Dimatekenu 39:11 - O Mikanda Ikola

¹¹ Kizuua kimoxi-phe, Zuze ueza mʼonzo mu kubhanga kikalakalu kie, o ku iá a tokala mʼonzo ki ku kexile muthu uoso-uoso ua kexile-mu kithangana kienhókio.

Dimatekenu 39:11 ပူးပေါင်းရင်းမြစ်များ

Dimatekenu 39:10

Anga ki bhita kuila, uia ni ku zuelesa Zuze izuua ioso, muene-phe ka ẋikina ku mu ivua phala kuzeka-nê, mba kukala-nê ngó bhua zukama.

Dimatekenu 39:12

Muhatu anga u mu kuata mu divunga diê, uixi: Zá tu zekietu. Muene anga u ẋangumuka, u mu xila o divunga bhu makuʼê, u lenga, u tunda bhu kanga.

Jobe 24:15

Mukua ni mesu a mukua jiphanda kia kala mu ku kinga o kufulamana kua usuku, uixi: Mu usuku kana-ku dingi diesu dia-nda ku tena ku ngi mona; anga u sueka o pholo;

Jisabhu 9:17

Menha ma kunhana ma touala kiengi, o mbolo ia kudia ni kusuama kuuabha kuahi ngó!

Jelemiia 23:24

Jihova uixi: Saiku muthu u suama muene mu masuamenu, eme hé ngi lémbua ku mu mona? Manhi eme ki ngiʼzala mu diulu ni mu ngongo? Jihova ua ki tange.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Efezo 5:12

Kuma ima i bhanga enʼ ió mu kasuekele, ni ku i tanga ngó, ki kuata sonhi.

Efezo 5:3

O undumbu-phe, ni ufusa uoso, ni hanji jaiibha, ka jʼ ivue né ku ji ta ngó maka mu ʼaxaxe kenu, kala kia fuama akua Ngana.