Dimatekenu 4:10 - O Mikanda Ikola

¹⁰ Kuala Ngana: Eie ihi i ua bhange? Dízui dia manhinga ma phangʼié dia dikola kokuami tundé mu mavu.

Dimatekenu 4:10 ပူးပေါင်းရင်းမြစ်များ

Dimatekenu 18:20

Jihova anga u zuela dingi, uixi: Mukonda o kudikola kua tundu mu Sodoma ni Ngomola kuavulu, ituxi ia kubhukumuka kuâ iavulu dingi kinéne.

Dimatekenu 3:13

Jihova Nzambi anga u ambela muhatu, uixi: Eie phalaʼhi ua bhange kiki? Kuala muhatu; o nhoka ia ngi tobhesa, eme nga di.

Dimatekenu 9:5

Ni kidi kiene o manhinga menu nga kà ebhula muene, o manhinga ma mienhu ienu nga kà ebhula muene ku kiama kioso katé ni bhu lukuaku lua muthu, xi, katé ni bhu lukuaku lua muthu ni mukuá, nga kʼebhula o muenhu ua muthu.

II Jisobha 9:26

Ni kidi muene, se mazá mu kumbi dia ngoloxi eme ki ngi muene o manhinga ma Nabote ni manhinga ma tuana tuê, eme ue ki ngeju ku ku futila-kiu mu kiẋimbuʼiki kia mukáu, Jihova ua ki tange. Kala kiki-phe, mu zangule u mu texi mu kiẋimbu kienʼiki kia mukáu kala kia tange o kizuelu kia Jihova.

II Malunda 28:9

Muenhomo-phe mua kexile polofeta ia Jihova, dijina diê, a muʼila; Odele. Muenʼiú anga u tunda mu ku kauidila o kifuẋi kia masoladi, kia mu kuiza mu Samádia, anga uʼambela, kuila: Talenu, kioso Jihova, Nzambi ia jitata jenu kia thathamena akua Juda, ua a bhakula bhu lukuaku luenu, enuʼenu mua a jibha kiabhu ni njinda ia bhingi kuila ia bhixila katé mu diulu.

Jobe 16:18

Eie mavu, tata! Kana kuvunga manhinga mami! Ki bhu kale kididi bhu suama o ku di kola kuami!

Jobe 24:12

Tunde mu jimbonge athu ia kema, o iá a kuama mienhu iâ i i di kola, maji Nzambi phe ka ki mono kuila kima kia ulaji.

Jisálamu 50:21

Iene ima i ua bhange iii; mukonda-phe dia kudixibha kuami, ua ngi fika ngi mukuenu, nga soko ni ki ualʼeie; maji-eme-phe ngi ku bazela, o ikuma ié ngi i ta muene ku munôno ku mesu mé.

Jisálamu 72:14

U jituna o mienhu iâ ku ungungu ua kúdia mangonha o manhinga mâ ma kala ni valolo ia dikota ku mesu mê.

Jisálamu 9:12

Kioso ki eza mu kuibhula o mulonga ua kijibha, kene kujimba; o ki dikola ngadiama, ka kambe ku mu ivua.

Jisálamu 9:13

Ngi kuatele henda, Ngana Nzambi; tala, Ngana, kia ngi tatesa ió a ngi zembe; eie kiá ua ngi bhetula, hinu ngeju boloka kuʼalunga.

Makatukilu 3:7

Jihova anga u zuela dingi, uixi: Nga mono kidi muene o phaxi ia ifuẋi iami iala mu Ijitu, ngevu o kudikola kuâ, mukonda dia abhondeleki ala ku a bhikisa kiavulu; mukonda eme ngejiia o malamba mâ.

Izaía 5:7

Mbata o díbhia dia muvide ua Jihova dia Ilombo Ieta phe, o dibhata dia Izalaiele; o athu êne mu Juda, ene o phaphu iambote ia phaphe-mu; Jihova phe ua dielelele kuila ende ni kubhanga ima ia kuiuka, maji talesa hanji o ungumba uâ! Bhua kingile o kidi, o kuiuka, bheza ngó jingololo!

Dialuilu 35:33

Kienhiki ixi i mua tungu ki mu i te lufuku; kuma o manhinga ma kijibha ma fukula ixi; ixi ki i xikina ku i bonza o lufuku lua manhinga ma kijibha, ki kale uoso ua jibha u bhana ue o manhinga mê.

Jipoxolo 5:3

Kuala Phetele-phe: Eie Ananiia, Satana ua ku funhisa kiebhi o muẋima, phala ute makutu kua Nzumbi Ikôla? Eie ihi ia ku bhakesa o mbandu ia mukuá, ku kitadi kia tundu mu kusumbisa oxi?

Jipoxolo 5:9

Phetele ua mu vutuila, uixi: Mukonda diahi eie ni muadi ué mua di longesa kubhumina o Nzumbi ia Ngana? Ivua bhu kanga o mixindu ia minzangala ió endele kufûnda munumiʼ é, eie ue anda ku ku ambata.

Matendelelu 21:1

Se mʼoxi ia-nda ku ku bhana Jihova Nzambi ié, mua sange-mu kimbi kia muthu, ua fuila mu mukáu, o ua mu jibha ki mua mu ijiiia,

Jihebeleu 11:4

Kiejila mu kuxikana, Abele kia bhakuile kua Nzambi o sata ia beta ujitu, ki i soko ni ia Kaini. O mu kuxikana anga u tambula umbangi ua kuiuka kuê, kuma Nzambi muène ua mu bhela umbangi mukonda dia maujitu mê. O mu kuxikana kuê, Abele sumbala uafua, hanji iú zuela.

Jihebeleu 12:24

Mueza kua Jezú, ua bhange o kikutu kiobhe, iú ua sangela o manhinga ma jimbulula o ima ia beta kuuabha, ki ma soko ni manhinga ma Abele.

Tiiaku 5:4

o futu ia jingunza ja kalakala mu mabhia menu, mua emina-iu. O mu kuditenda kuâ ivenu kia-lu dikola! O mitendu ia enhó a munu o mabhia menu, ia bokona mu matui ma Ngana Nzambi, Muteni-a-Ioso.

Josuué 7:19

Josuué anga uambela Akane, uixi: Monʼami, nga ku diondo, bhana fuma kua Jihova, Nzambi ia Izalaiele, u fisale bhu pholo ia muene; ngi tangele kioso ki ua bhange; kana ku ngi dingila-kiu.

I Samuuele 13:11

Samuuele anga u zuela, uixi: Eie ua bhange kiebhi? Kuala Saúlo: Mukonda nga mono mundu ua mu ngi muangana, eie-phe ua kambe kuiza mu i izua i ua xindi, o akua Fidíxia-phe ki nga a mono a bhongolokela bhu Mikimaxi,