Dimatekenu 38:26 - O Mikanda Ikola

²⁶ O Juda kia iedi sui, u i ẋikina, uixi: Muene ua lungu; ki ngi lungu eme; mukonda nga kambe ku mu sakanesa ni monʼami Xelah. Tunde kienhókio Juda ua-di hunji, ka tona dingi ku mu bokona.

Dimatekenu 38:26 ပူးပေါင်းရင်းမြစ်များ

Dimatekenu 37:33

Muene anga u kʼijiia, uixi: Kiene o kizuatu kia monʼami; sai kiama kiaiibha kia mu kuata, ki bhuala phata, Zuze ua diua muene.

Dimatekenu 38:14

Tamale anga u zula izuatu iê ia utudi, u di ta véu iê, u di futa, u xikama bhu phambu ia Enaimi, muene mu njila ia Timinahe; kuma ua mono Xelah ua kulu kiá, maji muene ka mu bhana kusakana-nê.

Dimatekenu 4:1

Adá anga u ijiia mukajiʼê Eva, muene anga u imita, u vuala Kaini, anga u zuela, uixi: Nga kuata diiala, a ngi bhana-nê kuala Ngana.

II Samuuele 16:22

Abisalone anga a mu olekela balaka ku thandu diaʼnzo; Abisalone anga uia, hé u bokona kua akama a tatʼâ, ku mesu a akua Izalaiele oso.

II Samuuele 20:3

Davidi anga u bhixila mʼonzo iê mu Jeluzaleme; muenexi u kuata kuinhi dia muhatu, akamʼê, ua a xile kutambula konda ia dibhata, anga u a bhaka inzo iâ imoxi mu ku a kondeka, u a dikila ni kúdia, maji muene-phe ka a bokona dingi. Anga a kala muenhomo mua a jikila, katé bhu ufuilu uê, kifua mu kikexilu kia utudi.

II Samuuele 24:17

Davidi anga u ambela Jihova, kia mono o anjo iala kubeta o mundu, uixi: Tala, nga te kituxi eme, eme nga bhange kuthathamana; jimbudi jiji-phe ja bhange kima kiahi? Nga ku diondo, lukuaku lué lu ngi nemene eme, ni dibhata dia tatʼetu.

Jobe 4:5

Maji o kindala eie ué kia kuiza, ua thathamana; o ki kia ku kuata, eie ua bhondalala?

Jobe 40:5

Nga zuela lumoxi, ki nga-nda ku vutula dingi, mba-phe luiadi, kuabhu muene, ki nga-nda kuia dingi ku pholo.

Izekiiele 16:52

Eie u tala hadi ni sonhi jé, eie ua bhana o kulûnga ku jiphange jé mukonda dia ituxi ié i ua ta jinga ia beta o kuiibha o ia ene ndenge; ene-phe a beta o kuiuka eie ndenge; sonhi-phe ji ku kuate ue muene; sonhi jé ji ku talese hadi, mbata ua lungisa o jiphange jé.

Habakuke 1:13

Kuzela kuene, Ngana, ku mesu mé, kuma Eie kutené kuiala ima iaiibha mba kutonginina kioso athu kiala kutatesa akuá; abha-phe, Ngana, u lendukila kiebhi athu a bhanga kiaiibha, anga u dixibha muene kioso mukua ituxi kia minha ió ua beta kuiuka kiambote, o muene ndenge?

Matesu 3:8

Imenu-phe ibundu ia fuama o kudiela.

Nzuá 8:9

Ene kievu kiki, a kuata kutunda umoxi-umoxi, tunde ku dikota, katé ku ndenge. Jezú anga u xala ubheka uê ni muhatu, hanji kiemana bhu a mu bhakele bhu ʼaxaxe.

Loma 13:12

O usuku iú batuka, kua kambe ngó kuma kukia. Kala kiki, tu ehiʼenu kubhanga o imbamba ia usuku. Tu maneke o mata ma kulua-nâ mu muanha.

Loma 3:19

Kiki-phe tuejiia kuma kioso ki ambe o Kitumu, a ki ambela ió oso ala bhoxi dia Kitumu. Phala o makanu moso ma xite, ehe o maditatu, mbé mundu uoso a bele mu kufundisa kua Nzambi.

I Samuuele 24:17

Anga u ambela Davidi, uixi: Eie ua lungu, ki ngi lungu eme; kuma ku thandu dia eme ku ku bhanga phulu, eie ua ngi bhange mbote.

I Samuuele 24:18

Eie uedikiza lelu kuma ua ngi lendukila, mukonda eie ua fulu ku ngi jibha, kia ngi thelekala Jihova bhu lukuaku lué.