Dimatekenu 34:20 - O Mikanda Ikola

²⁰ Hamolo-phe, ni monʼê Xikeme, anga eza bhu muelu ua kimbaka kia dibhata diâ, a ta maka ni mala a akua bhata, exi:

Dimatekenu 34:20 ပူးပေါင်းရင်းမြစ်များ

Dimatekenu 22:17

Nga-nda ku ku zediuisa kiavulu muene, ngi ku sokolola kinéne-nene, mbutu ié i vula kala jithéthembua ku diulu, mukuâ ni museke bhu mbandu ia kalunga; mbutu ié i tambula mielu ia jinguma jâ;

Dimatekenu 23:10

Bhenhobho Efelone ua xikama muʼaxaxi ka anʼa Hiti; Efelone dia Muhiti, anga u vutuila Mbalahamu, mu mátui ma anʼa Hiti, ene oso kiá ene mu bhita bhu muelu ua kimbaka kia mbonge iâ, uixi:

Dimatekenu 34:19

Munzangala iú ua diiala ka kokoloka dingi mu kubhanga kioso kia mu xindi, mukonda dia kuuabhela kiavulu o monʼ a Jakobo ua muhatu; o muene ue, mu bhata dia tatʼâ, muene dikota uala ku pholo.

Dimatekenu 34:21

Athu iá tua di tambulula-nâ kiambote ku paze; kala kiki, a-nda ku tunga-phe moxi ietu, nʼa te mauenji; kuma oxi iakuluʼê, ia soko ue ni ene; tu kale mu bhenga anʼâ a ahatu, tu a bhane ue anʼetu a ahatu, mu ku sakana ni ene.

II Samuuele 15:2

Abisalone anga u kala mu di meneka, u imana bhu mbanduʼa njila bhu muelu ua kimbaka. Bhenhobho-phe kʼiza muthu uoso-uoso ni dimanda dia kufundila bhu pholo ia muenexi, Abisalone u mu ixana, uixi: U mukua bhata kuebhi? Muene uila, uixi: Ngi mubhiukʼé, nga tokala bhu nganji mu miji ia Izalaiele.

Jobe 29:7

Kioso ki ngàʼia jinga bhu muelu ua mbonge, o bhu itanda bhene bhua ngi iudikila kialu kiami kia kuxikama,

Jisálamu 127:5

Ua zediua o diiala uoso ua a somo, o kizu kiê kiezala muene; ió ka tena kutandanganha ni jisonhi, kia di kuata ni jinguma jê bhu muelu ua mbonge.

Jisabhu 31:23

Muadi uê a mu ijiia bhu nangu dia mundu ni bhu mabhitu a imbaka ia mbonge, kioso kia xikama kumoxi ni adiakime aʼxi.

Amoji 5:10

Enhó kia mona bhu muelu muthu u a bazela, ki a ibhila; uoso u tanga kidi ene a mu zemba.

Amoji 5:12

Mukonda eme nga kʼijiia muene kuila itondalu ienu ia ndumba, ituxi ia mi kala jinzungule; muthu ua iuka, enu mu mu tatesa; ku milonga, mu tambula nduta; a bhindama kia kuendela, eie ua a jikila dibhitu mu pholo.

Amoji 5:15

Kubhanga kia ibha ku mi ibhile, mu uabhele-ku kubhanga mbote; o kufundisa kia iuka ku mi kale muene bhu dibhitu. Sumba Jihova Nzambi ia Ilômbo Ieta u kuatela henda ku tumbalumbalu tua subhuka mua Zuze!

Zakadiia 8:16

Ima i mua tokala kubhanga ienʼiii: Mu ku zuela ditangedienu o kidi muthu ni mukuâ; fundisenu mu kidi ni mu kutululuka bhu mabhitu menu.

Matendelelu 17:5

o diialʼodio mba muhatuʼó muia-nê bhu muelu ua kimbaka kia dibhata, anga uoso uabhange o phekalu kala iii, mu mu bûba ni matadi katé kiafua.

Lute 4:1

Bouaji anga u banda ku bhata, u tula bhu muelu ua kimbaka, u xikama. Mu nanga kathangana, ndandu iazukama u tena kukala mukudi ua kubhanga undundula kua Lute, kala kiambele Bouaji, u kala mu bhita. Muene anga u mu handekela, uixi: Xeie, ngânji! Iza hanji kunu, u xikame bhabha.