Dimatekenu 4:14 - O Mikanda Ikola

¹⁴ Eie-phe ua ngi kaiʼó kizuua kia lelu, ku mavu a ngongo; bhu pholo ié kifua ki ngi kala-bhu dingi; ngenda jinga ni ku ku suamena, ngà kala ngi munhungani, ngi lenga-lenga ngó, ngi muthu ki ngi moneka kididi mu ngongo; kià kala-phe kuma uoso ió u ngi tuuama, u ngi jibha.

Dimatekenu 4:14 ပူးပေါင်းရင်းမြစ်များ

Dimatekenu 3:24

O muthu kia zubha o ku mu kaia, Nzambi u ta jixelube ku mutundila-kumbi ua kadíbhia ka Edene, ni xibhata ia mulengu u lunga kuku, u lunga koko, mu kuxita o njila iia ku muẋi ua muenhu.

Dimatekenu 4:13

Kaini anga u ambela Ngana, uixi: Kaxtiku ku ua ngi bhana ka ngi nemena kiavulu. Ki ngi tena kusoka na-ku.

II Samuuele 14:7

O ki tualʼiki família ioso ia ngi lungulukila eme, exi: Tu thelekale uoso ua te o kituezu kua phangʼiê, etu ue tu mu jibhe mukonda dia muenhu ua phangʼiê ua bûba, phala muene ue tu mu fudise o kukala kabhingano. Kala kiki, andala dikala diami dia túbhia dia xala-ku, a ngi jimina-diu, ni eme ni munumeʼami hé tua kà xala sé dijina sé mbutu mu ngongo.

Jisálamu 109:10

Anʼê a kale anhungani a hatu, ende ni, kubhinga jimola; o dibhata diê di kale ngùndu, ene ende ni kunhunganena ku makanga.

Jisálamu 109:12

Ki bhu kale muthu u mu kuatela henda; mba bhu kala muthu u xinganeka anʼê ala mu uhukunhu.

Jisálamu 143:7

Endelà-ku, Ngana, mu ku ngʼitaia, kuma o nzumbi iami ia botomoka; kana ku ngi suekela o pholo ié, mbé ki ngi kale kala athu a mu kutuka mu kina.

Jisabhu 14:32

Kisuéia, o usuéia uê uene ua-nda ku mu kakula; maji o muthu Uaiuka-phe, katé ni mu kúfua kuê, hanji sai kia dielela.

Jisabhu 28:1

Isuéia a di ta ku lusolo, nè-mbe ua a landemeka ka moneka; maji o athu oso a iuka-phe, a di fikidila kala hoje ia munzangala.

Izaía 8:22

O kia tala mu ngongo, a mona-mu mukondo ni kitombe kila muene buí, o mu thulu mua kà a xita ni kikote, anga aia ni ku a lundujuila mua vundu, muedi buí.

Jelemiia 52:3

Mukonda dia kienhiki-phe, anga ki bhita kuila, mukonda dia njinda ia Jihova ia kuatela Jeluzaleme ni Juda, Jihova ua a kaie bhu pholo iê; anga Zedekiia u lungulukila sobha ia Babilonha mu kuzoka-nê.

Hozeia 13:3

Kienhiki ene a-nda kukala mukua ni dituta dia kimene, kala dimume dia kamene-mene, ki diene mu kunanga kubhita; ela kala ibhiate bhu dizanzu dia kubetela, a i ambata kuala o kitembu kia suina; a di bhanga kala dixi dia mu tunda mu xaminé.

Ijila 26:17

Pholo iami i mi kitukila, anga kisuéia ki mi buibua kuma nguma ja kà mi kuama; oso a mi zembe a kʼènda ni ku mi vua anga a kituka ngana jenu, anga mua kʼènda ni kulenga-lengenu ngó u mi kaia ka moneka.

Ijila 26:36

O ió-phe oso hanji asubhuka-ku momuenu, ngi a tuika uoma uonéne mu miẋima iâ, ubhinga kuila o mʼoxi ia jinguma jâ muala, katé ni dife diala kulokosa ni kitembu, dienhidi dia a bhesa ue lusolo; anga a kà kuata muene kulenga kala ala kulenga xibhata; a kà di vunda-vunda bhoxi, sé ngó muthu uala ku a landameka.

Dialuilu 35:19

Muzokediʼa manhinga muene u jibha o kijibhanganga; bhuoso bhua takanena-nê, a mu jibhe.

Dialuilu 35:21

mba ua mu beta ngó ni maku, mukonda dia ku mu zemba, katé kia fu; uoso ua beta mu mu jibha muene, mukonda kijibhanganga; muzokediʼa manhinga muene u jibha o kijibhanganga, bhuoso bhua takanena-nê.

Dialuilu 35:27

muzokediʼa manhinga nʼa mu sange ku kanga, bhu mbambe ia mbonge ia kukondamena ua somboka-bhu, muzokediʼa manhinga nʼa mu jibha, kèla kuma kituxi kia te.

Matesu 25:41

Muène anga ua kʼàmbela iá ala ku kiasu: Tundenu bhu mbandu iami, enu a mi bhubhidila kuala Nzambi! Ndenu mu túbhia ki tuà jima, a tu iudikila Diabhu ni ji-anju jê!

Matesu 25:46

Iá-phe a kàia ku phaxi ki iabhua, o iá aiuka, ku kuenhu ki uàbhua.

Matendelelu 28:64

Jihova ua ka mi muangena muʼaxaxi ka miji ioso tunde kua tundu oxi ʼté ku maẋokololo ku iasuku; o kuenhoko kuene kiua ku ua kà bhikila o jinzambi jengi, ja bhingi nʼeie ni jitata jé kiluua mu jʼijiia ngó; jinzambi ja miẋi ni ja matadi.

Matendelelu 28:65

Né hanji-phe muʼaxaxi ka miji ienhoio, dinhohenu kua kà di sanga-mu! Katé ni dikànda dié dia kinama, ki dia kà mona ngó kakididi bhu di nhohena! Mbata ue kuenhoko Jihova ua ka ku bhana muxima ua kiteketela, anga u ku bhana mesu a zonzalala, ni muenhu ua bhuuama ni kikote.

II Tesalonika 1:9

Enʼ ió o kaxtiku kâ kà kala kingumba kinangenena, o bhu pholo ia Ngana a kà a sandula-bhu, ni ku fuma ia kusuina kuê.