Dimatekenu 42:22 - O Mikanda Ikola

²² Lubene anga u a ambela, uixi: Eme ki ngi mi tangelele-kiu, ngixi mona ki mu mu te kituxi? Enu-phe ki mu ẋikinine kuivua! Leluʼidi-phe mua mono, mulonga ua tuiza ua manhinga mê.

Dimatekenu 42:22 ပူးပေါင်းရင်းမြစ်များ

Dimatekenu 4:10

Kuala Ngana: Eie ihi i ua bhange? Dízui dia manhinga ma phangʼié dia dikola kokuami tundé mu mavu.

Dimatekenu 42:23

Ene-phe ka kʼijiia kuila Zuze ua evu kia zuela; kuma bhu kaẋi kâ sai muzumbu uemana-bhu ku a lomboluela.

Dimatekenu 45:3

Zuze bhenhobho anga u ambela o jiphange jê, uixi: Eme Zuze; mbé ni kidi kiene tatʼetu iú-uê hanji? Jiphange jê anga a lémbua kuzuela; a bhuuama; a sekumuka ni uoma mu kala ngó bhu pholo iê.

Dimatekenu 50:15

Jiphange ja Zuze-phe, kia zubha kumona kuma tatʼâ uafu kiá, a di ambela mudiâ, exi: Imoxi Zuze ua tu bhakela luma ku muxima, ua-nda ku tu tata kiâ phonzo ia phulu ioso i tua mu bhangele.

I Jisobha 2:32

Jihova a mu vutuile o manhinga mê ku thandu dia mútue uê-muene, kuma muene ua balukila malʼaiadi a mu tundu muene kuiuka o muẋima ni mu ukota, iu ua a jibha ni mukuale uê, sé tatʼetu Davidi ku kʼijiia, ana a Abinele monʼa Nedi, kabhitangu ka kifuxi kia Izalaiele, ni Amasa monʼa Jetele, kabhitangu ka kifuxi kia Juda.

I Jisobha 2:33

Kala kiki, o manhinga mâ, ma kà vutukila ku thandu dia Jouabe kuene, ni ku thandu dia mbutu iê sé dizubhilu; maji o kua Davidi-phe, ni ku mbutu iê, ni ku dibhata diê, ni ku kiandu kiê, kuà kala paze sé dizubhilu, i tunda jinga kua Jihova.

II Malunda 24:22

Mu kubhanga kiki, sobha Jouaji ka lembalala dingi o mbote ia mu bhangele Joiada, tatʼa Zakadiia, maji ua mu jibhila monʼê, ua bhingi mu kufua iú tenda, uixi: Jihova ua-nda ku ki mona, hé ua kà ku ibhula na-kiu.

Jisálamu 9:12

Kioso ki eza mu kuibhula o mulonga ua kijibha, kene kujimba; o ki dikola ngadiama, ka kambe ku mu ivua.

Izekiiele 3:18

Kioso eme ki ngiia o muthu ua iibha, ngixi: Ua-nda kúfua, ni kidi kiene, eie anga u kamba ku mu dimuna, u fula o kuzuela phala kudimuna o muthu uaiibha ku njila iê ia iibha, phala kubhulula o muenhu uê, muthu ió uaiibha ua kà fua mu kikuma kiê, maji o manhinga mê nga kà mʼèbhula bhu lukauku lué-eie.

Luka 23:41

Etu mu kidi, o hadi ietu ia tu tokala muene, mukonda a tu bhange kia fuama mu ikuma ietu, muthu iú-phe, ka bha nge kima kiaiibha!

Jipoxolo 28:4

O matumbu ala mu kikôlo, kia mono o kibâmba kia mu nhenganana ku lukuaku, a di ambela, exi: Muthu iú uedi kala kijibhanganga! Mukonda sumbala ua bhuluka mu menha, maji Ngunza ka mu ehela kukola muenhu.

Loma 2:15

Kuma mu ima iâ ia bhanga, o ufunu ua Kitumu a uidikiza kuila uòsoneke kiá mu miẋima iâ. Ni kitongoluelu kiâ ki bhana umbangi kuma kidi, mukonda o mabanzelu mâ ma mu kuila hinu ma a lungisa, hinu ma êlesa.

Dijingunuinu 13:10

Uoso ambe o ku mu kuika ni ku mu ta upelezu, kikale a mu kuika muene; o muthu uoso ambe o ku mu jibha ni xibhata, u bhinga muene a mu jibha ni xibhata. Bhenhabha-phe bhene bhua bhingi o kukolokota, ni kuxikana kua athu akua-Ngana.

Dijingunuinu 16:9

Athu anga auka mu kutema kuê kuavulu. Ene anga a ẋonguena o dijina dia Nzambi uala ni kutena kua kubheka mabhebhu kala iá! Maji o athu nguá-uâ-phe kudiela o ituxi iâ, ni kuximana o unéne ua Nzambi.

I Samuuele 19:4

Jónata bhenhobo u tumbula Davidi kiambote kua Saúlu tatʼâ, uixi: Sobha ku te kituxi kua mubhikʼê Davidi, kuma muene ka te kituxi ko kué. Imbamba iene ioso iene kubhanga muene kó kuê, ia uabha muene.