Dimatekenu 35:1 - O Mikanda Ikola

¹ Kienhókio Nzambi u ambela Jakobo, uixi: Balumuka, u bande bhu Betele, u tunge bhobho; ua kà iudike kalatódio kuenhoko ka Nzambi ua ku tukulukila kizuua ki ua lenga o pholo ia kota dié Izaú.

Dimatekenu 35:1 ပူးပေါင်းရင်းမြစ်များ

Dimatekenu 12:8

Anga u tunda-bhu uia ku mulundu ku mbandu ia thunda ia Betele, u ximbika-bhu balaka iê, Betele ua mu kala ku mbandu ia musanza, o Hai ua mu kala ku mbandu ku tundila dikumbi, muene uala mu kaẋi. Bhenhobho anga u tunga-bhu Kalatódio phala Jihova, u hingila o dijina dia Jihova.

Dimatekenu 16:8

Hé u mu ambela uixi: Hangale, kahatu ka Salai, ua tundu kuebhi? u di telo kuebhi? Kuala muene: Nga lenge o pholo ia ngana iami Salai.

Dimatekenu 22:14

Mbalahamu kididi kieniʼokio anga u kʼixana, uixi: Jihova-jileh (mu ku ki lombolola edi: Jihova muene ua-nda kusota); kala kiene ku ki tanga katé mu kizuua kia lelu, exi: Ku mulundu ua Jihova muene u sota.

Dimatekenu 29:1

Jakobo anga u kuata makanda mu njila, katé ki bhiẋila mʼoxi ia ana a mutundidla-kumbi.

Dimatekenu 31:13

Eme ngi Nzambi ia Betele, bhu ua tele maji ku philadi, bhu ua di hambelela kokuʼami; kiki-phe balumuka, mʼoxi mumu u tunde-mu, u vutuke kʼoxi kua ku vualela.

Dimatekenu 31:3

Jihova anga u ambela Jakobo, uixi: Vutuka kiá kʼoxi ia jitata jé kua ku vualela, ni ku jindandu jé; eme ngi kala kumoxi ni eie.

Dimatekenu 34:31

Ene-phe, exi: Kífua phangiʼetu ia muhatu, a mu bhanga kala kidianzunga?

Dimatekenu 35:15

Jakobo anga u luka-bhu, bhu kididi kienhókio bhua mu zuelesela Nzambi, uixi: Betele.

Dimatekenu 35:7

Anga u tungila-bhu kalatódio, anga u luka-bhu, uixi: El-beth-El; mukonda Nzambi bhene bhua mu tukulukile kioso kiala mu lenga pholo ia kota diê.

Jisálamu 46:1

Nzambi dilengelu dietu, nguzu ietu, kota dia dikuatekesu dia zukama mu jiphaxi.

Jisálamu 47:4

Muene ua tu solela o undundu uetu, o ixi iauabha ia bhana Jakobo, muthu uê ua mu zola. (Selah.)

Jisálamu 91:15

Muene kia ngʼixana, eme ngʼitaia; bhu kíbhidi ngi mu kala bhu mbandu; ngi mu kudila, ngi mu jingisa.

Makatukilu 2:15

Falaó-phe kia zubha ku kʼivua, u sota kujibha Mozé. Mozé anga u lenga o pholo ia Falaó, uia kukala mʼoxi ia Midiiana, anga uiza u xikama bhu mbanduʼa kixima.

Hozeia 12:4

Ua di bhange kilolo mu kubhânga ni anju katè kia i tolola; ua didi, iú ua dionda ku mu kuatela henda. O bhu Betele bhene bhua di bongela ni Nzambi, o bhenhobho Nzambi bhene bhua tu zuelesela.

Nahumu 1:15

Talesenu kiá ku milundu, o inama ia ió ua mu bheka o jingolokela ja njimbu iambote, o inama ia ió ukola o kutululuka. Eie Juda, bhanga kiá o fesa jé, kumbidilenu o jihasa jenu kua Nzambi, mukonda abhumu kà ka tona kubhita dingi moxi ienu. Ngà a bhuikisa-ku kiá.

Matendelelu 32:36

Mbata Jihova ua-nda kubatuila o povo iê kiaiuka, Jiselevende jê u a kuatela henda. Kia mona kuila abhânge, alémbua, ki bhua subhuka muthu, né fôlo.

I Samuuele 10:3

Monʼami olʼiii a mu bhange kiebhi? Mu Kutunda bhobho, mu kuia dingi ku pholo, ua kà tula bhu mulemba ua Tabola, bhenhobho ua kà takanena-bhu ni malʼatatu ala mu banda kua Nzambi bhu Betele, iú u ambata tuana tutatu tua jihombo, iú u ambata makende matatu ma jimbolo, iú u ambata kisudi kia vinhu.