Dimatekenu 32:25 - O Mikanda Ikola

²⁵ O kia mono kuma ka mu tolola, u mu bhabha ku disokuelu dia kinama mu mbunda, disokuelu dia kinama kia Jakobo anga di ẋingumuka kioso kiala ku di ẋina-nê.

Dimatekenu 32:25 ပူးပေါင်းရင်းမြစ်များ

Dimatekenu 19:22

Endela-ku-phe, u lengele kuenhoko, kuma ki nga-nda kubhanga kima katé ki u bhiẋila; kiene kia bhela-bhu o dijina, exi: Bhu Zouale.

Dimatekenu 32:24

Jakobo anga u xala ku sámbua koko ubheka uê; anga bhu kala diiala u di ẋina-nê katé kuáki.

Dimatekenu 32:26

O muenhú anga u amba, uixi: Ngehe kiá ngiie, kuma ku kúkia kiá. Muene-phe, uixi: Ki nga-nda ku ku ehela kuia, se u kamba ku ngi bhana o dibesá.

Dimatekenu 32:32

Mukonda dia kiki anʼa Izalaiele kene kúdia muxibha ua kinama ua disokuelu dia mbunda, katé mu kizuua kia lelu; mukonda Jakobo a mu bhabhele ku disokuelu dia mbunda, ku muxibha ua kinama mu ditabela.

Izaía 41:14

Ku kale-phe ni uoma, eie u kabamba ka Jakobo, eie u kakifuẋi ka Izalaiele; eme Jihova, ngi ku banda, kuma Mukudi ué, muene Suke-ku, Dilemba dia Izalaiele.

Izaía 45:11

Jihova, Lemba dia Vumu, Ngûmbi ia Izalaiele, uambe kiki: Ngʼibhulienu eme o ima ia hádia; ngi tokuesienu ku mbandu ia anʼami, ni ima ia tokala ku ikalakalu ia maku mami.

Matesu 26:41

Langidilenu, mu sambe, phala ki mu di bhale mu mubhetu ua Nguma. Nzumbi ia xikina kidi o kùlua ni jitendasá, maji o xitu-phe ia bhuila.

Matesu 26:44

Anga ua xa dingi, uia u samba lua katatu, o mambu ene amoxi.