Dimatekenu 38:16 - O Mikanda Ikola

¹⁶ Anga u bhambuka bhuoso bhua xikama, uixi: Iza-ze, ngi ku bokone; kuma ka kʼijiia kuila mukajiʼa monʼê. Kuala muhatu: U ngi bhana-hi phala ku ngi bokona?

Dimatekenu 38:16 ပူးပေါင်းရင်းမြစ်များ

Dimatekenu 38:15

Juda-phe kia mu mono, ua fika kidianzunga, kuma ua di futu ni pholo.

Dimatekenu 38:17

Uixi: Ngi ku bhana seseme ku ilunga iami ia jihombo. Kuala muhatu: Kíximbi kiahi ki u ngi bhana, katé ki u i tumikisa?

II Samuuele 13:11

O kia zubha ku mu bhekela-ju bhua zukama phala a die, muene u mu kuata, hé u mu ambela, uixi: Izá tu zeke kumoxi, phangʼiami.

Izekiiele 16:33

Idianzunga ioso ene mu ku a futa, maji eie, èie dingi uia ni kubhana o maujitu ku jisaii jé joso; anga uia ni ku a bhana o maujitu, mbé a tunde ku mbandu joso mu kuiza kokué, mukonda dia maundumbu mé.

Matesu 26:15

uixi: Mu ngi bhana-hi se Jezú ngi mi thelekalanê? Ene anga a mu pezalela makuinhi atatu a itadi ia phalata, hé a mu bhana.

Matendelelu 23:18

Kioso ki uiza mu kumbidila hasa ié mʼonzo ia Jihova Nzambi ié, kana kubheka-mu kitadi kia lumbula kidianzunga mu uuaia, mba suilu iatundu ku uenji ua imbua i ua sumbisa. Mbata ima iiadi ienhiʼii Jihova Nzambi ié ua di zemba na-iu, kuma ufusa.

I Timote 6:10

Kuma o luimbi lua kitadi, luene lundanji lu bhana o ima ioso iaiibha. Amoxi-moxi-phe, mukonda dia kudisunga mu ku ki kuata, a jimbila o kuxikana, ia a di toma mu mavuua mavulu mukuâ ni jisongo.