Dimatekenu 41:41 - O Mikanda Ikola

⁴¹ Falaó anga u ambela dingi Zuze, uixi: Ua mono-ze, nga ku bhana kijingu kia kutumina (ni kutambula konda) ia ixi ioso ia Ijitu.

Dimatekenu 41:41 ပူးပေါင်းရင်းမြစ်များ

Dimatekenu 39:22

O kasalelu anga u bhakula bhu maku a Zuze, o jipelezo joso jala mu kaleia; katé ioso iala mu bhanga momo, Zuze kiá uia ni ku i bhanga.

Dimatekenu 39:5

Anga ki bhita kuma, tunde mu thembu ia mu bhana kutambula konda ia dibhata diê, ima ioso iú ua mu bhakuila-iu muene, Jihova u kala mu zediuisa o dibhata dia mukua Ijitu, mukonda dia Zuze; dibesá dia Jihova anga di kala ku thandu dia ima ioso iala-naiu, ni ku bhata ni ku mukáu.

Dimatekenu 41:44

Falaó anga u ambela Zuze, uixi: Eme-eme ngi Falaó; maji eie-phe ki ualʼokio, se eie u kamba ku ki zuela, kana muthu u zenga lukuaku mba u zangula kinama, mʼoxi ioso ia Ijitu.

Dimatekenu 42:6

Zuze-phe, uala nguvulu iaʼxi ioio; muene uala kusumbisa athu oso o makudia. Jiphange ja Zuze anga a tula, a mu diundila ni jipholo ja tula ku mavu.

Dimatekenu 45:8

Kala kiki, kʼenu mua ngi tumikisa kunu, maji Nzambi; ua ngi bhange ngi tata ia Falaó, ngi ngana ia mbanza iê ioso, ngi nguvulu ia ixi ioso ia Ijitu.

Estere 10:3

Kuma o judé Moledekai muene kaiadi ua kaiela kua muenexi Asuuelu, anga u kala ni kijingo muʼaxaxe ka jijudé, kuma muthu uambote, o mundu ua akuʼâ a di tumu-nê kiambote, u sota jinga muiji uê ku u bhanga mbote hé u kalakela muiji uê, ni aluluʼâ mu ku a xila kutululuka.

Jisálamu 105:21

U mu ta ku pholo mù tumina o dibhata diê; muene u tambula konda ia jimbongo jê joso.

Jisabhu 17:2

Mubhika uala ni masunga, u tumina ni ku thandu dia monʼa ngana u bhanga ima ia jisonhi; undundu ua tokala jiphange, ni muene u tambula-ku dikanda.

Jisabhu 22:29

Eie ua mono muthu uala ni makidikidi mu kikalakalu kiê? Muenhó-phe hinu a-nda ku mu xikika bhu pholo ia jingana; ka tena ku mu tula ngó bhuamoxi ni athu ió a sebhuluka.

Ndongixi 4:14

Mbata bhuala iú u tunda muene mu kaleia, nʼeza ku usobha mu kutumina; sumbala kiene muene, a mu vuala ngadiama mu utuminu uê.

Daniiele 2:48

Anga sobha uzangeleka Daniiele ni kijingo kiavulu, u mu bhana ndumba ia jimbote jamakota, hé u mu bhanga nguvulu ia sengo ioso ia Babilónia, anga a mu tudika ue ku thandu dia jinjimu joso jala ni kuijiia mu Babilónia.

Daniiele 6:3

Daniiele anga u di tungula, mu axaxi ka mavunda ni ilâmba; mukonda mua muene mua kexe muẋima uabeta ujitu; Sobha-phe hé ukala mu kuxinganeka ku mu xikika ku thandu dia utuminu uoso.

Matesu 28:18

Jezú anga uiza, u a ambela, uixi: O kutena kuoso a ngi bhana-ku eme, ni mu diulu, ni mu ngongo.

Jipoxolo 7:10

Hé u mu kudila mu malamba mê moso. O Zuze kia tukuluka kua Falaó, Nzambi u mu muesa ujitu ni unjimu bhu pholo ia Falaó sobha ia Ijitu. O Falaó anga u mu bhanga nguvulu ia Ijitu, ni ia ku tumina dibhata diê dioso.