Dimatekenu 38:25 - O Mikanda Ikola

²⁵ Kia zubha ku mu tubhula-phe, u tuma kuambela ukouê, uixi: Diiala uoso mukua imbamba iii, muene ua ngi bhana divumu; uixi, dingi: Tongolola kiambote, nga ku diondo, mba nela iii ia sineta, ni dilesu, ni mbasá, iangene ia nanhi?

Dimatekenu 38:25 ပူးပေါင်းရင်းမြစ်များ

Dimatekenu 37:32

anga a ki tumikisa kua tatʼâ, exi: Kizuatu kiki tua ki bongo; tongolola na kiu mba kiene kizuatu kia monʼé, mba kana?

Dimatekenu 38:18

Juda uixi: Ngi ku bhana-phe kíximbi kiahi? Kuala muhatu: U ngi bhana o nela ié ia sineta, ni dilesu ni mbasá i ua kuata bhu lukuaku. Diiala anga u mu bhana-iu, u mu bokona, muene anga uimita.

Jisálamu 50:21

Iene ima i ua bhange iii; mukonda-phe dia kudixibha kuami, ua ngi fika ngi mukuenu, nga soko ni ki ualʼeie; maji-eme-phe ngi ku bazela, o ikuma ié ngi i ta muene ku munôno ku mesu mé.

Jelemiia 2:26

Kala ki tandanganha o muiii kuila a mu kuata, kiene ue ki tandanganha akua bhata dia Izalaiele; ni ene ni jisobha jâ, ni ilamba iê; ni jinganga jâ ni jipolofeta jê.

Loma 2:16

Kiene ue ki kia kà kala mu kizuua kia kà fundisa Nzambi ikutu ioso ia sueka athu, kua Jezú Kristu, kala ki ngambe mu Njimbu Iambote i ngene mù tula.

I Kolindo 4:5

Uila kiki, kana kuêlesa muthu kiluua a bhixila bhu thembu iê. Kingenu o kufundisa kua kà suka-ku kia kéza Ngana. Muène uà kʼela iosueke mua vundu u i bheka bhua zele, ni ixinganeku iala mu miẋima ia athu u i tukulula. Kiene muthu ni muthu kia ka tambula kua Nzambi o diximanu diê dioso dia mu tokala.

Dijingunuinu 20:12

Anga ngi mona ue o madifundu, makota ni jindenge, emana bhu pholo ia kiandu. Anga a jikula madivulu, ni divulu dia mukuá a di jikula, diene o divulu dia muenhu. O madifundu anga a a fundisa o ima ioso iosonèke mu madivulu, hé a a bhana kioso kia tokala mu imbamba iâ ia bhanga jinga.