Dimatekenu 4:4 - O Mikanda Ikola

⁴ Abele ue u bheka ku anʼa jimbudi mu kilunga kiê oso a dianga ku a vuala, ni ku misuinhi ianete. Ngana anga u suua Abele ni ujitu uê,

Dimatekenu 4:4 ပူးပေါင်းရင်းမြစ်များ

Dimatekenu 15:17

Anga ki bhita-phe kuila, o kia zubha kutula o dikumbi, kuma anga ku vunda kiá muene, u mona dijiku diala mu fuafua dixi, ni sama ia uama túbhia, ia bhiti mu kaẋi ka isasu ienhoio.

Dimatekenu 4:3

Mu kubhanga izuua, Kaini anga u bheka idima mu bhanga ujitu kua Ngana.

I Jisobha 18:24

Bhenhobho enu muixana ni kuhingila o dijina dia nzambi ienu, eme uami ngixana ni kuhingila o dijina dia Jihova. Kia-ndu kala-phe kuma, nzambi ioso itaiela ni kubhana o túbhia, ió muene u kala Nzambi. Kifuẋi kioso anga a vutula, exi: Kiokio ua zuela kiambote.

I Jisobha 18:38

Bhenhobho kua Ngana kulauka lúbhia, anga tu jikatesa sata ia kuoha, ni jihuinhi, ni matadi, ni mavu, anga tu lesa hanji ue ni menha a kexile mu mulombo.

I Malunda 21:26

Kienhiki Davidi anga utunga bhenhobho o kalatódio ka Jihova, hé ubhana o jisata ja kuoha ni jisata ja mutululuku; anga uhingila Nzambi; Ngana hé u mu vutuila ni túbhia tua tundu ku diulu, hé tu tula ku thandu dia kalatódio ka sata ia kuoha.

II Malunda 7:1

Kioso Solomá kia zubha o kusamba, kua tuluka túbhia tua diulu, anga tuʼoha jisata joso ni mibhaku; o unéne ua Jihova anga uizalesa o inzu ioso.

Jisálamu 20:3

A lembalale o maujitu u ua mu bhakuila jinga, a ẋikine o sata ié ia kuoha. (Selah.)

Makatukilu 13:12

Kienhókio mua ká lumbila Jihova oso a tuama kujikula o divumu, ni anʼ oso a ibhaku a tuama ku a vuala, jindumbe ji kala jangene ja Jihova.

Jisabhu 3:9

Jihova mu jingise ni ima ioso i uala na-iu; mu bhane ku jisamba-tènde ja ima ioso ia kumona kué.

Ndongixi 4:4

Inda nga mono ue kuma o kukalakala kuoso ni kusakalala o maku mu ibhangelu, kuene ku bhekela ku muthu o luimbi lua mukuá uoso a zukama-nê. Kuma kienhiki ue kingoho ni lamba dia muẋima.

Ijila 9:24

Kuma bhu pholo ia Jihova bhua tundu túbhia tu tua jidisa o sata ioso ia kuoha ni banha iala ku kalatódio; o kifuẋi kioso kia ki mono, a dikola ni ngalasa, hé a di bhala jipholo bhoxi, mu kudiunda.

Dialuilu 16:15

Kienhókio Mozé o njinda i mu kuata kiavulu, anga uambela Jihova, uixi; Kana kusuua ku ujitu uâ; eme né ngó bulu imoxi ki ngi i tambula kokuâ, mba nga bhange kiaiibha ku muthu mudiâ.

Dialuilu 16:35

Kuabhu-phe, anga ku tunda túbhia kua Jihova, anga tu jikinisa o hama jiiadi ni makuinhi atanu a muthu a kexi mu kuoha o uasu ua dizumba.

Dialuilu 18:12

Ku maji oso ambote, ni ku mákunua oso ambote, ni ku jimbundu joso jambote, ni ku ibundu ia ioso ia mutômo, ia bhakula kua Jihova, nga ku bhana-iu; eie.

Dialuilu 18:17

Maji o phande-kumbi ia ngombe-phe, mba phande-kumbi ia mbudi, mba phande-kumbi ia hombo, kana ku i kula; mbata ikôla; manhinga mâ u ma sangela ku kalatódio, o maji mâ u moha kuma sata ia kuoha, i tubhula dizumba diambote kua Jihova.

Jihebeleu 11:4

Kiejila mu kuxikana, Abele kia bhakuile kua Nzambi o sata ia beta ujitu, ki i soko ni ia Kaini. O mu kuxikana anga u tambula umbangi ua kuiuka kuê, kuma Nzambi muène ua mu bhela umbangi mukonda dia maujitu mê. O mu kuxikana kuê, Abele sumbala uafua, hanji iú zuela.

Jihebeleu 9:22

Mu kidi, kala kia tumu o Kitumu, kifua ima ioso muène ia bhingi ku i bonza ni manhinga. Mukonda sé kulundulula manhinga, ki ku kala muloloko ua ituxi.

Dijingunuinu 13:8

O ene oso a tungu mu ngongo a kà kala mu ku mu bheza, ió ene oso a kambe o ku a soneka o majina mâ tundé ku dimatekenu dia ʼxi mu divulu dia muenhu diangene dia Kambudi, ió a mu jibhile.

Afundixi 6:21

Bhenhobho anju ia Jihova u sunununa o dikoue dia mu kala bhu lukuaku luê, u tula o sungu iê ku xitu, ni ku jimbolo ja kambe kifulufulu kia kinanesa; bhu ndánji anga bhu fuáfua túbhia, ni xitu ni jimbolo anga ijokota; anju ia Jihova anga i mu jimbila ku mesu.

I Samuuele 15:22

Samuuele-phe, uixi: Kifua ki uabhela kiavulu Jihova maujitu ma kuoha ni jisata, inga ki mu uabhela o kutumaka dízui dia Jihova? Mukonda, o kutumaka kota, kusatela ndenge, o kubelesela ue kota ki ku soko ni banha ia jimbudi.