Dimatekenu 41:25 - O Mikanda Ikola

²⁵ Zuze anga u ambela Falaó, uixi: Nzoji ié, sobha, imoxi iene iala-bhu. Nzambi kima kia-nda kubhanga, ua tumu ku kʼijidisa Falaó.

Dimatekenu 41:25 ပူးပေါင်းရင်းမြစ်များ

Dimatekenu 40:8

Anga a mu ambela, exi: Mukonda tuanjiua nzoji, muthu ki tu mu mono ua tena ku tu jimbuluila-iu. Zuze anga u a ambela, uixi: Manhi o kujimbulula ki kuangene kua Nzambi? Ngi tangedienu-iu, nga mi diondo.

Dimatekenu 41:16

Zuze anga u vutuila Falaó, uixi: Kiókio ki eme ngala nakiu; Nzambi muene u bhana kua Falaó o dijimbuluilu di tululuisa.

Dimatekenu 41:26

O sambuadi dia ngombe ja uabha, kifua sambuadi dia mivu; o sambuadi dia masa ma uabha, sambuadi dia mivu ue; nzoji ieniʼê imoxi.

Dimatekenu 41:28

Kiene kiá ki ngʼambe kua Falaó, ngixi: Kima kia-nda kubhanga Nzambi, ua tumu ku kʼijidisa Falaó;

Dimatekenu 41:32

O ki ua mono, Falaó, nzoji a mu anjiuisa-iú luiadi, mukonda kua Nzambi kiókole kiá, Nzambi ka-ndu nanga dingi mu ku ki bhitisa.

Jisálamu 98:2

Jihova uedikiza ubhulukilu uê; o kukumbidila kuê, kua di monekena ku mesu a akua jixi joso.

Makatukilu 9:14

Mukonda o kiki kiá nga-nda kutumikisa o mabhebhu ami oso ku thandu dia muxima ué, ni ku thandu dia akua mbèle ié, ni ku mundu ué; phala eie u kʼijiie kuma eme ki ngi moneka mukuetu nga soko-nê mu ngongo ioso.

Izaía 43:9

Ifuẋi ioso iòngame bhuamoxi, jipovo ji di-phophe; mukuahi mudiâ u tena ku tu tangela kiki, nʼa tu ivisa ima ia xiahulu? a tuie-bhu jimbangi jê, phala mundu a kʼivue, nda a ki xikine kuila, kidi kiene.

Daniiele 2:45

Kiene ki ua muena kuila ku mulundu kua bamuka ditadi, maji ki maku ma di bamuna, dieneʼdi dia sasujula o felu, ni ngôndo, ni utuma, ni phalata, ni ulu, Nzambi, Kutende uadimuna sobha, phala ku kuijidisa ima ioso hádia ia-nda kuiza ku pholo ki zubha kubhita iosuʼiii; o nzoji ia kidi, o dijimbuluilu diê dia kidi.

Daniiele 2:47

Sobha anga ukumbulula Daniiele, uixi: Kia kidi kiene, Nzambi ienu muene Nzambi ia jinzambi, muene Ngana ia jisobha; muene ue o mukua kutukulula ni kujingununa o ijinganu; mukonda o kijinganuʼiki eie ua ki lende muene o ku ki tetulula.

Amoji 3:7

Mukonda Jihova kana-ku kima kia bhanga hé u kamba kuijidisa kikutu kiê ku abhikʼé, o jipolofeta.

Matesu 24:40

Kienhókio mala kiiadi a kà kala mù bhanga kikalakalu ku mukáu, iú a mu ambata, mukuá a mu xa.

Marku 13:23

Enu-phe di langienu! Talesenu, Eme nga kalanga ku mi tangela ima ioso, kiosuʼiki kiluua i bhita.

Efezo 1:17

Eme ngalù bhinga kua Nzambi ia Ngana ietu Jezú Kristu, Tata ia fuma, kuila a mi bhane o Nzumbi iê, mukua kuijidisa ni kujingununa o ima, phala mu tene ku mu ijiia muène kala kia fuama.

Josuué 11:6

Jihova anga u ambela Josuué, uixi: Kana kukala ni uoma bhu pholo iâ; mbata mungu, bhu kumbi kala didi, ngʼa nemeka anga ngʼa bhakula kiua bhu pholo ia anʼa Izalaiele. Jikabalu jâ mu ji sènda o mixibha, o makalu mâ mu a oha mu túbhia.

Dijingunuinu 4:1

Kia bhiti imʼiii, ngi kala ni kisunji kia mukuá, o ki nga tale, ngi mona dibhituʼidi, dia jikuka mu diulu! O dízui di nga diangele kuívua, mkuâ ni koloneta, anga di ngi zuelesa, dixi: Banda kunu, ngi ku idikize ima ia bhingi hinu i bhita!