Dimatekenu 35:3 - O Mikanda Ikola

³ Phala bhabha tu tunde-bhu, tu bande ku Betele; nga kà iudike kuenhoko kalatódio ka Nzambi, ua ngʼitaia bhu kizuua kiami kia kubhondalala, anga uia ku ngi bheka njila ioso ioio i nga kuatele.

Dimatekenu 35:3 ပူးပေါင်းရင်းမြစ်များ

Dimatekenu 28:15

Talesa eme muene ngala ni eie, ngi kulanga ku ididi ioso ku uia, hinu ngi ku bhangesa kuvutuka dingi mʼoxi muenhumu; kuma ki nga-nda ku ku ehela katé ki nga kà kumbidila ima ioso i nga ku ambela.

Dimatekenu 31:3

Jihova anga u ambela Jakobo, uixi: Vutuka kiá kʼoxi ia jitata jé kua ku vualela, ni ku jindandu jé; eme ngi kala kumoxi ni eie.

Dimatekenu 31:42

Se o Nzambi ia tatʼetu, o Nzambi ia Mbalahamu, a mu mu kuatela uoma kuala Izake, ua kambele ku ngi bhângela, eie hinu ua ngi kaie maku a hatu. Nzambi ua tongolola o hadi iami i nga tale, ni kukalakala kua makuʼami, kiene kia ku bazelela mu usuku ua mazá.

Dimatekenu 32:24

Jakobo anga u xala ku sámbua koko ubheka uê; anga bhu kala diiala u di ẋina-nê katé kuáki.

Dimatekenu 32:7

Jakobo bhenhobho uoma ua mu kuata kiavulu, u kala ni hele; anga u uana o povo iê ni ibhaku iê ia jimbudi ni jingombe, ni jikamelu, mu ibuka iiadi:

Dimatekenu 35:4

Anga a bhana kua Jakobo o mahamba oso a kexi na-u, ni jibixa jala na-ju mu mátui, Jakobo anga u a fukena bhu kota dia muẋi ua mukalavalu uala bhenhobho bhu Xikeme.

Dimatekenu 35:7

Anga u tungila-bhu kalatódio, anga u luka-bhu, uixi: El-beth-El; mukonda Nzambi bhene bhua mu tukulukile kioso kiala mu lenga pholo ia kota diê.

Dimatekenu 48:15

Anga u bhana kizediuise kua Zuze, uixi: Nzambi ió ua bhingi o jitata jetu Mbalahamu ni Izake enda jinga bhu pholo iê, Nzambi ió ua ngi tambula eme o konda muenhu uami uoso katé kizuua kia lelu,

Jisálamu 107:6

Bhenhobho a dikola kua Jihova mu lamba diâ, muene hé u a kudila mu kubhondalala kuâ.

Jisálamu 107:8

Tamano-phe a ximana jinga Jihova, ni kuxinganeka jimbote jê, ni madiuanu oso ene mù bhanga ku anʼathu mu ngongo!

Jisálamu 46:1

Nzambi dilengelu dietu, nguzu ietu, kota dia dikuatekesu dia zukama mu jiphaxi.

Jisálamu 50:15

Nda u dikola ko kuami, mu kizuua ki kuiza o kutata; eme ngi ku kudila, eie anga u kala ni ku ngi ximana.

Jisálamu 91:15

Muene kia ngʼixana, eme ngʼitaia; bhu kíbhidi ngi mu kala bhu mbandu; ngi mu kudila, ngi mu jingisa.

Jisabhu 3:6

Mu suue muene ngó mu mauendelu mé moso, muene a iukise o njila jé joso.

Izaía 30:19

Mbata athu a kà tunga muene mu Ziione, mu Jeluzaleme; kua kà dila dingi, kana; kidi kiene, Muene ua kà ku kuatela henda, kabasa eie udikola, o muene kia ku ivua dízui, uà kuitaia.

Izaía 43:2

Kioso ki ua kà bhita mu menha mua zongo, tuà kala kiiadi; kioso ki uà bhita mu jingiji, kua-nda ku boba; ki uà kà bhita mu túbhia, kua-nda kujikata; o mulengo ki ua kà tena ku kuata kokué.

I Samuuele 10:3

Monʼami olʼiii a mu bhange kiebhi? Mu Kutunda bhobho, mu kuia dingi ku pholo, ua kà tula bhu mulemba ua Tabola, bhenhobho ua kà takanena-bhu ni malʼatatu ala mu banda kua Nzambi bhu Betele, iú u ambata tuana tutatu tua jihombo, iú u ambata makende matatu ma jimbolo, iú u ambata kisudi kia vinhu.