Dimatekenu 37:34 - O Mikanda Ikola

³⁴ Jakobo anga u tandujula izuatu iê, u di ta kidinhaji mu mbunda (malombo), u kala mu dila monʼê mu izuua iavulu.

Dimatekenu 37:34 ပူးပေါင်းရင်းမြစ်များ

Dimatekenu 37:29

Lubene kia vutukila bhu dikungu, u sanga Zuze kala-mu dingi mu dikungu; bhenhobho u tandujula izuatu iê.

Dimatekenu 42:38

Kuala muene-phe: Monʼami ka-nda kuia-ku, se mua kulumuka dingi; kuma phangʼiê uafu kiá, muene ngó ua xala-ku; se ku mu bhita kima kiaiibha mu njila i muila, jimvi jami mua-nda ji bheka ni kikote kuʼalunga.

Dimatekenu 44:13

Ene anga a tandujula o izuatu iâ, a longa dingi jijumentu, a vutuka mu mbonge.

II Samuuele 1:11

Bhenhobho Davidi u kuata ku izuatu iê, u i tandujula; ni mala oso aia-nê kumoxi kiene.

II Samuuele 3:31

Davidi anga u ambela Jouabe, ni athu oso ala ku mbèle iê, uixi: Tandujulenu izuatu ienu, mu di kute idinhaji, mu dile Abinele. Muenexi Davidi anga uia ni ku kaiela ku ditumba.

I Jisobha 20:31

Bene-hadade bhenhobho akua mbèle iê a mu ambela, exi: Talesa, ene mu ku tu tangela kuma jisobha ja dibhata dia Izalaiele akua henda; tu zuatienu-phe makuba mu mbunda, ni tu te mikolo mu xingu, phala tuie kua sobha ia Izalaiele, phala tu tale mba eie u ku bhaka ni muenhu ué.

I Jisobha 21:27

Anga ki bhita-phe kuila, kia zubha Akabe kuivua maka iá, u tandujula o izuatu iê, anga u zuata dikuba ku mukutu uê, anga u jila; anga u zeka jinga ni dikuba, ni kuenda ni kutululuka kuoso, ni kudijingununa.

II Jisobha 19:1

Anga ki bhita-phe kuila, kioso Ezekiia kia zubha o ku kʼivua, ua tandula izuatu iê iu ua di-futu kidinhaji anga u bokona mʼonzo ia Jihova.

II Jisobha 2:12

O Ilizeu kioso kia ki mono, ua dikola: Tatʼetu! Tatʼetu! Makalu ma Izalaiele ni athuʼé a sambela-mu! Tundé kieneʼokio Ilija ka mu mono dingi. Okiʼòleka o izuatu iê, u i tandula mu mbandu jiiadi.

II Jisobha 22:11

Hé ki bhita-phe kuila, o sobha kioso kia zubha kuívua o maka a divulu dia Kitumu, ua tandula izuatu iê.

I Malunda 21:16

O Davidi, mu kuzambula mesu mê, uamono o anju ia Jihova, iemana mu dinga ni dinga, mu mbambe iaʼxi ni diulu, ni xibhata ia fuomona ma kizu ia kuata bhu lukuaku luê, ialeka mu kubuikisa Jeluzaleme. Kienhokio Davidi-phe ni makota moso, a zuata jisaku ja idinhaji, a dibhala o jipholo jâ bhoxi.

I Malunda 7:22

Kia bhangesa kuila tatʼâ, Ifalaíme, ua a didi o thambi mu izuua ia vulu; o jiphange jê hé eza mu ku mu konda o malamba.

Nehemiia 9:1

Anga anʼa Izalaiele a di bhongolola mu kizuua kia makuinhi aiadi nʼiuana ni kujila ni makuba ma zuata, ni mavu ma di takela mu mítue.

Jobe 1:20

Bheneʼobho, Jobe u balumuka, u tandula divunga diê, u konga jindemba mu mútue, hé u di takuila mu mavu, anga u bheza Nzambi.

Jobe 16:15

Ku kikonda kiami nga tungila-ku kidinhaji, mútue uami nga u fufujula mu mavu.

Jobe 2:12

Ene kia zambula mesu mu kanga phala ku mu tala, ia a mono kuma a lémbua ku mu ijiia, a te jingololo ni kudila. Bhenhobho kala muthu u tandula thanga iê hé u di takuila fufuta mu mútue, bhulu.

Jisálamu 69:11

O ki ngedi ngi zuata mulele ua kidinhaji, a ngi ta kiá ku mukumbi, nga di bhange ngi Sabhu iâ.

Izaía 32:11

Teketenu, enu mu ahatu mua di landuka, mu akua usudi; salumukenu, enu mu ana-ilumba, mua tunga mua soma; zulenu mu ende tuẋi-a-thakala, di-ẋiẋikienu kidinhaji mu inhonga.

Izaía 36:22

Eliiakime-phe, monʼa Hilikiia, dia kimbadi, ni Sebena, dia musoneki, ni Joá, monʼa Azafe, ngolambole, eza kua Ezekiia, ni izuatu ia tandujula, anga a mu jimbuila maka ma Labesaki.

Jelemiia 36:24

O sobha ni abhikʼê oso evu maka enhó, uoma ki ua a kuatele ngó mba a tandula ue izuatu iâ.

Jelemiia 48:37

Mukonda mítue ioso ia kà kituka mabhaia, o miezu ioso ia kà bhueka; majuʼoso a kʼezala iẋenge, o bhu inhonga a kà di kumba jisaku.

Jouele 2:13

Bhu kididi kia kutandula o izuatu ienu, tandulenu muẋima uenu, mu vutuke ku Jihova, Nzambi ienu; mukonda muene mukua henda, ua lenduka, ka thathamana lusolo, ukôla mu kubhanga o mbote, anga u diela se u bhanga kia iibha mu kubazela kuê.

Matesu 11:21

Eie Kolazine, lamba dié! Eie Betesaida, lamba dié! Mukonda o isuma ia di bhange momué, se a i bhangele mu Tilu ni mu Sidónia, hinu a dielediâ ukulu, anga eha o ituxi iâ. O mu ku londekeza kuila a diela, eji kuzuata jisaku ni ku di kuua uthôkua mu mítue!

Matesu 26:65

Nganga ia dikota anga u tandujula izuatu iê, uixi: Muène ua ẋonguena Nzambi! Umbangi uahi dingi ngó u tua bhindamena? Talesenu, dixongo diê enuʼenu mua dʼivu bhenhabha!

Jipoxolo 14:14

Jipoxolo-phe, Barnabé ni Phaulu, kia kʼ ivu, a tandula izuatu iâ, a lengela mu kaxi ka mundu ni kudikola, exi:

Josuué 7:6

Josuué anga u tandula izuatu iê, u di bhala pholo bhoxi, bhu pholo ia álaka ia Jihova, katé mu ngoloxi, ni muene ni adiakimi a Izalaiele; anga a di kuua mavu mu mítue.

Dijingunuinu 11:3

Anga ngi tumikisa mbangi jami jiiadi, a zuata saku ia kidinhaji, hé a kala mu tanga o Njimbu ia Nzambi mu midi ia kizuua ni hama jiiadi ni makuinhi asamanu.

Afundixi 11:35

Mu kuiza-ku-phe, kia zubha ku mu mona, u tandujula o izuatu iê, uixi: Aiué! monʼami, tata! ua ngi bheka mu kubhondalala, ua di bhange mukua ni ió ene ku ngi tatesa! kuma nga jikula dikanu diami kua Jihova, ki ngi tena-phe dingi kualuluka.