Dimatekenu 42:36 - O Mikanda Ikola

³⁶ Bhenhobho, Jakobo, tatʼâ, anga u a ambela, uixi: Anʼami mua-ndu ngi zubha-nâ; Zuze kene-ku dingi, o Ximinhá bhabha kala-bhu, muandala mu ngi tambula dingi Bejamí. Ima iosuʼiii ieza ku thandu diami!

Dimatekenu 42:36 ပူးပေါင်းရင်းမြစ်များ

Dimatekenu 42:37

Maji Lubene anga u ambela tatʼâ, uixi: Anʼami aiadi a mala iá, u a jibhʼé, se ngi kamba ku ku bhekela-nê; ngi bhane-nê eme, u mone ki ngʼiza-nê.

Dimatekenu 43:14

o Nzambi, Muteni-a-Ioso, a mi bhane kiadi bhu pholo ia diialʼódio, phala a mi ehele kuiza ni phangʼienu iamukuâ, ni Bejamí. Eme kiá se kua ngi bhingi anʼami oso a ngi bua-nâ, kuabhu, ngi bhanga dingi kiebhi.

Dimatekenu 44:12

Muene anga u kuata kusota, u andekela ku dikota, u zumbukila ku kasule; dikáu-phe anga u di bongela mu saku ia Bejamí.

Dimatekenu 45:28

Izalaiele anga u zuela, uixi: Kuabu! Monʼami Zuze mbé iú-ué! Ngiia, nga kà di mona-nê kiosuʼiki kiluua ngi fua.

Dimatekenu 47:12

Zuze anga u kala mu dikila tatʼâ, ni jiphange jê, ni dibhata dioso dia tatʼâ katé ni anʼâ oso u a tambula konda.

Jobe 7:7

Xinganeka, Ngana, ulembalale kuila muenhu uami uediʼé ngó kala mulenge; o mesuʼami kà tona dingi kumona mbote.

Jisálamu 34:19

Uaiuka u mona jiphaxi javulu; maji o Jihova-phe u mu kudila mu jiphaxi jê jene joso.

Ndongixi 7:8

O ku mona disukilu dia ima kota, kuindi dimatekenu diê; kota ue o muthu uambote, kana ió ua di zangeleka o muẋima.

Izaía 27:9

Kienhiki-phe, o kikuma kioso kia Jakobo, a kà ki bhuisa-ku ni kiamenga; o kiki kia kà kala kiene o kibundu kia kukatula o kituxi kiê kioso, kioso. O Jihova muene kia-nda kubhanga o matadi oso a kalatódio kala matadi ma hala a ma bula-bula; kieneʼokio ue, o mixitu ni iteka ia lumbidile o dikumbi, ki ia kà tena dingi kuimana.

Izaía 38:10

Eme ngambele, kia ngi-bhu o izuua, ngixi: Nga lungu bhu mielu ia mbila; o mivu ia ngi xedi-ku nga i lémbua kiá.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Jelemiia 31:15

Jihova ua zuela kiki: Mu Lama, evu-mu mbimbi, jingololo ni kudila lujiji; Lakele ua mu dila tuana tuê, nguê ku mu di xibhisa ku tuana tuê, mukonda ki tua moneka dingi.

Matesu 14:31

Kindala kienhókio Jezú u sunununa lúkuaku luê, u mu kuata, anga u mu ambela, uixi: Eie ua tolo o kuxikana, phata ia ku kuatela-hi?

Loma 8:28

Kuma tua kʼ ijiia kuila mu ima ioso Nzambi u kalakala mu kubhanga o mbote kua iá oso a mu zola, oso kiá a exana mu vondadi ia muène.

Loma 8:31

O kiki-phe, imʼ iii tu ila kiebhi? Nzambi se uala ku mbandu ietu, nanhi u tena ku tu tolola?

I Kolindo 10:13

O jitendasa jene mù kuiza kokuenu, jene jimoxi ni jala kulua na-ju akuenu oso. Maji o Nzambi-phe kizuelu kiê u ki kumbidila, kehela ku mi diangula kia tundu o nguzu ienu. Maji kioso kʼ iza o mudiangu, Nzambi u mi bhana nguzu phala mu tene kubhalakata, ni ditundilu dia kutena kubhita.

II Kolindo 4:17

Kuma o hadi ietu iii i tua mu bhita na-iu iabhebhuluka, ia kithangana ngó, hinu i tu bhekela kuzediua kuavulu kinéne, kua beta ukota o hadi iii ndenge, kuxalela-ku ndú ku hadia ni hadia.

I Samuuele 27:1

Davidi anga u amba ku muẋima uê, uixi: Hinu bhu kala kizuua ngi buila ku lukuaku lua Saúlo. Ki ngalʼiki kota ngi lengela kʼoxi ia akua Fidíxia; koko-phe Saúlo-phe u ngi lémbua kiá, ka kala dingi mu ku ngi sota mu jimbámbe ja Izalaiele, o miẋima uê ki u dielela dingi ku ngi kuata; kiene ngó ki ngi ẋangumuka bhu lukuaku luê.