Dimatekenu 39:9 - O Mikanda Ikola

⁹ o mʼonzʼumu ki muala dingi muthu ua ngi tundu ni kima; kana-ku ue kima kia ngi fudisa, ki kale ngó eie, mukonda eie u muhatuʼê; eme-phe ngi tena kiebhi kubhanga kuiibha kuosʼuku ni kuta kituxi kua Nzambi?

Dimatekenu 39:9 ပူးပေါင်းရင်းမြစ်များ

Dimatekenu 13:13

Kienhiʼokio-phe akua Sodoma a kexile athu a bhukumuka kinéne, a ta jinga ituxi ia vulu kua Jihova.

Dimatekenu 20:3

Nzambi phe uiza kua Abimileke ku nzoji mu usuku, u mu ambela, uixi: Ki ualʼokio u mufi, mukonda muhatu ua mu bhake monzo ié mukaji a muthu, uala ni muadi uê.

Dimatekenu 20:6

Nzambi anga u mu ambela ku nzoji, uixi: Nga kʼijiia muene kuma ua ki bhange ni muxima ua uabha, eme uami kiene ki nga ku fudisila o kuta kituxi ko kuami; kiene ki nga ku fudisila o ku mu kuata.

Dimatekenu 20:9

Abimeleke anga u ixana Mbalahamu, u mu ambela, uixi: Eie ua tu bhange kiebhi? Eme nga ku te kituxi kiahi, phala ni eme ni ixi iami u tu bheke mu mulonga ua dikota? Eie ua ngi bhange ima ki i tokala ku i bhanga.

Dimatekenu 24:2

Mbalahamu anga u ambela selevende iê ua kexi dikota mu dibhata diê, mutumini a ima ioso ia kexile na-iu, uixi: Tá lukuaku lué koxi a ditabela diami.

Dimatekenu 39:10

Anga ki bhita kuila, uia ni ku zuelesa Zuze izuua ioso, muene-phe ka ẋikina ku mu ivua phala kuzeka-nê, mba kukala-nê ngó bhua zukama.

Dimatekenu 41:40

Eie muène-muene ua-ndu tambula konda ia dibhata diami; kioso ki u zuela eie, o mundu uami uoso kiene kia tumaka; eme ngi ku tunda ngó mu kuila emi-eme ngi muenexi nga xikama bhu kiandu.

Dimatekenu 42:18

Zuze anga u a tangela, kizuua kia katatu, uixi: Bhangenu kienhiki, phala mu laie; kuma ngi mukua uoma ua Nzambi.

II Samuuele 11:27

O kia bhiti izuua ia kudila o thambi, Davidi u tuma ku mu takana, u mu bheka mʼonzo iê, anga u kala mukajiʼê, hé u mu vualela mona ua diiala. Kima kiki-phe, kia bhange Davidi, Jihova kia mu iibhila.

II Samuuele 12:13

Davidi anga u ambela Natane, uixi: Nga te kituxi kua Jihova. Natane anga u ambela ue Davidi, uixi: Kidi, maji Jihova ua ku loloka kiá kituxi kié, kua-nda kufua, kana.

Nehemiia 5:15

Nguvulu ja dianga-phe, ja ngi diangelele eme, a kexi mu tatesa kifuxi, ni ku a tambula kúdia ni vinhu, anga ku thandu diê, a ta-ku ku futa makuinhiʼauana a xikulu ia itadi ia phalata; o minzangala iâ hanji ue a kuata kubhikisa o kifuxi; maji eme-phe ki kiene ki nga bhange, mukonda dia kuxila Nzambi.

Nehemiia 6:11

Eme-phe, ngixi: Ki bhita kiebhi? Diiala kalʼeme, u lenga? Nanhi muene uala-ku, kala eme, u bokona mu Tembulu nʼa laie? Kana! Momo ki ngi xikina kubokona-mu.

Jobe 31:23

Kuma o njumbu ia Nzambi, phala eme, kima ki ngi kuatesa uoma, o kuimana bhu pholo ia unéne uê, ki ngeje kutena.

Jisálamu 51:4

Ko kué Ngana, ko kué èlele, ku nga tondala, nga bhange kiaiibha muene ku mesu mé; eie bhenhobho u kala ni kidi kié mu zuela; u lungé muene ki u ngʼêlesa.

Makatukilu 20:14

Kana kuta phanda.

Jisabhu 6:29

Kiene-phe kibhita ni uoso u di-bonga ni mukaji a mukuá; kà kamba kikuma, uoso ngó u mu tuta lukuaku.

Jisabhu 6:32

Maji o uoso u ta phanda ni muhatu, ua kambe kilunji; kuma mu ku ki bhanga, ua-lu jikinisa o muenhu uê.

Ndongixi 7:26

Eme nga bongo-mo kima kia beta o kulula kúfua ndenge; kienhiki: O muhatu uedi, o muẋima uê ua di bhange kala uanda ni mabhebhe, o maku mê edi kala mikolo ia kabhila. Uoso ngó ua iuka bhu pholo ia Nzambi, muene ngó ua kà bhulaka kokuê, maji o ió uejidila kiá o ituxi, a kà mu kuta kuala muhatu muenhó,

Jelemiia 28:16

Mukonda dia kienhiki, Jihova uambe, kiki: Tala, kulu-dia-mundu nganda ku ku katula-ku; ua-nda kúfua muvu uenhú, mukonda eie ua zuela ni kubhumina Jihova.

Jelemiia 50:7

Eneʼoso a kexi muʼia ni ku ji bonga, aia ni ku ji diʼâ; o jinguma jâ aia ni kutanga, exi: Ki tuandu kala-ku ni kikuma; mukonda ene a te kituxi kua Jihova, uene o Kibuta kia Kuiuka; xi, kua Jihova, o Kidielelesu kia jitata jâ.

Ijila 20:10

Se bhu kala ue diiala u ta phanda ni mukaj ʼangene, mukajʼa mukuá nʼa te-nê phanda, ni habu ia diiala, ni ndumbu ia muhatu a fue muene, sé phata.

Ijila 6:2

Se muthu u ta kituxi, anga u tondala kua Jihova, mu ku di tuna kubhana kua mukuá o kimbamba kia mu bhana kulanga, mba kima kia mu bhakesa, mba ua ki nhana, mba u bhanga kusuina anga u bhunda kima kia ngene kia mukuá,

Dialuilu 32:23

O ki kala-phe mu kamba ku ki bhanga, kituxi ki mua te kua Jihova; ijiienu-kiu kuma kituxi kienu hinu ki mi sanga.

Luka 12:48

Maji uoso-phe ka kʼijiia, kioso kiandala ngana iê, maji u bhanga ima ia tokala o ku mu beta, a mu beta ni jisanzu jòfele. Kala kiki, uoso a mu bhana kiavulu, a mu bhinga ue kiavulu. O kua ió uoso a mu bhakesa kiavulu, kuene ue kua beta dingi o kubhinga.

I Kolindo 4:2

Kunu-phe uoso a mu tuika o kikalakalu kiki, u bhinga u kala fiiele.

Tito 2:10

Ka kale ni uii, ua kunhana ima ia jingana jâ. Inda a kale kiambote jifiiele, ediikize uthu ua mu ima ioso ia bhanga, phala a fuamese ulongelu ua Nzambi, Mubhuludi uetu, mu ima ioso.

Jihebeleu 13:4

O ukaza u kale ku ujitu kua ene oso, o mala ni ahatu a sakana a di kale jifiiele mudiâ. Kuma Nzambi ua kà fundisa o jindumbu ni akuâ jiphanda.

I Nzuá 3:9

Muthu uoso a mu vuala kua Nzambi, u fula kuta ituxi, mukonda o Nzumbi ia Nzambi ia mu tungu moxi iene i kalakala momuʼê. Kienhiki, ka tena-phe kuta ituxi, mukonda o Nzambi muene Tatʼâ.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

Dijingunuinu 22:15

Ku kanga dia mbanza kuene kukala akua midimu ioso iaiibha, ni aloji, ni jindumbu, ni ijibhanganga, ni akua kubheza itèka, ni uoso u uabhela kuzuela ni kubhanga o makutu.