Dimatekenu 39:4 - O Mikanda Ikola

⁴ Zuze anga u bonga kiadi ku mesu mê, u kala mu ku mu sedivila; muene anga u mu bhana kutambula konda ia dibhata dié dioso, iene ioso iala-naiu ua i bhakula bhu makuʼê.

Dimatekenu 39:4 ပူးပေါင်းရင်းမြစ်များ

Dimatekenu 15:2

Mbalamu anga u zuela, uixi: Ngana tata, u Jihova, kima kiahi ki uanda ku bhanga? Kuma ua ngi mono ngala kuenda ngó kienhiki ki ngi moneka mona, ua ngi tambuila konda ia dibhata Eliiezele iú, mukua Damasku.

Dimatekenu 18:3

Uixi: Ngana iami, se nga sange kisangu-sangu bhu pholo ié, kana ku ngi somboka, ngi selevende ié, nga ku diondo.

Dimatekenu 19:19

ua ngi mono ngi selevende ié, nga bongo kiadi bhu pholo ié, jihenda jé ua ji vudisa mu ku ngi bhulula o muenhu uami; maji o dikanga dia mulundu ki ngi tena ku di zubha, kuma ngala ni hele, sumba kibuika ki ngi kuatela mu njila, ngi fua.

Dimatekenu 24:2

Mbalahamu anga u ambela selevende iê ua kexi dikota mu dibhata diê, mutumini a ima ioso ia kexile na-iu, uixi: Tá lukuaku lué koxi a ditabela diami.

Dimatekenu 32:5

ngeza ni jingombe, ni jijumentu, ni jimbudi, ni jihombo, ni abhika a mala ni a ahatu; eme nga i tumikisa phala ku ku tudila eie u ngana iami, phala ngi bonge ngalasa ku mesuʼé.

Dimatekenu 33:10

Jakobo-phe uixi: Lémbua, ki kiene, nga ku diondo, se nga bongo kiadi bhu mesu mé, ki ngalʼiki, tambula ujitu iú ku lukuaku luami; kuma nga mono pholo ié, mukuâ ni muthu kia mona o pholo ia Nzambi, eie ua ngi tambulula kiambote.

Dimatekenu 33:8

Izaú-phe, uixi: Ua bhange kiebhi o kilômbo kioso ki nga takana na-kiu mu njila, lomboluelu diê diahi? Jakobo-phe, uixi: Phala ngi bonge kiadi bhu mesuʼé, ngana iami.

Dimatekenu 39:8

Muene-phe anga u dituna, u ambela mukajiʼa ngana iê, uixi: Muadiʼami-ze kejiia dingi kima kiala-na-kiu mʼonzo, iene ioso ua i bhana bhu makuʼami;

I Jisobha 16:9

Anga Nzidi mukua mbèle iê mutumini ua kaxaxi ka makalu mê u mu ta kikutu kia ufe, kioso muene kiala mu Tídiza mu kúnua ni kukodiua mʼonzo ia Alasa, ngolambole iê, ua kexile mu Tídiza.

Estere 2:9

Kilumba kiki anga ki mu uabhela, u kala mu ngalasa iê; anga u lenguluka mu ku mu bhana imbamba iê ia ku di uabhesa, ni mákudia ma tokala, ni sambuadi dia ilumba oso a fuama kukala-nê a tundu mʼonzo ia muenexi; ni muene ni ilumba iê u a katula kididi kioso kiala, hé u a bhana kididi kia beta kuuabha mʼonzo ia ahatu.

Jisabhu 14:35

Muenexi ua di-uabhela ni selevende ia sunguluka; maji o njinda iê-phe i landula uoso o semenhi u bhanga ima i kuatesa jisonhi.

Jisabhu 16:7

Mauendelu ma mathu se ma uabhela Jihova, muene-phe u mu bhangesa kuila katé ni jinguma jê, atunganê ku paze.

Jisabhu 17:2

Mubhika uala ni masunga, u tumina ni ku thandu dia monʼa ngana u bhanga ima ia jisonhi; undundu ua tokala jiphange, ni muene u tambula-ku dikanda.

Jisabhu 22:29

Eie ua mono muthu uala ni makidikidi mu kikalakalu kiê? Muenhó-phe hinu a-nda ku mu xikika bhu pholo ia jingana; ka tena ku mu tula ngó bhuamoxi ni athu ió a sebhuluka.

Jisabhu 27:18

Uoso uinga mufiku, ku mufiku udia-ku ibundu iê; uoso ue uxibhidila ngana iê, u tambula ujitu.

Jisabhu 3:4

Bhene-phe ua-nda kumena o kiadi ni diximanu ku mesu ma Nzambi ni ku athu.

Jipoxolo 20:28

Di langienu-phe enʼuenu, ni kilunga kioso, kuma o Nzumbi Ikôla ua mi bhange mu abidi a kilunga kienʼiki. Kalenu-phe mu abidi a ngeleja ia Ngana Nzambi, kuma Muène ua i sumbu ni manhinga ma Monʼ êlele muene.

Lute 2:6

Selevende uala mu kalakesa jingunza, u vutula, uixi: Muene kilumba mukua Mouabhe, uejiia kumoxi ni Nouemi kia tundu ku Mouabhe.

I Samuuele 16:22

Saúlo anga u tuma kuambela Jese, uixi: Nga ku diondo, Davidi a xale kunu bhu pholo iami, kuma ua ngi uabhela muene.

I Samuuele 2:26

Mona Samuuele anga uia ni kukula, ni kuuabhela Jihova, ni kuuabhela ue athu.