Dimatekenu 36:6 - O Mikanda Ikola

⁶ Izaú anga u katula ahatu-ê ni anʼê a mala ni a ahatu, mienhu ioso ia dibhata diê, ni jingombe ni ibhaku ioso, ni jimbongo ja bhongolola mʼoxi ia Kanana, anga uia ixi iengi, phala kukala-kanga ni ndenge iê Jakobo.

Dimatekenu 36:6 ပူးပေါင်းရင်းမြစ်များ

Dimatekenu 12:5

Mbalamu anga u katula mukajiʼê Salai, ni Lote monʼa phangʼiê ia diala, ni jimbongo jâ joso ja bhongolola, ni athu a muenhu a di bande-nâ bhu Halane; anga a katuka mu kuia kʼoxi ia Kanana ende muene katé kia bhiẋila mʼoxi ia Kanana.

Dimatekenu 13:11

Bhenhobho, Lote anga u sola dikôlo dioso dia Joldá, u di tela ku mbandu ia mutundila-kumbi; ene kiiadi kiâ anga a di uanununa.

Dimatekenu 13:6

Ixi-phe ki ia soko kuila a tungila bhuamoxi, kuma ibhaku iâ iavulu, katé o kutunga bhuamoxi ki ku ẋikina.

Dimatekenu 17:8

Ngi ku bhana eie muene, ni mbutu ié hinu i ku bhingana, o ixi ienhiʼii ia inhunginu ié, ixi ioso ia Kanana, i kala undundu ué katé ku hádia ni hádia sè dizubhilu; eme ngà kala ngi Nzambi iâ.

Dimatekenu 25:23

Jihova anga u mu vutuuila, uixi: Ifuẋi iiadi ia ku kala moxi diê, miiji iiadi ia kà di uanununa tunde mu vumu, muiji umoxi ua kà tunda mukuâ mu nguzu, o dikota dia kà bhikila o ndenge.

Dimatekenu 28:4

A ku bhane dibesá dia Mbalahamu, ni eie ni mbutu ié; phala u lundule o ixi ia inhunginu ié mu uala kunhungina, ia bhana Nzambi kua Mbalahamu.

Dimatekenu 32:3

Jakobo anga u tuma jiphunga mu ku mu tuamenena kua Izaú phangʼiê, kʼoxi ia Seíle, o ixi ia Idomo.

Dimatekenu 36:5

Oholibama u mu vualela Jeuji, ni Jalamu, ni Kola; iá ene anʼa Izaú a mu vualela-nâ mʼoxi ia Kanana.

Izekiiele 27:13

Ni Javane ni Tubale ni Meseke, ene o ngenji jé; ni mienhu ia athu ni itutu ia ngòndo, uene o uenjʼú ua-ta jinga nʼeie.

Dijingunuinu 18:13

mba ngó kusumba kanela, ni thembala, ni fufutila ia dizumba, ni nguèndu, ni mubafu, ni vinhu, ni maji, ni fuba, ni tiliku, ni jingombe, ni jimbudi, ni jikabalu, ni makalu, ni abhika, mba ngó mienhu ia athu.