Dimatekenu 41:6 - O Mikanda Ikola

⁶ Kithangana, u mona kua sabhuka dingi sambuadi dia mítue ia masa a tolo, a xoueta ni kitembu kia thunda, a kaiela akuâ mu kusabhuka.

Dimatekenu 41:6 ပူးပေါင်းရင်းမြစ်များ

Dimatekenu 41:23

maji kithangana, ngi mona dingi sambuadi dia masa ma xoueta, ma tolo, mʼaúka ni kitembu kia thunda, ma kaiela ku akuá mu kusabhuka.

Dimatekenu 41:5

Kathangana uia dingi ku kilu, uanjiua nzoji ia kaiadi: U mona sambuadi dia mítue ia masa a sabhuka ku kixina kimoxi, a bumbu, auabha.

Dimatekenu 41:7

Masa ma tolo anga ma minha akuâ a bumbu, a uabha. Falaó anga u thathumuka ku kilu, nzoji.

Izekiiele 17:10

Manhi se uòphaphe, u tena kuzediua? Manhi se o kitembu kia thunda ki mu tula, uene uoso ki ua-nda kukukuta? u kukuta muene tundé bhu dibakala diê bhua u kunu.

Izekiiele 19:12

Maji a u vuza ni njinda, hé a u takuila bhoxi, o kitembu kia thunda anga ki kukutisa o ibundu iê; ojithangu jê ja nguzu ja bukujuka, ja kukuta anga o túbhia tu ji jikinisa.

Hozeia 12:1

Ifalaíme uala ku di dikila ni kitembu, kumbi dioso dia kambamba u kaiela kitembu kia thunda; u nangena ku vudisa makutu ni kibuika izuua ioso; o kikutu u ki ta ni Asídia, maji mê uia mu ku mabheka ku Ijito, kuma diene o dibhôko dia mu bhana.

Hozeia 13:15

Ifalaíme né-mbe u zanda anga u bhana ibundu muʼaxaxe ka jiphange jê, hanji-phe, kua keza kitembu kia thunda, kitembu ki tunda kua Jihova, ki balumuka mu kikangalakata anga kiza ni kubanda; kiene kia kà kukutisa otho iê, o dijiia diê di thothuena; o ima ioso ia matunda iala naiu a kà mu bhunda-iu.

Jona 4:8

Anga ki bhita-phe kuila, kiatu muanha, Ngana Nzambi u tumikisa kitembu kionéne kia tema kia thunda, o misongo-songo ia muanha ua dikumbi anga i tula mu mútue ua Jona. Muene anga u ambuka ni kizuza kia muanha, hé uinda kúfua ni muẋima uê uoso, uixi: Kota ngafuʼami kiá, kukola muenhu kiki, kana.