Dimatekenu 37:3 - O Mikanda Ikola

³ Izalaiele-phe u beta kuzola Zuze, anʼê amukuâ oso ndenge, mukonda ua mu vualela kiá mu ukukilu uê; iú ua mu tungila divunga dia lebha, dia mu tuluka katé mu inama, dia mabalangânga.

Dimatekenu 37:3 ပူးပေါင်းရင်းမြစ်များ

Dimatekenu 37:23

Anga ki bhita kuila, Zuze-phe kiedi ngó u tula bhuala o phange jê, a mu zula o divunga diê, o divunga dia lebha dia mabalangânga, dia zuata.

Dimatekenu 37:31

Ene-phe bhenhobho a kuata kandumbe ka hombo, a ka jibha, o kizuatu kia Zuze kia lebha kia kijingo kia idifua-idifua a ki teka ni manhinga,

Dimatekenu 37:32

anga a ki tumikisa kua tatʼâ, exi: Kizuatu kiki tua ki bongo; tongolola na kiu mba kiene kizuatu kia monʼé, mba kana?

II Samuuele 13:18

Monʼa muhatu-phe ua zuata kizuatu kialebha kiala ni maku a lebha kuma uene uzuatelu ua anʼa jisobha mu undenge, ala hanji mizeletete. Mukua mbèle-phe u mu tubhula bhu kanga, ku dibhitu hé u ta-ku sabhi.

Izekiiele 16:16

Eie ua katula jinga muene ku izuatu ié, eie ua bhanga jinga ididi ia di-leka ni ku i kembesa ni milele ia idifua-idifua, eie ua bhita jinga ni ku bhangela o undumbu kuenhoko; o ima iii, mʼukulu ki i bhita jinga, ki mungu ue dingi ia-nda bhita.

Nzuá 3:35

Tata ua zola o Mona, iu ua tula o ima ioso bhu maku mê.

Afundixi 5:30

Hinu iá uana imbamba ia bhûndu mu ita; diiala dimoxi a mu bha kahatu, mba tuhatu tuiadi, Xixela hinu divunga diê dióteke ku idífua-idífua. Divunga dióteke ku idífua-idífua, ku mizumbu iê a di bolodala. Eme-phe xalemanda, kuia divunga dioteke, kuia dingi kamusanga mba tuiadi, tua kuzuata mu xingu.