Dimatekenu 39:3 - O Mikanda Ikola

³ O ngana iê anga u mu mona kuma Jihova uala-nê, mukonda Jihova ua bhangesa kuila ioso i bhanga Zuze ienda kiambote.

Dimatekenu 39:3 ပူးပေါင်းရင်းမြစ်များ

Dimatekenu 21:20

Nzambi anga u kala ni kaiala, u kula, anga u tunga mu kikangalakata, hé u di longa unfunu ua kuasa ni mufula.

Dimatekenu 21:22

Anga ki kala-phe kuila, o thembu ienhoio, Abimeleke ni Fikole kesongo ka kilômbo kiê, a zuela ni Mbalahamu, exi: Eie Nzambi uala-nê mu ima ioso i ua-lu bhanga.

Dimatekenu 21:23

Kiki-phe u ngi lokela bhenhabha, mu dijina dia Nzambi, kuila kua-nda bhanga usuéia né ku monʼami, mba ku mulaula; u xinganeka mbote ioso i nga ku bhange eie, eie ue iene i u ngi bhanga eme, ni mʼoxiʼumu moso mu ueza mu tunga.

Dimatekenu 26:24

Jihova anga u mu tukulukila usuku uenʼió, u mu ambela, uixi: Eme ngi Nzambi ia Mbalahamu tatʼenu; kana kukala ni uoma ua kima kioso-kioso, kuma eme ngala bhu mbandu ié, ngi ku bhana kuzediua, o mbutu ié ngi i sokolola, mukonda dia selevende iami Mbalahamu.

Dimatekenu 26:28

Kuala ene: Mukonda tua mono kiambote kuma Jihova uala ni eie; tuixi-phe kota bhu bhite muloko bhuʼaxaxi ketu ni eie, tu te kikutu.

Dimatekenu 30:27

Labano-phe, uixi: Se nga sange ngalasa ku mesuʼé, tu kadietu hanji; mukonda nga mono kuila Jihova ua ngi bhana kuzediua mukonda dié eie.

Dimatekenu 30:30

Kuma kioso ki ua kexile, kala kiluua ngʼiza, kiofele ngó ki ua kexile na-kiu; o kiki-phe ia sokoloka kiavulu muene. Jihova ua ku bhanduluila ku kikalakalu kiami, eme muene-phe hinu kizuua kuẋi ki ngi kalakela o dibhata diami?

Dimatekenu 39:2

Jihova anga u kala ni Zuze, katé ioso ia bhanga ienda kiambote; anga u kala mʼonzo ia ngana iê mukua Ijito.

Dimatekenu 39:21

Jihova-phe anga u kala ni Zuze, u mu bhanga henda, u mu sangesa ngalasa ku mesu a kasalelu ua tambula konda ia kaleia.

Dimatekenu 39:23

Kasalelu kala kusuua dingi ima ia bhakuila bhu makuʼa Zuze, mukonda Jihova uala-nê; o ima ioso ia bhanga, Jihova u i zediuisa, ienda kiambote.

II Jisobha 18:7

Kienʼiki ue o Jihova iú ua kexile jinge ni muene; o kuoso-kuoso kuʼaia, o uendelu uê ua ku di-langa kinéne; muene anga u bilukila sobha ia Asídia, u di-tuna ku mu bhikila.

I Malunda 22:13

Ua kà kala ni kuzediua, se eie ukala ni muanu ua kubhaka o itumu ni mabatuilu a tumu Ngana Nzambi kua Mozé, bhu kaẋi ni Izalaiele. Suina-phe, ubhue uoma, u kuate muanu uambote; ku kale ni uoma, mba u bhuila muẋima.

I Malunda 9:20

O Finéia, mona a Eleiazale ku dima kua tundu, muene uakexile hanji o musonguedi muʼaxaxe kâ, Ngana anga ukala-nê.

II Malunda 1:1

Solomá, monʼa Davidi, anga u kala ni kutena kua vulu mʼoxi ia utuminu uê; o Jihova, Nzambi iê anga u kala-nê kumoxi, anga u mu zangeleka kiavulu kinéne.

II Malunda 26:5

Mukonda ua di bhana mu kusota Nzambi mu izuua ia Zakadiia, muthu ua kexile mbâmba mu iusukila ia Nzambi; o mu izuua mua sota jinga Jihova, Ngana Nzambi ue ua mu zediuisa.

Nehemiia 2:20

Bhenhobho nga a kumbulula, ngixi: Nzambi ia diulu muene ua-nda ku tu kuatekesa; etu tu abhikʼê tu balumuka ngoho ni tu tungu; maji enu-phe mu Jeluzaleme kana-mu mbandu ienu, mba undundu, mba kima kiengi kia xa o Makulu.

Jisálamu 1:3

Muthu ió u kala mukuâ ni muxi uòphaphe bhu mbanduʼa honga ia menha, uenda ni kulukula jinga ibundu bhu thembu iê, o difue diê ki di lela ni di laúka; o kioso kia bhanga, ki tunda ni kubhanduluka.

Zakadiia 8:23

Jihova dia Ilombo Ieta uambe, kiki: Bhu kizuuʼokio kia kà bhita-phe kuma kuinhi dia muthu a tokala ku madimi mʼengi ma miji ioso mu ngongo, a kà naminina, ni kidi-ze muene, a kà naminina ku muxiku ua kizuatu kia Judé imoxi, anga a muambela, exi: Tuanda kuia ni enu, mukonda tuene mu kuívua kuila o Nzambi uala ni enu.

Matesu 5:16

Kiene ue, o mukengeji uenu u muikine bhu pholo ia athu, ene a mone ima iambote i mu bhanga, ni a ximane Tata ienu uene mu diulu.

I Kolindo 16:2

Mu kizuua kia dianga ku semana, kala muthu mudienu a katule kakitadi, a ka lunde kididi, kioso kia soko mu kulenda kuê. Mbe hadia ki ku bhinge dingi kubhanga mukungu hinu ki ngi mi sanga.

Matendelelu 2:7

Kuma Jihova Nzambi ié ikalakalu ioso ia maku mé ua i zediuisa muene; muene ua kʼijiia kiambote kuila eie u ngenjiʼa-thumba uala kuenda mu kikangalakata kia dikotʼiki; o mu makuinhi auana a mivu oso iá, Jihova Nzambi ié ua ku bande muene, ki kuala kima kia ku kambe.

Josuué 1:9

Ki eme muène nga ku tumu? Kala u kindanda, u kole kiambote muxima; kana kukala ni uoma, kana kukala ni kekenha; kuma Jihova, Nzambi ié, uala-nê kumoxi kuoso-kuoso ku aia.

Dijingunuinu 3:9

Ivua! Enhó a tokala ku kibuka kia Satana, a mu tanga exi tu Jijudé, mbé ki Jijudé, kuma ala ngó akua makutu, talesa, nga-nda kubhangesa kuila enhó eze, a ku bheze bhu inama ié, nda oso a kʼijiie kuila eme nga ku zola.

I Samuuele 18:14

Davidi anga u kumbidila ni kilunji mu jinjila jê joso; Jihova anga u kala-nê.

I Samuuele 18:28

Saúlo anga u tongolola, hé u kʼijiia, kuma Jihova uala ni Davidi; Mikala monʼa Saúlo ua muhatu, anga u zola Davidi.

I Samuuele 3:19

Samuuele anga uia ni ku kula, Jihova anga u kala-nê, kehela maka-mê moso-moso kuláuka bhoxi.