Dimatekenu 41:8 - O Mikanda Ikola

⁸ Kúkia ni kimene, muxima ua mu sakalala ni jiphata; anga u tuma kuixana jinganga, ni jinjimu joso ja Ijitu; Falaó anga u a tangela nzoji jê; ki bhuala-phe muthu ua tena ku ji jimbuluila Falaó.

Dimatekenu 41:8 ပူးပေါင်းရင်းမြစ်များ

Dimatekenu 40:6

Zuze anga uiza kua ene mu kimene, o kia a tongolola, u a mona ene oso a di suuata.

Dimatekenu 40:8

Anga a mu ambela, exi: Mukonda tuanjiua nzoji, muthu ki tu mu mono ua tena ku tu jimbuluila-iu. Zuze anga u a ambela, uixi: Manhi o kujimbulula ki kuangene kua Nzambi? Ngi tangedienu-iu, nga mi diondo.

Dimatekenu 41:15

Falaó anga u ambela Zuze, uixi: Eme ngʼanjiua nzoji, maji ki bhuala-phe muthu ua tena ku i jimbulula; eie-phe nga kuivu, exi se uevu nzoji, ua soko-bho ku i jimbulula.

Dimatekenu 41:24

Masa ma tolo anga ma minha sambuadi dia masa ma uabha; kienhiki eme nga ki tangela jinganga, maji ki bhuala muthu ua tena ku ngi jingunuina-bhu kima.

Dimatekenu 41:7

Masa ma tolo anga ma minha akuâ a bumbu, a uabha. Falaó anga u thathumuka ku kilu, nzoji.

Jisálamu 25:14

Ukamba ua Jihova u kala ni akua uoma uê; u a ejidisa kioso ki kala kikutu kiê.

Makatukilu 7:11

Bhenhobho Falaó ue u ixana jihete ni jinganga, ene o imbanda ia Ijitu, ene anga a ki bhanga ue ni uanga uâ.

Makatukilu 7:22

O imbanda ia akua Ijitu anga a ki bhanga uê ni uanga uâ; anga ki bhekela Falaó ku kola o muxima, ka ẋikina ku a evua, kala kia tange Jihova.

Makatukilu 8:7

O imbanda ia uanga ue anga a ki bhanga ni uanga uâ, a bheka ue mazote mʼoxi ia Ijitu.

Makatukilu 9:11

Anga o imbanda ia akua Ijitu a lémbua kuimana bhu pholo ia Mozé, mukonda dia maveve; kuma a fuluka ni ku imbanda ni ku akua Ijito oso.

Izaía 19:3

Muenhu ua akua-Ijitu ua kà bhuamu moxi diâ; o ki ata phangu, eme ngi i sengulula; bhenhobho a-nda kuia kuibhula phangu ku mahamba mâ, ni ku imbanda, ni kutaha jingômbo, ni akuauanga.

Izaía 29:14

Uila kiki, eme hanji ngi kolokota ni kukalakala kima kia madiuanu muʼaxaxi ka mundu iú; ngi bhanga kisunji nda adiuane, kuma o unjimu ua jinjimu jâ, ua kà jikinina, o kuijiia kua jingânji jâ kua kà suama.

Izaía 8:19

Kioso ki a mi ambela: Tenu mizambu, ibhulenu akua kuxingila, ni imbanda, akua kuzuelela ku mazu ni ku di-ngunguina, o mundu mbé ki uibhula kua Nzambi iâ? Manhi kibhidi kia kuata athu a muenhu, mu kʼibhula kua iá a fu kiá?

Daniiele 1:20

O mu maba moso-phe ma unjimu, ni kutongoloka, ma ebhula jinga sobha kia kala ni maka a mu bhonzo, o iá ua a mono kuila a bande kuinhi dia matala mu kuijiia o jinganga, ni jimesene ja jithéthembua jene mu utuminu uê uoso, ndenge.

Daniiele 4:18

Kiene ki nganjiua ku nzojʼiki, eme, sobha Nabukodonozolo. Eie-phe, Beltexazale, jimbulula o dijingunuinu diê; kuma jinjimu joso mu utuminu uami a di lémbua, ka tena ku ngʼijidisa o dijingunuinu dia dilomboluelu diê; maji eie uasoko-bhu; mbata momué muala nzumbi ia jinzambi jikôla.

Daniiele 4:19

Bhenhobho Daniiele, a mu edi Beltexazale, u kumbikinha hanji kithangana katé mu uola iamvimba, ilunji ia mu tandanganha. Sobha-phe ukumbulula, uixi: Beltexazale, nzoji iii ki i ku juualese, mba u tandanganha mukonda dia dijimbuluilu diê. Beltexazale utambuijila, uixi: Ngana iami, o nzoji i lungile kua ió oso a ku kuatela luma, o dijimbuluilu diê di nongone muene oso jinguma jé!

Daniiele 4:5

Nganjiua-phe nzoji, anga i ngi juualesa; o ki nga kuata kubanza kioso kiende isuma ienhiʼii, ni ilunji ia ngi muangana, bhu hama iami bhu ngala anga ngi tandanganha kiavulu!

Daniiele 4:6

Eme-phe nga xikisa ngonge, ngixi: A ngi bhekele bhabha o jinjimu joso ja Babilónia, nda a ngʼijidise kia lombolola o nzoji.

Daniiele 4:7

Ni jinganga, ni jimesene ja iphata ia kutalela ku jithéthembua, ni makaledeia, ni imbanda akua kuzambula, anga eza, eme anga ngʼa tangela o nzoji kioso ki nga i anjiua; maji ene-phe dilomboluelu diê a di lémbua ku ngi tangela-diu.

Daniiele 5:11

Sai diiala uala mu utuminu ué, muene uala ni nzumbi ia jinzambi jikôla; o mu izuua ia tatʼenu, a mu sange ni mukengeji, ni kutetuluka, ni unjimu, mukuâ ni unjimu ua jinzambi; sobha Nabukodonozolo dia tatʼenu, euá, muenexi dia tatʼenu eie, sobha, ua mu bhangele dikota dia jinganga, ni dia jimesene ja jithéthembua, ni akua Kaldeia ni azambuidi;

Daniiele 7:28

Bhua suku o kisumaʼabha. Maji eme, ngi Daniiele, ilunji iami ia ngi juualele, katé ni pholo ia ngi kitukile muene; inda ima ioso iii nga i lundu muene ku muẋima uami.

Daniiele 8:27

Eme-phe, ngi Daniiele, ngʼambuka, nga kexe muene izuua bhu hama ni kukata. Anga ngi balumuka-bhu mu kukuata midimu ia muenexi. Ngi kuata kusasumuka ki ngi banza o kisuma kiki, kana-bhu-phe muthu kia mu tetulukila.

Ijila 19:31

Kana kukaiela imbanda akua-kusuma; kana kulandula akua-ithutha ia kuzambula ni kubhanga iphata; kana ku a kolomona, kuma muavula ku di kasanesa-nâ; Eme Jihova Nzambi ienu.

Ijila 20:6

O ki bhu kala ue muthu u bilukila mu ku ta muxima ku akua-ithutha ia kuzambula ni kubhanga, iphata, nʼende ni ku a kaiela ene, Eme-phe ngi mu ta diesu katé ki ngi mu batula muʼaxaxe ka povo iê.

Habakuke 3:16

Eme mu ku kʼivua, mu mala mua ngi bunguluka, mizumbu iami ia nguenguena mu kuívua o kilungutu kia dízui diâ; kilukutu kia kubola kia ngi bokona mu ifuba iami, anga moxiʼomo ngi kala mù teketa mudiʼami; nga-nda kunhoha anga ngʼila muene hudí mu kukinga o kizuua kia malamba mâ, Ngana kià kʼèjila o povo iene kusot, o ku tu jikinisa.

Matesu 2:1

Kiki kuila Jezú a mu vuala kiá mu Beleme ia Judeia, mu izuua ia sobha Helode, jinganga ku Thunda jiza mu Jeluzaleme, exi:

Jipoxolo 17:18

Anga ku kala jindongixi ja akua kisoko kia Epikulu, ni kia Jistoiku, a takana-nê. Amoxi exi: Muenʼiú ua kambe o kuijiia, uala kusabhula kiebhi? Amukuâ exi: Uedi kala uala ku tu tangela mahamba a jixi jengi. Ene a kexi mu zuela kiokio mukonda Phaulu ua tumbula Jezú ni difukunukinu.

Jipoxolo 7:22

Kieniokio Mozé anga a mu longa unjimu uoso ua akua Ijitu, anga u kala mesene mu ima ioso ia zuela, ia bhanga.

I Kolindo 1:19

Kuma a ki soneka mu Mikanda Ikôla, exi: Jinjimu, ngi buidisa o unjimu uâ; adimuka, o kudimuka kuâ ngi ku kitula kingoho.

I Samuuele 6:2

Akua Fidíxia anga exana jinganga jâ ni azambuidi, exi: Tu bhanga kiebhi ni alaka ia Jihova? Tu longesienu kioso ki tu i tumikisa ku kididi kiê.