Dimatekenu 4:15 - O Mikanda Ikola

¹⁵ Ngana anga u mu ambela, uixi: Mukonda dia kiki, uoso u jibha Kaini, kaxti-ku kê ka kala mu lusambuadi. Ngana anga u ta kijimbuete kua Kaini, phala uoso u mu tuuama, ka mu jibhe.

Dimatekenu 4:15 ပူးပေါင်းရင်းမြစ်များ

Dimatekenu 4:24

Mukonda se o mulonga ua Kaini, a u êlesa lusambuadi, Ua Lameke u bhinga makuinhi sambuadi a masambuadi.

I Jisobha 16:7

Kienhiki ue kiejile o kizuelu kia Jihova, mu ukunji ua polofeta Jehu, monʼa Hanani, mu kuêlesa Bahasa ni dibhata diê; o kia ki bhekele, o usuéia uoso ua bhangele Bahasa ku mesu ma Jihova, kia mu thathamesa ni ibhangelu ia maku mê, mu ku di sokesa ni dibhata dia Jelobouamu, ni mukonda ue dia ku buidisa o dibhata dioso dia Jelobouamu.

Jisálamu 59:11

Kana ku a jibha, sumba mundu uami a jimba-ku; enda ni ku a kaia ni kifuxi kié, a kale mu bungajana; eie Ngana u kala u ngubu ietu.

Jisálamu 79:12

Athu engiʼó u tua zukama-nâ a fute lusambuadi bhu homba iâ, o kusebha kuâ kua ku ku tobhesa eie u Ngana.

Jisabhu 6:31

Maji, se a mu sange, ua-nda kufuta lusambuadi; soua ioso ia dibhata diê iia-mu.

Izekiiele 9:4

Ngana hé u mu ambela, uixi: Bhita mu kaxi ka mbonge, muʼaxaxe ka Jeluzaleme, u te kidimbu bhu mabhômo ma athu oso a mu di tula muenhu ni kukema, mukonda dia isunji ioso iaiibha ialuʼia ni kubhanga athu mu kaxi ka mbonge mumu.

Izekiiele 9:6

A kuka jibhenu, minzangala jibhenu, ilumba ia mizeletete jibhenu, tuana tua ndenge jibhenu, ni ahetu jibhenu, katé ki mu a jimisa o mbutu; maji muthu uoso mu mu sanga ni kidimbu, ió ki mu mu bhixile; andekelenu mu dibhezelu diami muene. Anga a matekena ku adiakime ene a kexile ku pholo ia inzu ia Jihova.

Hozeia 1:4

Ngana anga u mu ambela, uixi: Mu luke dijina dia Jezelele; mbata bhuanda kubhita ngó kathangana kòfele, manhinga ma Jezelele nga kà mʼebhula ku thanduʼ ʼa diembu dia Jehú, anga o utuminu ua Izalaiele ngi u bhuisa-ku kiá.

Ijila 26:18

O ki mu bhita ni ima kala iii, se hanji mua ẋinuka, nguenu ku nʼgivua, kuabhu-phe, Eme uami ngi mi oseka kiá muene ni ku mi bhana kibetu, o kibetuʼiki ngi ki bandekeza lusambuadi, mukonda dia ituxi ienu.

Ijila 26:21

O ki muila-phe mua jijila muene o ku di thathamesa nʼEme, o ku ngʼivua nguenu, ngi mi solomuena kiá mabhebhu makala lusambuadi dingi mu kubhinjika, kala kioso kiafuama mu ituxi ienu.

Ijila 26:24

eme uami ngi di ta-mu dingi, hé ngi mi bhana sambuadi dia kibetu kia tundu akuâ, mbebhu o ituxi ienu.

Ijila 26:28

Eme uami ngi ẋinukina-ku kiá muene, mu ku mi bhanga kiaiibha; anga ngi mi beta dingi mu lusambuadi lua tundu akuâ, kingumba o ituxi ienu.

Matesu 26:52

Jezú anga u mu ambela, uixi: Fomeka dingi o xibhata ié mu kizu. Kuma oso a katula xibhata, a kà fua ku xibhata.

Dijingunuinu 14:11

O dixi dia túbhia tua kà a tatesa, dia kà banda jinga katé ku hádia ni hàdia! Momo, oso a bheza kiama ni kitèka kiê, ni oso a tambula kidimbu kia dijina diê, a kà tala hadi muanha ni usuku ka nhoha.

Dijingunuinu 14:9

Anga ku kaiela anju iamukua ia katatu, u tanga ni dizui dia suina, uixi: Se muthu u bheza o kiama ni kitèka kiê, hé u tambula o kidimbu kiê bhu dibhomo mba ku lúkuaku,