Dimatekenu 42:28 - O Mikanda Ikola

²⁸ Anga u ambela phange djê, uixi: Kitadi kiami a ngi vutuila-kiu; kiki, nga ki sange mu saku iami. Bhenhobho miẋima iâ anga i botomoka! A di talesa mudiâ ni kuteketa, exi: Nzambi ua tu bhange dingi kiebhi?

Dimatekenu 42:28 ပူးပေါင်းရင်းမြစ်များ

Dimatekenu 27:33

Izake bhenhobho anga u sasumuka, u teketa muene kiavulu, uixi: Nanhi muene-phe ua kuatele xitu ia unhanga, iú uejile na-iu bhabha, eme nga di kiá, ngekuta, eiʼeie ua mu bhingana-ke? Nga mu bhana kiá dibesá ua-nda kuzediua muene. Kuma o dibesá u kala na-diu muene.

Dimatekenu 42:29

Anga enda, a bhiẋíla kua tatʼâ Jakobo mʼoxi ia Kanana, a mu kunda ioso ia bhiti na-iu, exi:

Dimatekenu 42:36

Bhenhobho, Jakobo, tatʼâ, anga u a ambela, uixi: Anʼami mua-ndu ngi zubha-nâ; Zuze kene-ku dingi, o Ximinhá bhabha kala-bhu, muandala mu ngi tambula dingi Bejamí. Ima iosuʼiii ieza ku thandu diami!

Dimatekenu 43:23

Muene-phe u a ambela, uixi: Tululukenu, ki mu kale ni uoma. Nzambi ienu o Nzambi ia tatʼenu, muene ua mi tela o mbole ia jimbongo mu jisaku jenu; kitadi kienu nga ki tambuidiʼê. Anga u a bhekela Ximinhá bhu kanga bhuala ene.

I Jisobha 10:5

ni mákudia ku meza mê, ni uxikamenu ua akua mbèle iê, ni ukexilu ua idia-meza iê ni izuatu iâ, ni akua nganza jê, ni dibandelu diê, bhua kexi mu bandela kuia mʼonzo ia Ngana mu bhakula jisata, uívua ni nzumbi moxi ia senduka.

Jisálamu 61:2

Tunde ku maẋokololo kua suku o ixi ngi dikola ko kué, mukonda muẋima uami moxi ua ngi botomoka. Ngi bheke ku ditadi dia di leka dia ngi tundu.

Mukumbi ua Mikumbi 5:6

Kazola kami nga mu jikuila dibhitu, maji muene kala-bhu dingi, uaié kiá mu ku mu ivua ngó mbimbi iê muẋima moxi ua ngi sengumuka, kioso muene kia kexi mu ku zuela. Nga mu soto hanji, maji ki ngi mu mono dingi, lémbua; nga muʼixana muene, maji ka ngiʼtaia dingi.

Izaía 45:7

O mukengeji eme nga u bhanga, o itombe eme ue nga i iudika; eme ngi bhanga o paze, eme ngi bhanga o kíbhidi; eme ngi Jihova, ngejiia kubhanga ima ioso iii.

Kuditenda 2:17

Jihova ua bhange kioso kia kanene, kizuelu ua ki tenesa, kia xindile tunde mu izuua ia xahulu; ua sengululʼê muene, kulenduka nguê; uenzela o nguma ku di thatha ku thandu dié eie; o kusuína kua isuéia kuene ku a bhanʼê o kidifikidilu kiasoko.

Kuditenda 3:37

Mukuahi muene uzuela, kima anga ki bhita, se Jihova ka ki tumina?

Ijila 26:36

O ió-phe oso hanji asubhuka-ku momuenu, ngi a tuika uoma uonéne mu miẋima iâ, ubhinga kuila o mʼoxi ia jinguma jâ muala, katé ni dife diala kulokosa ni kitembu, dienhidi dia a bhesa ue lusolo; anga a kà kuata muene kulenga kala ala kulenga xibhata; a kà di vunda-vunda bhoxi, sé ngó muthu uala ku a landameka.

Amoji 3:6

Manhi mbungu ki i xika mu sanzala, athu a kamba kusasumuka? Kima iaiibha mbé ki bhité ngó mu sanzala, ki Jihova ua ki tumu?

Luka 21:26

Mu ngongo ioso o mala ma-nda kuambuka ni uôma, mu kubanza o ima ia-ndu bhita. Mukonda katé ni jinguzu ja maúlu ja-ndu tunguta!

Matendelelu 28:65

Né hanji-phe muʼaxaxi ka miji ienhoio, dinhohenu kua kà di sanga-mu! Katé ni dikànda dié dia kinama, ki dia kà mona ngó kakididi bhu di nhohena! Mbata ue kuenhoko Jihova ua ka ku bhana muxima ua kiteketela, anga u ku bhana mesu a zonzalala, ni muenhu ua bhuuama ni kikote.