Dimatekenu 37:10 - O Mikanda Ikola

¹⁰ Anga u i tangela tatʼâ ni jiphange jê, tatʼâ anga u mu bazela, uixi: Nzoji iahi i kala kiki? Kifua ni eme ni manhenu, ni jiphange jé, tua kèza muene mu ku ku diundila eie?

Dimatekenu 37:10 ပူးပေါင်းရင်းမြစ်များ

Dimatekenu 27:29

Athu engi a ku bhikile, Miiji ia kanga i ku bheza; Kala u ngana u tumina phange jê, Anʼa mamʼenu ende ni ku ku diundila. A kale mukua mázui uoso u ku ta eie o mázui A kale ni dibesá uoso u ku bha dibesá.

Dimatekenu 37:7

Tua kexile mu kuta ita ku mukáu, bhenhobho ngi mona o kita kiami kia bhetuka, hé kʼimana nzánza; enu-phe o ita ienu ia kondoloka anga i kala mu diundila o kita kiami kiala mu kaẋi.

Dimatekenu 37:9

Anga uanjiua dingi nzoji iamukuâ, anga u i tangela phange jê, uixi: Ivenu-ze, ngʼanjiua dingi nzoji iamukuâ, nga mono ni dikumbi ni mbeji ni kuinhi dia théthembua ni imoxi, iala mu ku ngi diundila eme.

Dimatekenu 43:26

Zuze-phe kioso kieza ku bhata, ene a mu bhakuila o ujitu uâ ueza na-u mʼonzo muenhomo, anga a mu diundila, a tuta muene jipholo bhoxi.

Dimatekenu 43:28

Ene a vutula, exi: Selevende ié, tatʼetu, uala kiambote; iú-é hanji ku muenhu. Anga a bhetama dingi, a diunda.

Dimatekenu 44:14

Ni Juda ni jiphange jê anga eza dingi ku bhata dia Zuze, kuma iú-ué hanji mʼonzo; anga a dibhala mu mavu bhu inama iê, a diunda.

Izaía 60:14

Ni ana a ió oso a ku huhile eie, a kèza ni kudiunda kokué; oso a kexe ku ku lebhula a kà ku fukamena bhu inama ié; ene anga a kà kuixana exi: Diembu dia Jihova, Ziione dia Lemba Dikola dia Izalaiele.