Dimatekenu 36:31 - O Mikanda Ikola

³¹ O iá ene o jindembu (jisobha) a hingile o ungana mʼoxi ia Idomo, kala ku Izalaiele kiluua ku kala ndembu.

Dimatekenu 36:31 ပူးပေါင်းရင်းမြစ်များ

Dimatekenu 17:16

Mukonda eme nga-nda ku mu zediuisa, ngi mu bhana dibhesá; nga-nda ku ku bhela kua muene, mona u tunda momuʼé; ngi mu bhana dibesá, u kala kivuadi ki bhanga miji; jisobha muene ji tumina ifuẋi hinu ji tunda ku mukutu uê.

Dimatekenu 17:6

Nga-nda ku ku bhanga u kala u kivuadi kia dikota, ua kà di bhanga ifuẋi, jisobha hinu ja kà tunda momuʼé.

Dimatekenu 25:23

Jihova anga u mu vutuuila, uixi: Ifuẋi iiadi ia ku kala moxi diê, miiji iiadi ia kà di uanununa tunde mu vumu, muiji umoxi ua kà tunda mukuâ mu nguzu, o dikota dia kà bhikila o ndenge.

Dimatekenu 35:11

Nzambi anga u mu ambela dingi, uixi: Eme ngi Nzambi, Muteni-a-Ioso; vuala, u sokoloke; u kala u kifuẋi, ni junda ia ifuẋi, ia kà tunda ku musala ué, makota a jinganga a kà tunda mu mukutu ué.

Dimatekenu 36:30

Divunda Dixone, divunda Ezele, divunda Dixane; iá ene o mavunda ku músala ua Mahodi; kiene kiende miji iâ mʼoxi ia Seíle.

Dialuilu 20:14

Kia bhiti imʼiii, Mozé u katula jiphunga bhu Kadexi, u a tuma kua sobha ia idomo, uexi: Phangʼié Izalaiele uambe kiki: Eie uejiia o jiphaxi joso ji tua mu bhita na-ju,

Matendelelu 33:29

Kuzediua kué Izalaiele, tata! Nanhi ua soko nʼeie? Kifuẋi kiòbhulule kuala Jihova, muene o ngubu ié ienda ni ku ku banda. Muene ue o xibhata ia unéne ué; kiene kia-nda kubhangesa o jinguma jé ku ku tolokela, eie anga uendela ku thandu diâ, ni ku a tumina.

Matendelelu 33:5

Uakexe ue Sobha mu Jesulume, kioso kia di bhongoluele o makota moso ma kifuẋi ni miji ioso ia Izalaiele.