20 Ndokuenu tu mu jibhe, tu mu takuile mu dikungu, ku makungu enhá, tua kèla kuma kiama kia makandaʼngu kia mu di; tu tale hanji se ku jinzoji jê ku tunda-hi?
Zuze bhenhobho anga u ambela o jiphange jê, uixi: Eme Zuze; mbé ni kidi kiene tatʼetu iú-uê hanji? Jiphange jê anga a lémbua kuzuela; a bhuuama; a sekumuka ni uoma mu kala ngó bhu pholo iê.
Muene kia kala mu kuia, u takana ni hoji mu njila, anga i mu jibha; kimbi kiê anga ki takukila mu njila, ni bulu ia mu imanena bhu mbandu iê, ni hoji ia kexile bhu mbanduʼa kimbi.
O muene kia lunguluka kuema, ua a mono, hé u a bhubhidila ni ku a ta mázui mu dijina dia Jihova; bheneʼobho, itôto iiadi, ia akaji, i tunda mu ditutu, anga i sanujuna makuinhi a uana ni kiiadi ku tuana tuenhoto.
A di suinisa mudiâ, mu bhanga ndunge jaiibha; a ta maka ma kuta míkala mu fua akuá; a fika ki kuala muthu ua a mono, kuma ela muene, exi: Nanhi u tu mona?
Enu, kuma muambe, muixi: Kalungʼangombe tua bangana-nê, o inferno tuate na-iu kikutu kia ukamba; kioso kia-nda kuiza divuua dia kibeto kala mvula ia dilúvio, etu ki kia-nda ku tu bhixila, kana; kuma dilengelu dietu o makutu, disuamenu dietu o kudinga o kidi.
Kuma mʼokulu etu-ene tua kexile, tua tobho, tua xibhaka, tua di nganala, tua bhikila maluimbi ma vula matelu, ni jihânji joso, tuende ni phulu ni dixinga, tua iibha, tua di zemba mudietu.
Saúlo anga u balumuka, u kulumuka ku ditutu dia Zifi, ni midi jitatu ja mala ua a nona mu Izalaiele, ela-nê kumoxi, mu kusota Davidi mu ditutu dia Zifi.