Dimatekenu 32:31 - O Mikanda Ikola

³¹ Dikumbi anga di mu tundila kioso kia katuka mu kubhita bhu Peniiele, kuma uala kuia ni kutenguna mukonda dia disokuelu dia kinama.

Dimatekenu 32:31 ပူးပေါင်းရင်းမြစ်များ

Dimatekenu 16:13

Hangale anga u bhana dijina kua Jihova ua mu zuelesa, uixi: Eie u Nzambi uene mu kumona; kuma uambe, uixi: Eme uami, bheniʼabha ki ngi mono Nzambi mukua ku ngi mona?

Dimatekenu 19:15

Ki kuákie ni kimene-phe, jianjo a lenguluisa Lote, exi: Balumuka, u kuate mukajiʼé ni anʼé a ahatu kiiadi uala-nâ, mu tunde, kuma se mua kambe ku ki bhanga kibuika kia akua bhata ki mi kuata ni enu.

Dimatekenu 19:23

Kioso Lote-phe kia bhiẋila bhu Zouale, dikumbi dia tundu kiá mungongo.

Dimatekenu 32:25

O kia mono kuma ka mu tolola, u mu bhabha ku disokuelu dia kinama mu mbunda, disokuelu dia kinama kia Jakobo anga di ẋingumuka kioso kiala ku di ẋina-nê.

Dimatekenu 32:32

Mukonda dia kiki anʼa Izalaiele kene kúdia muxibha ua kinama ua disokuelu dia mbunda, katé mu kizuua kia lelu; mukonda Jakobo a mu bhabhele ku disokuelu dia mbunda, ku muxibha ua kinama mu ditabela.

I Jisobha 12:25

O Jelobouamu-phe anga u tunga Xikeme, ku mulundu ua Efalaime, muene anga u kala kuenhoko; o kia bhange thembu anga u tunda-ku, hé u tunga Penuuele.

I Jisobha 18:26

Anga ene a kuata o ngombe ia a bhele, anga a i iudika; anga a nanga ni kuixana mu dijina dia Bahale tunde mu kimene katé mu kaẋi ka kizuua, ku mediia, exi: Eie Bahale, tata, tu vutuile! Kuene-phe ni kuene hudi! Ni dízui ngó di a vutuila, lémbue! Anga a kuata kutuka-tuka ku thandu dia kalatódio ka tungile.

Jisálamu 38:17

Kuma ki ngalʼiki, nga-lu sota kudibhala; o kukata ki kua ngʼeha dingi.

Makatukilu 24:10

anga a mona Nzambi ia Izalaiele, kala inama ua i tula ku mateia ma azulu, mukuâ ni matadi ma safídia, mesu a bhitakena kala uala mu tala o diulu.

Makatukilu 24:11

Adiakimi enhá, a a solo mu anʼa Izalaiele, muene ka a zengela lukuaku luê; bhenhobho a mona Nzambi, anga a dia, a nua.

Izaía 6:5

Bheneʼobho ngixi-phe: Kokolo diami! Eme ngafu-ó! Mukonda ngi muthu nga xidi mu kanu, eme nga tunga muʼaxaxi ka mundu ua kasana o dikanu, o mesu mami ia a mono Muenexi, Jihova dia Ilômbo Ieta!

Malakiia 4:2

Maji, phala enu-phe, oso muene mu kuxila Dijina Diami, kua kà mi kiela Dikumbi dia Kuiuka, diene dia kà mi bhekela ubhulukilu, uijiia na-u moxʼa mabhabha mê; enu-phe mua kà tunda, mua kà tuka-tuka mukuâ ni tuana tua ngombe kioso ki tu tunda mu kibhanga kiâ.

II Kolindo 12:7

Mukonda-phe dia majingunuinu kuvula kinéne, kuiengesa kuila ngi zangalala kiavulu, a ngi bhana uhaxi uonéne mu xitu. Uhaxi iú ueza kala mukunji ua Satana, mu ku ngi bhana jihuxi, phala ki ngi zangalale kiavulu.

II Kolindo 12:9

Muène-phe ua ngambela uixi: O kiadi kiami ki ku sokesa-na-u. Kuma nguzu iami i beta kota mu kutena mu ku bhuila kué. Uila kiki-phe, nga sanguluka, kimuua ngi di fiiala o kubhuila kuami, phala nguzu ia Kristu i kale ni kutena momuʼami.

Matendelelu 5:24

Muexi-phe: Tua mono kuma Jihova Nzambi ietu ua tu idikiza kijingo kiê, ni ukota uê, dízui diê tua dʼivu muene muʼaxaxe ka milengu; lelu etu tua mono kiua kuma Nzambi uzuelʼê ni muthu, maji muthu hé u kolʼê muene o muenhu.

Matendelelu 5:26

Kuma tunde xahúlu, nanhi kiá ku xitu ioso ua tenene o kuívua dízui dia Nzambi ia muenhu, uenda ni kuzuelela mu kaẋi ka milengo ia túbhia kala ki tua mu ivuʼiki, anga ukola muenhu?

Afundixi 6:22

Ngidiione anga u mu mona kuma anju ia Jihova; Ngidiione uixi: Aiué, Jihova Nzambi, tata! Manhi anju ia Jihova nga di mono-nê pholo ni pholo.

Afundixi 6:23

Jihova anga u mu ambela, uixi: Tululuka; ku kale ni uoma; ku fu, kana!

Afundixi 8:8

Anga u tunda bhenhobho, u banda ku Penuuele, anga u a zuelesa ue kiene kimoxi; akua Penuuele anga a mu vutuila kala kia vutula akua Sukote.