Dimatekenu 35:5 - O Mikanda Ikola

⁵ Anga a katuka, Nzambi anga u ta uoma uavulu ku thandu dia madiembu mâ a kala mu jimbandu, ki bhuala ua tena kukaiela ana a Jakobo.

Dimatekenu 35:5 ပူးပေါင်းရင်းမြစ်များ

Dimatekenu 34:30

Jakobo anga u ambela Ximinhá ni Levi, uixi: Mua balumuna mvunda, mua ngi nuhisa kiaiibha ku akuaʼxi, o Makanana ni Mapelezi; eme nga tolo makuenze, a-ndu ngi bhongolokela mu kubhânga, hé a ngi beta; ni eme-phe ni dibhata diami a tu buidisa.

Dimatekenu 35:4

Anga a bhana kua Jakobo o mahamba oso a kexi na-u, ni jibixa jala na-ju mu mátui, Jakobo anga u a fukena bhu kota dia muẋi ua mukalavalu uala bhenhobho bhu Xikeme.

II Malunda 14:13

Aza-phe ni kifuẋi kia kexile na-kiu, anga a a landameka muene katé bhu Jelale, anga kúbua ndumba ia akua Itiiópia, mukonda ene ka kexile dingi ni kanguzu né kòfele ngó; mbata a a iokojola bhu pholo ia Jihova ni bhu pholo ia Kifuẋi kiê; bhenʼiobho o ana a Izalaiele ambata-bhu ndumba dia ibongele.

II Malunda 14:14

Anga a tolola jimbonge joso ja kexile mu jimbandu ja Jelale, mukonda o kimbuua kia Jihova kia kexile ku thandu diâ; anga mbonge joso a ji bhunda mukonda mua kexile mbole ia vulu.

II Malunda 17:10

Anga uoma ua Jihova u tuluka ku thandu dia mautuminu moso mu jixi ja kexile mu jimbandu ja Juda; ka bhange ita ni Jozafate.

Jisálamu 105:14

Muene kehela muthu ku a bhanga phulu; ua bazela makota a jingana mukonda diâ-ene,

Jisálamu 14:5

Hinu bhu kala kizuua kiâ kia di uana, anga ezala ni uoma; kuma Nzambi uala ni muiji uoso u mu xila muene.

Makatukilu 23:27

Ngi tumikisa uoma uami bhu pholo ienu, kuma uene u bhesa lusolo ifuẋi ioso i mua kà sanga; ngi bhangesa kuila o jinguma jenu ji mi bhana makunda mu ku mi lenga.

Makatukilu 34:24

Mukonda eme ngi kaia ifuẋi ia miji iengi bhu pholo ienu, ngi kudisa jimbambe jaʼxi ienu; kana muthu ue u kala ni luimbi lua mavu enu, kioso enu ki mu banda mu ku di bhakula bhu pholo ia Jihova Nzambi ienu, lutatu ku muvu.

Matendelelu 11:25

Ki bhua-nda kukala muthu utena kubhânga nʼenu; kuoso kiá ku mu ditela Jihova Nzambi ienu ua-nda kuta-ku kimbuua kia uoma ni kiteketela, kala kiene ku mi ambela kiá.

Matendelelu 2:25

Tunde lelu dienhidi nga-nda kuandeka kuta kimbuua ni uoma ué ku thandu dia mundu uoso bhoxʼabha; oso kiá a ku ivua o fuma, enda ni kuteketa bhu pholo ié a bhondalala ni uoma, mukonda dié-eie.

Josuué 5:1

Mu kubhanga izuua, jisobha joso ja Mamodi ku sámbua dia Njolodá ku luiji ni jisobha ja ákua Kanana, a zukama ku kalunga, kia zubha kuívua kioso Jihova kia kukutisa menha a Njolodá bhu pholo ia anʼa Izalaiele, katé ki tua zaúka kiambote, miẋima iâ ia botomoka, uiala ki u moneka dingi ua kubhânga ni anʼa Izalaiele.

I Samuuele 11:7

Anga u kuata phadi ia jingombe, u ji bhanga ku jithumba-jithumba anga u ji tumikisa ku maẋokololo Izalaiele bhu maku ma jiphunga, uixi: Uoso u kamba kutu nda mu ku banda Saúlo ni Samuuele, kiene kia mu bhanga o jimgombe jêʼiki. Uoma ua Jihova anga u kuata o mundu uoso, anga ene oso a tunda kala muthu umoxi.

I Samuuele 14:15

Anga bhu kala kuteketa bhu kibangu kia akua Fidíxia, ni mu mukau, ni ku mundu uoso; akua poxto, ni akua kubhûnda, a teketa uâ; ni mavu a zamba mukonda kuteketa kuavulu kiki kua tundu kua Nzambi.