Dimatekenu 41:42 - O Mikanda Ikola

⁴² Bhenhobho Falaó anga u katula o nela iê ia sineta mu mulembu, u i ta mu mulembu ua Zuze, u tuma ku mu zuika izuata ia linho ia fina, u mu ta lubhambu lua ulu mu xingu;

Dimatekenu 41:42 ပူးပေါင်းရင်းမြစ်များ

Dimatekenu 38:18

Juda uixi: Ngi ku bhana-phe kíximbi kiahi? Kuala muhatu: U ngi bhana o nela ié ia sineta, ni dilesu ni mbasá i ua kuata bhu lukuaku. Diiala anga u mu bhana-iu, u mu bokona, muene anga uimita.

Dimatekenu 41:43

U mu ambela kusambela mu dikalu dia kaiadi, dia bhabhelela ku dikalu diê-muène; o muala kuijiia, mundu uoso a dikola: Fukamenu! Kienhiki ua mu te ku ungana ua kutumina ixi ioso ia Ijitu.

Estere 10:3

Kuma o judé Moledekai muene kaiadi ua kaiela kua muenexi Asuuelu, anga u kala ni kijingo muʼaxaxe ka jijudé, kuma muthu uambote, o mundu ua akuʼâ a di tumu-nê kiambote, u sota jinga muiji uê ku u bhanga mbote hé u kalakela muiji uê, ni aluluʼâ mu ku a xila kutululuka.

Estere 3:10

Bhenhobho Muenexi anga u sunga nela iê mu lukuaku, u i bhana Hamane monʼa Hamedata, mukua Akaki, nguma ia jijudé.

Estere 3:12

Bhenhobho exana asoneki a muenexi, bhu mbeji ia kamoxi, kizuua kiê kia kakuinhi ni kitatu, anga a soneka kioso kia tumu Hamane ku jisátrapa ja muenexi, ni ku jinguvulu ja jisengu, ni jisobha ja madiembu moso; kala sengu mu letala ia usonekenu uâ, diembu ni diembu mu dimi dia uzuelelu uâ; mikanda a i soneka mu dijina dia muenexi Asuuelu, ia a i te kidimbu ni nela iê ia sineta.

Estere 8:10

Anga a soneka mu dijina dia muenexi Asuuelu, a ta kidimbu ni nela iê ia sineta, mikanda a i tumikisa ni jiphunga ja koleiu a mondala jikabalu ja mbutu iambote ia kulenga lusolo, ja tokala mu kibhanga ni mu sedivisu ia muenexi.

Estere 8:15

Moledekai anga u tunda bhu pholo ia muenexi, ua zuata izuatu ia ungana izela ni ia azulu, ni kijinga kia ulu ku mútue, ni divunga dia linhu ia fina ni purpura; mundu mu nzunga ia Suzana anga a kola, a sanguluka.

Estere 8:2

Muenexi anga u sunga o nela iê ia tambula dingi kua Hamane, anga u i bhana kua Moledekai. Estere anga u bhana Maludukeu o kutambula konda ia dibhata dia Hamane.

Estere 8:8

Kiki-phe enuenu sonekenenu dingi o jijudé joso kioso ki mua mesena, mu dijina dia muenexi, mu ki te kidimbu ni nela iê ia sineta; kuma se mukanda uòsoneke kiá mu dijina dia muenexi, uòte kiá kidimbu kia nela iê ia sineta, kana muthu u tena dingi ku u lungulula.

Jisálamu 73:6

Ukumbu uâ-phe kifua lubhambu lua zuata mu xingu; a di futu ni kusuína kala dibeka dia zuata.

Jisabhu 1:9

Kuma ima ienhiʼii ia kà di bhanga kiene o kitundu kia kuzediua ku mútue ué, ni jinzenzela ja kunhenga mu xingu ié.

Jisabhu 31:22

Muene u di tungila jithanga jê ja muhota; o izuatu iê, ia linho ia fina ni purpura.

Jisabhu 31:24

U tunga milele ia linho ia fina, anga u i sumbisa, o jingenji bhu kibangu u a bhana jiphonda.

Mukumbi ua Mikumbi 1:10

Tu matama tué kuúabha kuahi, mu makembu mé. O xingu ié u sanga iaiuka ki i kala mu makoladi.

Mukumbi ua Mikumbi 4:9

Ua ngi katula o muẋima moxi, phangʼiami ia muhatu, tata! bhànga diami! Miẋima moxi ia ngi bhu-mu, kiene ki ua ngi iale ngó lumoxi, miẋima moxi ia ngi halumuka-mu, ni dikoladi dimoxi ngó dia xingu ié!

Izaía 3:23

ni malumuenu, ni tu-mavunga tua linho ia makembu, ni matoka, ni jimvéu, ima ioso iii ibhuaku.

Jelemiia 52:33

Anga u mu zula izuatu iê ioso ia kexile na-iu mu kiboiongo; hé uia ni kudia jinga kúdia bhu pholo ia sobha izuua iê ioso ia kexile ku muenhu.

Izekiiele 27:7

Linhu ia fina ia Ijitu, ia kubolodala, iene ia kexile o jikolotina jé, ni i kale iene o jimvela jé; o thanga ja ikolo ia Uiza, ni jikusuka ni ja azulu, jene ja kexile o divunga dié.

Daniiele 5:16

Eie-phe nga ku ivu fuma kuma eie u mesene ia kubhana majimbuluilu, ni kutetulula jiphata. Kiki-phe, se uatena kutanga o kisoneku kiki, ni ku ngʼijidisa dijimbuluilu diê, a-nda ku ku zuika thanga ikusuka, o mu xingu a-nda ku ku zuika lubhambu lua ulu, nʼa ku bhane kididi kia katatu mu utuminu uaʼxi.

Daniiele 5:29

Belxazale bhenhobho ubhana ngonge, anga Daniiele a mu zuika kizuatu kia kusuka, a mu zuika nzenzela ia ulu mu xingu, iá a mu xikila ngonge, muene u kala kilâmba kia katatu mu utuminu.

Daniiele 5:7

Sobha hé uta nzongo, uixi: Ngi bhekedienu bhabha oso jimesene ja iphata, ni akua Kaldeia, ni azambudi oso. Sobha anga uzuela, u ambela jinjimu ja Babilónia uixi: Uoso u tena kutanga mixinda iosoneke iii, na ngi jingunuina o dijimbuluilu dié, a-nda ku mu zuika thanga ikusuka, hé a mu zuika lubhambu lua ulu mu xingu, o mu utuminu uaʼxi a mu bhana-mu kididi kia katatu.

Luka 15:22

Maji o tata-phe, uambela abhikʼê, uixi: Bhekenu, lusolo, kizuatu kia matunda, mu mu zuike-kiu! Mu tienu ue nela mu mulembu ni jisabhatu ku inama!

I Samuuele 18:4

Mukonda dia kienʼiki, Jonata anga u zula divunga diê-muène dia zuata, u di ta kua Davidi, ni ibhakatu iê katé ni xibhata iê, ni mufula uê, ni phonda iê.