Dimatekenu 42:25 - O Mikanda Ikola

²⁵ Zuze anga u tuma kuizalesa o nzeke jâ ni tiliku, ni kuila ue kala muthu kitadi kiê a mu tela-kiu dingi mu saku iê, ni ku a bhana huta ia kudila mu njila; anga a a bhanga kienhiki.

Dimatekenu 42:25 ပူးပေါင်းရင်းမြစ်များ

Dimatekenu 42:26

Ene anga a longa o jijumento jâ ni imbamba ia tiliku, hé a katuka.

Dimatekenu 43:12

o itadi ienu i kala mu luiadi i mu kuata bhu maku, ni ioio ia vutukile ku mizumbu ia nzeke jenu muia na-iu dingi, mu i ambata bhu maku enu, amoxi kutondala kua tondala.

Dimatekenu 45:21

Anʼa Izalaiele anga a bhanga kienhiki. Zuze anga u bhana o makalu kala kia tumu Falaó; u a bhana ue ni huta ia kudila mu njila.

Izaía 55:1

Enu, oso muala ni dinhota izenu ku menha, nʼenu oso mua lémbua kitadi, izenu, sumbenu, mu die; eué, zenu, mu sumbe mu ngoho sé kitadi, né suilu, vinhu ni lete.

Matesu 5:44

Eme-phe ngi mi ambela: Zolenu nguma jenu; a sambedienu kua Nzambi, oso a mi tatesa; benzelenu a mi bhubhidila, bhangenu mbote oso a mi zembe.

Matesu 6:33

Diangenu-phe kusota o Utuminu ua Nzambi ni uiukilu uê, nda ima ioso iii a mi kuiila-iu.

I Phetele 3:9

Kana kuvutula phulu mu phulu, kana kuvutula ndaka mu ndaka. Bhu kididi kia ndaka ki kale-phe mu vutula dibesá, kuma Nzambi kiene kia mʼixanena, ni mu lundule dibesá.