Dimatekenu 4:8 - O Mikanda Ikola

⁸ Kaini anga u zuela ni phangʼê Abele, uixi: Tuie ku mukáu. O kioso kiala kiiadi kiâ mu mukáu, anga ki bhita-phe kuila Kaini u lungulukila Abele, phangʼiê, hé u mu jibha.

Dimatekenu 4:8 ပူးပေါင်းရင်းမြစ်များ

Dimatekenu 4:25

Adá anga u tona dingi kuijiia mukajiʼê; anga u vuala monʼa diiala, u mu luka dijina dia Sethe; kuma uambe, uixi: Mbutu ia mukuá ia ngi bhana Nzambi, bhu kididi kia Abele, kuma a mu jibha kuala Kaini.

II Samuuele 14:6

Ngi kahatu ké-phe, nga xedi ni anʼaiadi a mala, anga a dikuata mvunda ene ubheka uâ mu mukáu, ki bhuala u a muangununa, iú-phe u ta kituezu kua mukuâ, hé u mu jibha.

II Samuuele 3:27

Abinele-phe kia zubha ku vutuka bhu Hebolone, Jouabe u takananê bhu muelu ua kimbaka, anga u abhuka-nê bhu mbandu, kala phala kuzuela-nê maka bhu ubheka, bhenhobho anga u mu toma iene ia jimbanji, u fuila bhobho, mukonda dia ku mu vutuila o phonzo ia manhinga ma Azaiele ndengʼiê.

II Malunda 21:4

Kioso Jolá kia zubha kubanda bhu kiandu kia ungana ua tatʼâ, o kia mono kiá kuila ua di kuatenena kiá kiambote, phange jê joso ua a jibha ni xibhata, kumoxi ni adiakimi amoxi-mu mua Izalaiele.

Nehemiia 6:2

Sambalate ni Jeseme a tuma ku ngi tangela, exi: Izá, tu takane kumoxi mu tusanzala, mu honga ia Ono phala tu di kunde hanji. Ene-phe a kanene ku ngi bhanga kiaiibha.

Jobe 11:15

Kuabhu-phe, pholo ié ia kambe o kisemu ia kà bhetuka, ua kèmana sè uoma, ua kà kala bhua kondama.

Jisálamu 139:19

Ki kôla Ngana! kisuéia hinu u mu jibha! Ngi tundidienu bhu mbandu iami, enu mu athu mua hamena o manhinga.

Jisálamu 36:3

Maka ma dikanu diê ufe, ni makutu; o kukala ni kilunji ni kubhanga mbote, ua ku lémbua.

Jisálamu 55:21

Mu kanu diê mu nengana kiambote kala matheka, maji ku muẋima-phe kua mu kala mvunda; maka mê ma ẋanana kala maji, maji ua ku zuikila o dizu kala xibhata.

Hozeia 4:2

Maji kiala-mu ngoho o kuloka mu kingoho ni kutanga makutu, ni kujibha, ni kunhana, a ta jiphanda, kutunda ufumbe, kubhingana ufumbe ni ku di jibha.

Mikeia 7:6

Mukonda o mona ua diiala u nongena tatʼâ, o mona ua muhatu u balukila mamʼâ, o mbalakaji u zoka ni ukoue ua muhatu, anga o jinguma ja muthu a kala ene-muène a tokala mu dibhata diê.

Dialuilu 35:20

Hé ua mu nenguna mukonda ua mu zembe, mba ua mu batamena, hé u mu takula kimbamba, muthu iú ua fu,

Matesu 23:35

Phala o manhinga moso ma athu aiuka ma dizunza mu ngongo ni ma kèza ku thandu dienu, tunde ku manhinga ma Abele, o muthu uaiuka, katé ku manhinga ma Zakadiia, monʼa Balakiia, mua mu jibhila bhu kaxi dia kididi kikôla ni kalatódio.

Luka 11:51

Tunde ku manhinga ma kúfua kua Abele, katé ku manhinga ma Zakadiia ua fidile bhu ʼaxaxe ka kalatódio ni Kididi Kikôla kia Tembulu. Xí, ngi mi ambela muene kuma manhinga mene moso a-nda ku ma bhela kaxtiku ku muiji ua lelu uenhú.

Luka 22:48

Jezú-phe, u muambela, uixi: Juda, kífua Monʼa Muthu u mu bhakula ni beju?

Jihebeleu 11:4

Kiejila mu kuxikana, Abele kia bhakuile kua Nzambi o sata ia beta ujitu, ki i soko ni ia Kaini. O mu kuxikana anga u tambula umbangi ua kuiuka kuê, kuma Nzambi muène ua mu bhela umbangi mukonda dia maujitu mê. O mu kuxikana kuê, Abele sumbala uafua, hanji iú zuela.

Jihebeleu 12:24

Mueza kua Jezú, ua bhange o kikutu kiobhe, iú ua sangela o manhinga ma jimbulula o ima ia beta kuuabha, ki ma soko ni manhinga ma Abele.

Juda 1:11

Lamba diâ! Kuma a kaiela mu njila ia Kaini! Mukonda dia luimbi lua kitadi, a texikila mu kutondala kua Balamu, ua bhindamenéne o nganhu! A buikila mu kuxibhaka kala Kola kia xibhakele iú ua buika.