Dimatekenu 42:6 - O Mikanda Ikola

⁶ Zuze-phe, uala nguvulu iaʼxi ioio; muene uala kusumbisa athu oso o makudia. Jiphange ja Zuze anga a tula, a mu diundila ni jipholo ja tula ku mavu.

Dimatekenu 42:6 ပူးပေါင်းရင်းမြစ်များ

Dimatekenu 18:2

Uzambula mesu, u tala, hé u mona, mala atatu iá emana ku pholo diê. O kia zubha ku a mona, u balumuka bhu muelu ua balaka, uia ni kulenga mu ku a kauidila, u fukama, u ta o pholo bhoxi.

Dimatekenu 19:1

Anjo jiiadi ji tula mu Sodoma mu kumbi dia ngoloxi, kia xikama Lote bhu muelu ua kimbaka kia Sodoma; kia zubha ku a mona, Lote u balumuka, uia mu ku a kauidila, u bhetama pholo bhoxi;

Dimatekenu 33:3

O muene anga u a bhita ku pholo ene oso, uia ni kudiunda, ua bhetama lusambuadi ku mavu katé kia zukama kua kota diê.

Dimatekenu 41:43

U mu ambela kusambela mu dikalu dia kaiadi, dia bhabhelela ku dikalu diê-muène; o muala kuijiia, mundu uoso a dikola: Fukamenu! Kienhiki ua mu te ku ungana ua kutumina ixi ioso ia Ijitu.

Dimatekenu 41:54

Anga a mateka ku sambuadi dia mivu ia nzala, kala kia tangele Zuze; ku jixi joso anga ku kala nzala, maji mʼoxi ia Ijitu-phe kudia sai.

Dimatekenu 41:57

Ku jixi joso, anga enda ni kuiza mu Ijitu kua Zuze mu sumba tiliku, kuma nzala ia jiji ue ku jixi joso.

Dimatekenu 44:14

Ni Juda ni jiphange jê anga eza dingi ku bhata dia Zuze, kuma iú-ué hanji mʼonzo; anga a dibhala mu mavu bhu inama iê, a diunda.

Dimatekenu 45:26

Anga a mu ambela, exi: Zuze iú-ué, muene uala kutumina ixi ioso ia Ijitu. Anga muxima uê u sota ku senduka, kuma ka ẋikina kia zuela.

Dimatekenu 45:8

Kala kiki, kʼenu mua ngi tumikisa kunu, maji Nzambi; ua ngi bhange ngi tata ia Falaó, ngi ngana ia mbanza iê ioso, ngi nguvulu ia ixi ioso ia Ijitu.

Dimatekenu 48:12

Zuze anga u a katula bhu kaẋi ka jiphuna ja inama ia tatʼâ; muene anga bhetama o pholo bhoxi mu kudiunda ni ujitu uoso.

Jisabhu 11:26

Muthu uoso nguaiê kusumbisa o mbutu jê, mundu a mu ta mázui; maji mukua kusenga o idima iê, ku mútue uê dibesá dia kalʼé.

Izaía 60:14

Ni ana a ió oso a ku huhile eie, a kèza ni kudiunda kokué; oso a kexe ku ku lebhula a kà ku fukamena bhu inama ié; ene anga a kà kuixana exi: Diembu dia Jihova, Ziione dia Lemba Dikola dia Izalaiele.

Jipoxolo 7:10

Hé u mu kudila mu malamba mê moso. O Zuze kia tukuluka kua Falaó, Nzambi u mu muesa ujitu ni unjimu bhu pholo ia Falaó sobha ia Ijitu. O Falaó anga u mu bhanga nguvulu ia Ijitu, ni ia ku tumina dibhata diê dioso.

Dijingunuinu 3:9

Ivua! Enhó a tokala ku kibuka kia Satana, a mu tanga exi tu Jijudé, mbé ki Jijudé, kuma ala ngó akua makutu, talesa, nga-nda kubhangesa kuila enhó eze, a ku bheze bhu inama ié, nda oso a kʼijiie kuila eme nga ku zola.

I Samuuele 20:41

Kia zubha-phe kaiala kukatuka, Davidi u balumuka bhu kididi bhuoso bhua kolokele, ku mbandu ia sulu, anga u bhetama pholo bhoxi, u bhetama lutatu luosuʼulu, anga a di bhana jibeju. Anga a kala hanji mu dila kumoxi kiiadi kiâ, katé Davidi ua tundu mukuâ mu kudila kuma lamba dia mu vudila.