Dimatekenu 33:18 - O Mikanda Ikola

¹⁸ Jakobo anga u bhiẋila ni paze mu mbonge ia Xikeme, moxi ia Kanana, kia zubha kutunda bhu Padalane; anga u ta kibangu kiê bhua zukama ni mbonge.

Dimatekenu 33:18 ပူးပေါင်းရင်းမြစ်များ

Dimatekenu 12:6

Mbalamu anga u nhunga mʼoxi muenhʼomo katé kieza bhu kididi kia Xikeme, bhu muẋi ua kalavalu bhu Molé. Thembuʼoio-phe akua Kanana oso a tungu mʼoxi mueniʼomo.

Dimatekenu 25:20

Izake anga u kala ni makuinhi auana a muvu kia sakana ni Bebeka, monʼa Betuuele, mukua Sídia, mu Panda-alame, phange ia Labanu mukua Sídia, phala a kale mukajiʼê.

Dimatekenu 28:2

Balumuka, uie ku Padalane, ku dibhata dia Betuuele, tata ia manhenu, ua kà sole muhatu koko ku anʼa Labano, phange ia manhenu.

Dimatekenu 31:25

Labano anga u kuatela Jakobo mu njila. Kienhókio Jakobo ua te o kibangu kiê mu mulundu ku sámbua; Labano-phe ni jiphange jê a te ue o kibangu kiâ mu mulundu ua Ngiliiade.

Dimatekenu 35:9

Nzambi anga u tukulukila dingi Jakobo bhenhobho, kia zubha kutunda bhu Padalane, anga u mu bhana kuzediua.

Dimatekenu 37:13

Iza-laiele-phe u ambela Zuze, uixi: Phange jé kala mu disa ibhaku bhu Xikeme? Izá ngi ku tume kua ene. Kuala muene: Emʼiú.

Dimatekenu 46:15

Ene osoʼá ene anʼa Liia, ana-mala a vualela Jakobo mu Padalane ni monʼê ua muhatu Dinah; ni anʼê a mala ni a ahatu a tena makuinhi atatu a mienhu ni kitatu.

Dimatekenu 48:7

Kuma eme-phe mu kutunda ku Padalane, Lakele ua ngi fuila bhu maku, mu njila, mʼoxi ia Kanana, kua tu kambele ngó kadikanga mu ku bhiẋila bhu Efalata; eme nga mu fundila koko mu njila ia Efalata, a muila Beleme.

Jisálamu 60:6

Nzambi ua zuela mu kuzela kuê kukola, uixi; Eme ngi tana-ku; o ixi ia Xikeme ngi i uana, o mukáu ua Sukote ngi u zonga mu jimbambe.

Jelemiia 41:5

anga kuiza-phe athu a tundu ku Xikeme ni ku Silu ni ku Samádia; makuinhi nake a muthu, ni miezu iòkonge, ni izuatu ia tandujuka ni mikutu ia batujuka; o bhu maku a bheka maujitu mâ makudia ni uasu ua dizumba phala ku uʼambata mʼonzo ia Jihova.

Nzuá 3:23

Nzuá ue u kala mù batizala bhu Enono, bhua zukama ni bhu Salimi, mukonda menha mavulu bhenhobho. Athu anga aia jinga kuenhoko mu ku a batizala.

Nzuá 4:5

Anga u tula bhu sanzala ia Samádia i exana Sikale, ia zukama ni mábhia ma bhele Jakobo kua monʼ ê Zuze.

Jipoxolo 7:16

Imbi iâ anga a i ambata hé eza na-iu mu Xikeme. Anga a a funda mu mbila ia sumbile Mbalahamu, mu kitadi kia phalata kua anʼ a Hamolo, mu Xikeme.

Josuué 24:1

O ki kia bhiti, Josuué ua bhongolola miji ioso ia Izalaiele bhu Xikeme; anga uixana ikulakaji ia Izalaiele, ni ilôlo iâ, ni afundixiʼâ, ni jifixiiadi. Ene oso anga a di bheka bhu pholo ia Nzambi.

Afundixi 9:1

Abimeleke, monʼa Ngidiione anga uia bhu Xikeme, ku jindandu ja mamʼâ, u kala mu zuela-nâ kumoxi ni família ioso ia kukuʼâ ku umama uâ, uixi: