Dimatekenu 33:3 - O Mikanda Ikola

³ O muene anga u a bhita ku pholo ene oso, uia ni kudiunda, ua bhetama lusambuadi ku mavu katé kia zukama kua kota diê.

Dimatekenu 33:3 ပူးပေါင်းရင်းမြစ်များ

Dimatekenu 18:2

Uzambula mesu, u tala, hé u mona, mala atatu iá emana ku pholo diê. O kia zubha ku a mona, u balumuka bhu muelu ua balaka, uia ni kulenga mu ku a kauidila, u fukama, u ta o pholo bhoxi.

Dimatekenu 33:2

Akâma ni anʼâ ua a tuamekesa ku pholo, kua kaiela Liia ni anʼê, o Lakele ni Zuze ene kiá a sukidila-ku.

Dimatekenu 42:6

Zuze-phe, uala nguvulu iaʼxi ioio; muene uala kusumbisa athu oso o makudia. Jiphange ja Zuze anga a tula, a mu diundila ni jipholo ja tula ku mavu.

Dimatekenu 43:26

Zuze-phe kioso kieza ku bhata, ene a mu bhakuila o ujitu uâ ueza na-u mʼonzo muenhomo, anga a mu diundila, a tuta muene jipholo bhoxi.

Dimatekenu 48:12

Zuze anga u a katula bhu kaẋi ka jiphuna ja inama ia tatʼâ; muene anga bhetama o pholo bhoxi mu kudiunda ni ujitu uoso.

Jisabhu 6:3

Inda, monʼami bhanga-phe kiki u sukunuke; mukonda eie ua di bhale kiá bhu lukuaku lua mukuenu muenhó,

Ndongixi 10:4

O njinda ia nguvulu se ia ku lungulukila, eie-phe bhu kididi kié, ku tunde-bhu; mbata o kutululuka ni kudivisa, iene o milongo i batamesa ndumba dia ikuma.

Luka 14:11

Mukonda uoso u di zangula, a mu tulula; o uoso-phe u di tolesa, a mu zangula.

Nzuá 10:15

Eme-phe o jimbudi ngi ji bhela o muenhu uami bhu kididi.

Nzuá 10:4

Kia tundisa o jimbudi jê joso, muène u ji tuamenena ku pholo, o jimbudi anga ji mu kaiela, mukonda jejiia o dízui diê.

I Samuuele 2:5

Oso ekutile lelu ʼidi aii ku di umba mu sota kia kúdia, a kexile ni nzala a nhoha-ku kuma ekuta. Katé ni kisula uavuala sambuadi dia mona, o kivadi kia ana avulu leluʼidi ua zoza,