Dimatekenu 38:24 - O Mikanda Ikola

²⁴ Ki bhua zubha kubhita mbeji jitatu, a ki kunda Juda exi: Mukajiʼa monʼé Tamale ua di bhange ndumbu; ua mono uala ni divumu dia lumbula mu undumbu. Juda uixi: Mu tubhudienu, a mu ohe mu túbhia.

Dimatekenu 38:24 ပူးပေါင်းရင်းမြစ်များ

Dimatekenu 20:3

Nzambi phe uiza kua Abimileke ku nzoji mu usuku, u mu ambela, uixi: Ki ualʼokio u mufi, mukonda muhatu ua mu bhake monzo ié mukaji a muthu, uala ni muadi uê.

Dimatekenu 20:7

Kiki-phe mukaji a ngene mu bheke kua muadi uê, kuma muene polofeta, a ku diondele phala u laie; o ki u kamba ku mu bheka, ijiia na-kiu kuma u fua muene sé kufula, ni eie muene ni dibhata dioso dia ku tokala.

Dimatekenu 20:9

Abimeleke anga u ixana Mbalahamu, u mu ambela, uixi: Eie ua tu bhange kiebhi? Eme nga ku te kituxi kiahi, phala ni eme ni ixi iami u tu bheke mu mulonga ua dikota? Eie ua ngi bhange ima ki i tokala ku i bhanga.

Dimatekenu 34:31

Ene-phe, exi: Kífua phangiʼetu ia muhatu, a mu bhanga kala kidianzunga?

Dimatekenu 38:23

Juda uixi: Kuabhu-phe, a bhake; phala ka tu kuatese jisonhi; ua mono seseme nga i tumikisa, maji eie kua mu mono.

II Samuuele 12:5

Davidi anga njinda i mu kuata kiavulu ia muthu muene a mu tangeʼó; anga u ambela Natane, uixi: Nga loka muene kua Jihova uene ni muenhu, kuma muthu ua tena kubhanga kiki, ua tokala kúfua!

II Samuuele 12:7

Natane anga u ambela Davidi, uixi: Eie-muène u muthu ua bhange kiki! Kuala Jihova, Nzambi ia Izalaiele, uambe kiki, uixi: Eme-muène nga ku undu ku ungana ua Izalaiele, ememuène nga ku kudila bhu lukuaku lua Saúlo;

Ndongixi 7:26

Eme nga bongo-mo kima kia beta o kulula kúfua ndenge; kienhiki: O muhatu uedi, o muẋima uê ua di bhange kala uanda ni mabhebhe, o maku mê edi kala mikolo ia kabhila. Uoso ngó ua iuka bhu pholo ia Nzambi, muene ngó ua kà bhulaka kokuê, maji o ió uejidila kiá o ituxi, a kà mu kuta kuala muhatu muenhó,

Jelemiia 2:20

Mʼukulu munhá kioso eme ki nga kexile mu kubukujula ophi ié ni kubatujula o mikolo ié, eie uambele, uixi: Ki mungu dingi ngi tondala; sumbala kiene maji leluʼidi ku tuthuthulundu tuoso ni bhu ixina ioso ia mixi ia uisu, ua mu-ia ni ku kotajana mu kubhanga undumbu.

Jelemiia 3:1

Ala kuila zuele-zuele, exi: se bhu kala diiala di senga mukajiʼé, muene anga uia kuengi hé u sakana ni diiala diengi, kifua u mu vutukila dingi? Oxi ioso ioio ki ia-nda ku tambula lufuku? Eie-phe ua di kasanesa ni jisaii ja nzungule; né-mbe-phe kiene, vutukila dingi kokuami, Jihova ua ki tange.

Jelemiia 3:6

Jihova uambe dingi mu izuua ia sobha Joziia, uixi: Eie ua mono kia bhange Izalaiele dia kuẋinuka? ua bhita-bhita ku milundu ioso ia di-leka ni bhu ikota ia mixi ioso ia uisu kuenhoko kuene kua bhangela jinga undumbu.

Jelemiia 3:8

Kioso-phe ki ngedi suí, mukonda dia ima ioso iii, Izalaiele dia kuẋinuka nga mu senge, kuma ua te jiphanda, eme nga mu bhana lubongo luê lua ku mu senga, maji ki lua kuatesa uoma kua phangiʼé ia muhatu na Juda, o phèke-phèke ioio; maji muene ue uaii, iú ua di te-mu ue ni kubhanga undumbu.

Izekiiele 16:15

Maji eie ua dielela ngó o kuuabha kué, eie ua di-kasananesa mukonda dia fuma ié; ua bhanga jinga undumbu ni ene oso a bhita, phala nʼu kala u uâène.

Izekiiele 16:25

Mu thungi joso ja jinjila ua tunga jinga-mu ididi ia dileka, eie ua kasanesa o kuuabha kué, inama ié ua i bhanuina jinga oso a bhita; eie ua sokolola jinga o maundumbu mé.

Izekiiele 16:26

Ua bhange ue undumbu ni anʼa akua Ijitu, jinzukame jé u ua zukama-nâ, akua xitu jònene, eie ua vudisa o undumbu ué phala ku ngi lokalala.

Izekiiele 16:28

Ua bhange ue undumbu ni ana a akua Asídia, mbata eie ki ua kexi, ua kexi u kiuaia kionéne, o u ku zubha o hânji ka moneka; o ki uata jinga-nâ jiphanda, hanji, né kienhókio, ki ki ku soko.

Izekiiele 16:41

O jinzu jé a kà ji oha mu túbhia, mu ku ku belesa a kà ku bhanga ima ia vulu bhu pholo ia ahetu andumba muene; anga ngi ku zumbula mu ku kala u kiuaia, o futu ue kua kà i bhana dingi.

Izekiiele 23:19

O muene-phe ua vudisa dingi o mauhabhu mê, kiʼaia ni kuxinganeka o izuua ia unzangala uê, kioso kia kituka kiuaia mʼoxi ia Ijitu.

Izekiiele 23:44

Ene anga a mu bokona, kala muthu ua mu bokona ku kidianzunga; Kienhiki muene kia bokona jinga kua Ohola ni kua Oholiba, o ahetu a sembama ni uuaia!

Izekiiele 23:5

Ohola hé u di bhanga kidianzunga kioso kiala hanji uami; anga u di uabhela ni jisaii jê, o akua Asídia, a zukamene na-u.

Hozeia 2:5

Kuma mamʼâ ua te jiphànda; ió uoso ua emitine ua bhange isunji; o ujitu uoso ua di katula-u; mukonda muene uambe, uixi: Eme nga-nda kulandula o jisaii jami, ene mu ngi bhana o mbolo iami, ni menha ami, a ngi bhana o lâ ni linhu iami, a ngi bhana o majiʼami ni maluvu a kúnua.

Hozeia 3:3

Eme nga mu ambela, ngixi: Eie ua-nda kukala nʼeme izuua ia nzungule; kana kuta dingi jiphanda nʼu di bhange dingi u kiuaia; kua-ndu kala dingi u muhatu ua diiala diengi; kiene ue eme ki nga-nda kukala phalʼeie.

Hozeia 4:15

Eie-phe, Izalaiele, se ua solo o kudikasanesa, Juda-phe kana ku mu ta mu kituxi kié; kana kuiza bhu Jidingale, ki mu bande ue ku Bete-Avene, ki mu loke kuamba: Ni Jihova muenhú!

Ijila 20:10

Se bhu kala ue diiala u ta phanda ni mukaj ʼangene, mukajʼa mukuá nʼa te-nê phanda, ni habu ia diiala, ni ndumbu ia muhatu a fue muene, sé phata.

Ijila 21:9

Se bhu kala monʼa-muhatu, monʼa nganga, ubokona mu uuaia, o ió ualebhukisa phaiiʼâ; mu mu oha mu túbhia.

Loma 14:22

Kala kiki, o kuxikana kuoso ku uala na-ku, ku kale ku muẋima ué eie-muène ngó ni Nzambi. Muthu ió ua zediua, uoso muẋima uê ki u mu belêsa, mu kubhanga kia fika muène kuila kiauabha!

Matendelelu 24:16

Kana kujibha jitata mukonda dia mulonga ua anʼa, mba mu jibha ue ana mukonda dia mulonga ua jitata; kala muthu ufua mu kikuma kiê.

Afundixi 19:2

Mukamʼê anga u ta phanda, u di kuata-nê mvunda, u tunda mʼonzo iê, u vutuka ku bhata dia tatʼâ mu Beleme ia Juda, u xikama koko mbeji jiuana.