé kuuabha kuabhi, muhatuʼami, tata! Lukuẋi luosuʼulu o henda ié ia beta kota mu kuuabha o vinhu ndenge! O maji mé ma nuha kiengi, ima ioso ia dizumba ndenge!

Mukumbi ua Mikumbi 4:14

Ni nardu, ni hasafalangu, ni kálamu ni kanela ni mixi ioso kiá ia Libana ni ia sumuna ni aloué ni ima ioso ia dizumba ia beta ku ta kiavulu.

Mukumbi ua Mikumbi 8:14

Izá lusolo, kazola kami, u di bhange kala hoha, uila kala monʼa ngulungu ku milundu ia mixi ia mazumba ma nuha kia mbote.

Jelemiia 8:22

Manhi mu Ngiliiade kana-mu unguendu? Inga ki muala kimbanda kia kusaka? Phalaʼhi-phe a kambe kusaka o monʼa kilumba kia mundu uami?

Izekiiele 27:15

O anʼa Dedane ene a kexile asumbixi é; ikolo ia vulu ia di bhangele sumbixilu dia lukauku lué; o mazu a nzamba ni miẋi ia kaxiki a ku bhana jinga na-iu mu kingoho ku maujitu.

Izekiiele 27:17

Ni Juda ni ixi ia Izalaiele, a kexile ene kiabhu akua ku ku tela o uenji; o ene uâ o uenji ua-ta jinga nʼeie uenhú: Ni tiliku ia Minite, ni panaji, ni uiki, ni maji a kulunga, ni maji a dizumba.

Izekiiele 27:22

O jingenji ja Seba ni Lahama, ene kiá a kexile mu ku ku tela o uenji ku ima ioso ia beta o kuuabha dizumba, ni ku matadi oso a phelu ia nzaji, ni ulu, uene o uenji ua tela jinga bhu itanda ié.

Ijila 20:24

Maji Eme-phe nga mi ambela enu, ngixi: Mu bhingana oxi iâ-ene, i mi kale undundu uenu, ni ngi mi bhana-iu muene, phala mu iʼvue, oxi i zunzumuka lete ni uiki; kabasa eme Jihova Nzambi ienu, nga mi uanununa muʼaxaxe ka ifuẋi ku mundu.

Jipoxolo 21:14

O ki tua lémbua ku mu fudisa, tua nhoha-ku, tuixi: O vondadi ia Ngana i bhite.

Matendelelu 33:14

Ni mabesá mʼejila ku dikumbi di bhisa ibundu, ni mabesá mʼejila ku muthethamenu ua mbeje, a sabhukisa o idima katé ki ima.

I Samuuele 25:27

Ujitu-phe iú u nga ku bhekela ngana, ngi mubhikʼé, u u bhane minzangala iá a ku kaiela, eie u ngana iami.

I Samuuele 9:7

Saúlo-phe u ambela mukua mbèle iê, uixi: Se tuedi tuia-bhu, tu mu bhekela-hi? Huta ia tu bhu, o ujitu ua tu kambe ua kubhana ku mukua Nzambi, ihi dingi ia tu xala-ku?