Dimatekenu 32:30 - O Mikanda Ikola

³⁰ Jakobo anga u ixana kididi kienhókio, uixi: Peniiele: kuma uambe uixi: Nga mono Nzambi pholo ni pholo, maji muenhu uami iú-ué.

Dimatekenu 32:30 ပူးပေါင်းရင်းမြစ်များ

Dimatekenu 16:13

Hangale anga u bhana dijina kua Jihova ua mu zuelesa, uixi: Eie u Nzambi uene mu kumona; kuma uambe, uixi: Eme uami, bheniʼabha ki ngi mono Nzambi mukua ku ngi mona?

Dimatekenu 28:19

Kididi kienhokio anga u ki luka Betele; mʼokulu-phe o dibhata diala-bhu a di lukile Luze.

Dimatekenu 35:9

Nzambi anga u tukulukila dingi Jakobo bhenhobho, kia zubha kutunda bhu Padalane, anga u mu bhana kuzediua.

I Jisobha 12:25

O Jelobouamu-phe anga u tunga Xikeme, ku mulundu ua Efalaime, muene anga u kala kuenhoko; o kia bhange thembu anga u tunda-ku, hé u tunga Penuuele.

Makatukilu 33:14

Kuala muene: Pholo iami iene ia-nda ku ku tuamenena, eme muene ngi ku bhana kunhoha.

Izaía 6:5

Bheneʼobho ngixi-phe: Kokolo diami! Eme ngafu-ó! Mukonda ngi muthu nga xidi mu kanu, eme nga tunga muʼaxaxi ka mundu ua kasana o dikanu, o mesu mami ia a mono Muenexi, Jihova dia Ilômbo Ieta!

Izaía 9:5

Mukonda o ibhakatu iene ioso ia ió a kexi mu kúlua ni kilungutu, ni izuatu ia dimbujukile mu manhinga, a kà ioha, ia kà kituka luandu lua túbhia.

Dialuilu 12:8

Muene ngi zuela-nê kanu ni kanu, ki jimbuluka muene, ki ki kala ngó mu ifika; kidifua kia Jihova u ki mona; enu-phe mua kambela-hi uoma ua kuâmba mubhikʼami, kuamba Mozé?

Nzuá 1:18

Kiluua kukala muthu u mona Nzambi. O Mona umoxi-èlele, kuma muène ue Nzambi, uene bhu jihata ja Tata, muene ua tu tukuluila Nzambi.

I Kolindo 13:12

Ki tualʼ iki tu muena mu lumuenu lua fefetela, maji kithanganʼ okio-phe tua kà mona pholo ni pholo. Kiki ngejiia ngó mbandu, kienhokio-phe nga kèjiia kiambote, uila eme-muène ki a ngʼ ijiia kuala Nzambi.

II Kolindo 3:18

Uila kiki, etu enoso, ni pholo iofutumune, tu kala mu londekeza o kubenha kua Ngana kala ki bhanga o lumuenu. Kuma o kubenha koko kua mu tunda kua Ngana, muene o Nzumbi. Kuene ku tu kitulula anga tu di fuangana ni Ngana, o mu kienhiki o kubenha kuetu kuia ni kudibandekeza dingi kithangana ni kithangana.

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

Ngalásia 1:6

Nga mi diuana kiavulu, enu kindalʼ iki mua mu ambudisa kiá uoso ua mʼ ixana mu kiadi kia Kristu, enu mua tambulula kiá njimbu iengi.

Efezo 1:17

Eme ngalù bhinga kua Nzambi ia Ngana ietu Jezú Kristu, Tata ia fuma, kuila a mi bhane o Nzumbi iê, mukua kuijidisa ni kujingununa o ima, phala mu tene ku mu ijiia muène kala kia fuama.

Matendelelu 34:10

Kiluua kukala dingi polofeta mu Izalaiele kala Mozé, a mu ijidile kuala Jihova, katé kia diendela jinga mu kuzuela-nê pholo ni pholo.

Matendelelu 5:24

Muexi-phe: Tua mono kuma Jihova Nzambi ietu ua tu idikiza kijingo kiê, ni ukota uê, dízui diê tua dʼivu muene muʼaxaxe ka milengu; lelu etu tua mono kiua kuma Nzambi uzuelʼê ni muthu, maji muthu hé u kolʼê muene o muenhu.

Kolose 1:15

Kristu muene kidifua kia moneka ku mesu, kia Nzambi ua kambe kumoneka ku mesu. Muène o thungunu, uala ku thandu dia ima ioso iobhange.

II Timote 1:10

Maji o kiki, o kiadi kia moneka mu kindala, mu kuiza kua Mubhuludiʼetu Kristu Jezú. Muène iú ua bhuisa-ku o nguzu ia kalunga, ua bheka ku mesu o muenhu ni kudisanza kuakambe kubola, mu Njimbu iê Iambote.

Jihebeleu 11:27

Kiejila mu kuxikana, Mozé kia tundu mu Ijitu, njinda ia sobha ka i lenge. Anga u kolokota ni ufiiele kala uala ku mona Nzambi, ió ka moneka ku mesu.

Josuué 5:13

Anga ki bhita kuila, kioso kiala Josuué mu mukáu ua Jedikó, u zambula mesu, u tukumuka diiala diemana ua di bhana-nê pholo, lukuaku lué lua kuata xibhata ia fomona mu kizu; Josuué anga u mu bhiẋila, uixi: Eie ua di bande kokuetuʼetu, inga ku jinguma jetu?

Afundixi 13:17

Manoua anga u ambela anju ia Jihova, uixi: Dijina dié eie nanhi, mbé kizuua kioso ki bhita o kizuelu kié, tu ku bhange ujitu?

Afundixi 13:18

Kuala anju ia Jihova, u ngʼibhuila-hi dijina diami, oko dijina di kôla?

Afundixi 8:17

O kathondo mu mbonge ia Penuuele ua ka bula-bula, o mala oso a tungile mu mbongeʼomo ua a jibha-jibha.

Afundixi 8:8

Anga u tunda bhenhobho, u banda ku Penuuele, anga u a zuelesa ue kiene kimoxi; akua Penuuele anga a mu vutuila kala kia vutula akua Sukote.