Izalaiele anga u sunununa o lukuaku luê lua kúdia, u lu tula ku mútue ua Ifalaime, o ndenge; o lukuaku luê lua kiasu, u lu tula ku mútue ua Manasa, o dikota; maku ua a bhidika kiluelu, kuma Manasa muene o phande-kumbi.
Kiki-phe anʼê aiadi u ua vualela kunu ku Ijito, kioso eme kiluua ngiza mu Ijito, a kala anʼami; ni Ifalaime ni Manasa a kala anʼami, mukua ni Lubene ni Ximinhá, ene oso ami eme.
O vinhu mu i nuina mu jikopho ja makota; o mu ku di uaia kuenu ki kale ngó ni maji a te kitadi kiavulu; maji mua lémbua ku kala ni dilamba dia kusenguluka kua Zuze!
Hé u mu kudila mu malamba mê moso. O Zuze kia tukuluka kua Falaó, Nzambi u mu muesa ujitu ni unjimu bhu pholo ia Falaó sobha ia Ijitu. O Falaó anga u mu bhanga nguvulu ia Ijitu, ni ia ku tumina dibhata diê dioso.
Anʼa Zuze, ene-ku a di bhange miiji iiadi, Manasa ni Ifalaimi. O jilevita ka ji bhele undundu, a a bhele ngó jisanzala, phala a tunge a some, ni mikáu iâ ku maxilu a mabhata mbé o ibhaku iâ ni uvuilu ua ilunga iâ.
Mu kuta jihasa kiki, kua tubhuka kiua ia muiji ua Manasa, mbata muene o phande-kumbi ia Zuze. Makidi, phande-kumbi ia Manasa, muene tatʼa Ngiliiade, kuma uakexe dizonda dia ita, iu ua tambula Ngiliiade ni Basane.