Dimatekenu 37:27 - O Mikanda Ikola

²⁷ Zenu, tu mu sumbisiʼê ku akua Ijimaiele, ki tu mu kuame ngó ni kuaku luetu, kuma muene uala Phangʼietu, o xitu iene imoxi. Jiphange jë anga a mu ivua muene, hé a tumaka.

Dimatekenu 37:27 ပူးပေါင်းရင်းမြစ်များ

Dimatekenu 29:14

Bhenhobho Labano-phe uixi: Kidi kiene, eie u kifuba kiami, u xitu iami. Anga u kala-nê mbeji ia muvimba.

Dimatekenu 37:22

Lubene u a ambela dingi, uixi: Ki mu ẋamune manhinga! Mu tákuidienu mu dikungu diodio mu kaẋi ka mukáu; kana ku mu zengela lukuaku luenu ni ku mu kuama ngó; ua ki zuelela phala ndunge ia ku mu tambula bhu makuʼâ ene, nʼa mu bheke kua tatʼâ.

Dimatekenu 42:21

Anga a zuela mudiâ, exi: Ni kidi, etu tuala tu êdi muene; tua bele mukonda dia kiki ki tua bhangele Phangʼietu; tua muene malamba a muxima uê, iú tu dionda, maji nguetu kuivua; kiene kia tu ijiia o uíndua uosʼú.

Dimatekenu 50:20

Enu muambele muene ku ngi bhanga phulu; Nzambi-phe ua ki lungulula ki kia di bhange mbote; Muene ua ki bhitisa kiengi kala ki mua ki mono kizuua kia lelu, phala ku bhulula mienhu ia ndumba.

II Samuuele 12:9

Kiki-phe, phala-hi u tènda kizuelu kia Jihova, mu kubhanga kima kia mu iibhila ku mesuʼê? Kuma Udiia, mukua Hiti, ua mu jibha ku xibhata, o mukajiʼê eie ua mu bhange mukajiʼé eie; o muene eie ua mu bhange ujibhanganga ku xibhata ia anʼa Amone.

Nehemiia 5:5

Suke-phe, atuenhoso tu akua xitu imoxi, kuma etu ni akua muiji ua Juda, tu jiphange; o anʼetu úe a sokuʼâ ngó ni anʼâ ene; talesa, o kiki anʼ etu a mala ni anʼetu a ahatu tu a bhakula mu ku kala abhika; tua suku mu kuila amoxi mu anʼetu a ahatu ejidila kiá ni ubhika, o kia ku akula na-kiu, bhu makuʼetu, tua ki lémbua; mukonda athu amukuá a tambula kiá o jixi jetu ni mivide ietu, iii iala kiá bhu maku ma athu engi.

Nehemiia 5:8

Anga ngʼa tangela, ngixi: Abha etu tua kula kiá o phange jetu, akua Juda, a a sumbisile ku matumbu, muthu ua bhana bhuoso bhua kuatela; o kiki enu phange jenu mu a sumbisa dingi lua kaiadi, mbé etu ni tua a kula dingi lua mukuá? Ene exi ni ene húdi, kia kuvutula a ki lémbua.

Makatukilu 21:16

Uoso u nhana muthu hé u mu sumbisa, mba a mu kuata-nê bhu maku, a mu jibhe sè kufula.

Makatukilu 21:21

Maji-phe se o mubhika u bhanga kiá kizuua kimoxi mba iiadi ni muenhu, ngana iê ka mu bhe dingi kaxtiku; kuma ua mu sumbu mu kitadi kiê.

Matesu 16:26

Muthu u bhanduluka-hi, se ua nganhala ngongo ioso, nʼa te-mu o muenhu uê? Inga muthu u bhanahi mu ta uenji ua muenhu uê?

Matesu 26:15

uixi: Mu ngi bhana-hi se Jezú ngi mi thelekalanê? Ene anga a mu pezalela makuinhi atatu a itadi ia phalata, hé a mu bhana.

I Timote 1:10

ifusa, jihabhu, ió a bhanga isunji ni mala ni akuâ, akua kusumbisa abhika, atangi a makutu, akua kutatela umbangi ua makutu, ni oso dingi a bhanga ima ia kambe o kudilunga ni ulongelu ua kidi.

Dijingunuinu 18:13

mba ngó kusumba kanela, ni thembala, ni fufutila ia dizumba, ni nguèndu, ni mubafu, ni vinhu, ni maji, ni fuba, ni tiliku, ni jingombe, ni jimbudi, ni jikabalu, ni makalu, ni abhika, mba ngó mienhu ia athu.

I Samuuele 18:17

Saúlo anga u ambela Davidi, uixi: Eie-ze, monʼami ua muhatu, Melabe o dikota, ngi ku bhana-nê mu kusakana, kabasa ua kolokota ngó ni uzonda ua ku ngi bhângela, mu kúlua ita ia Jihova. Kuma Saúlo uambe ku muẋima uê, uixi: Lukuaku luami ki lu mu tule, mukonda o ku mu jibha eme, ki ki uabha; kota a fuile ku lukuaku lua akua Fidíxia.