Dimatekenu 42:9 - O Mikanda Ikola

⁹ Bhenhobho Zuze ua lembalala o jinzoji jê, jʼanjiuile kua ene, anga u a ambela, uixi: Mu ilolo, muende ni unguma, mueza kulónda ixi mukonda dia kubhela kuê ku ia bhele.

Dimatekenu 42:9 ပူးပေါင်းရင်းမြစ်များ

Dimatekenu 37:11

Jiphange jê anga a mu kala ni luma; maji o tatʼâ-phe ua bhake maka enhá ku muxima uê.

Dimatekenu 42:16

Mu katula muthu mudienu, aie, a takane kasule kenu, maji enu mu xala ku upelezu, phala ku mi mona se muala ni kidi; o ki mu kamba ku ki bhanga, kala Falaó ki muthu ua muenhu, mu alondi muene, mueza kulonda o ixi.

Dimatekenu 42:34

Hádia-phe muiza ni kasule kenu, ngi mu mone mesu; bhene bhu ngi mʼijidila kuma ki mu alondi, kana, mu athu a kidi; kiene ue ki ngi mi bhana phangʼienu, phala mu te mauenji menu mʼoxi mumu.

II Samuuele 10:3

O makota-phe ma jitata ja anʼa Amone, ambela Hanuni, muadiʼâ, exi: Eie ua fika Davidi ua ki bhangela ujitu ua tatʼenu, kia tumu ku ku konda malambʼiki? Manhi Davidi ka tumikisa akua mbèle iê mu ku ku lónda o mbànza, ni ku i ijiia kiambote, phala ku i lundumuna?

Makatukilu 32:35

Jihova anga u kuama o mundu mukonda a bhange ndumbe ia ngombe, ia iudika Alá.

Dialuilu 13:2

Tuma mala a londe ixi ia Kanana, i nga-nda kubhana anʼa Izalaiele; kala muiji ua jitata mu katula-ku muthu, ene oso ilamba ku kifuẋi.

Luka 20:20

Anga a kala ku mu batamena, hé a tuma-ku jiphombi ja futila kitadi, ja di fikisa kala athu aiuka, phala ku mu kuatela mu kuzuela kuê, ni a mu bhane ni mulonga kua nguvulu.

Jihebeleu 11:31

Kiejila mu kuxikana, Lahaba dia kidianzunga kia kambele kufuila kumoxi ni akuâ a xibhakele Nzambi, mukonda muène o ilolo ia anʼ a Izalaiele ua i tambuluile kiambote.

Josuué 2:1

Josuué dia Nune, kioso kiala bhu Xitime, u katula ilolo iiadi ni a bhite mʼoxi sé athu ku a ejiia, uixi: Ndenu, kà londienu ixi ienhiʼii ni mbanza ia Jedikó. Anga aia, a tula mʼonzo ia muhatu kidianzunga, dijina diê Lahaba, hé a zekela usuku muenhomo.

Josuué 6:23

Minzangala anga aia, ene ilolo ejiie mu londa, anga a bokona mʼonzo, a katula-mu Lahaba, ni tatʼâ, ni mamʼâ, ni jiphange jê, ni imbamba iâ ioso; ni ndandu jê joso a a katula-mu, a a bheka bhua zukama ni kibangu kia Izalaiele.

Afundixi 1:24

Ala mu londa anga a mona muthu iú tunda mu mbonge, anga a mu ambela, exi: Tua ku diondo, tu idikize bhuoso bhu tu bokuena mu mbonge, eie tu ku bhange mbote.

I Samuuele 26:4

Davidi anga u katula ilôlo iê phala kuia mu kulonda, anga a mu ijidisa kididi bhuoso bhua tula Saúlo.