Dimatekenu 32:20 - O Mikanda Ikola

²⁰ mua kèla kuma: Muene selevende ié Jakobo, iú uiza ku dima kuenhuku. Kuma uambe, uixi: Ngi mu luulula hanji ni ujitu ua tuamena, ngi mone kiua o pholo iê; imoxi u ngi tambulula.

Dimatekenu 32:20 ပူးပေါင်းရင်းမြစ်များ

Dimatekenu 32:19

Anga u tendelela ue ua ka iadi ni katatu, ni akuâ oso a kaiela-ku uixi: Kienʼiki ki mua kà zuela ni Izaú, kioso ki mua kà takana-nê;

Dimatekenu 32:21

Kala kiki ujitu ua zaúka, ua mu tuamena ku pholo, muene anga u zekela-bhu hanji bhenhobho ni kilombo kioso.

Dimatekenu 43:11

Bhenhobho Izalaiele, tatʼâ, anga u a ambela, uixi: Se kia bhingi kiene ki bhita, bhangenu kiki: Ambatenu ku imbamba ioso ia ixi kunu o ima ioso i tela kuenhoko mu imbamba ienu, nda o diiala dienhódio mu mu bhekele ujitu, ni tu bálsamu, ni tu uiki, ni ima ia mazumba, ni mira, ni jinoze ja pistaxo, ni jiamendoua;

I Jisobha 20:31

Bene-hadade bhenhobho akua mbèle iê a mu ambela, exi: Talesa, ene mu ku tu tangela kuma jisobha ja dibhata dia Izalaiele akua henda; tu zuatienu-phe makuba mu mbunda, ni tu te mikolo mu xingu, phala tuie kua sobha ia Izalaiele, phala tu tale mba eie u ku bhaka ni muenhu ué.

Jisabhu 15:18

Diiala di thathamana kiavulu, u vulumuna jimvunda; maji o ió mukua kuxididika-phe u bhuisa jimvunda.

Jisabhu 16:14

O kuthathamana kua sobha, mukua ni mukunji ua kalunga; maji o muthu-phe ua sunguluka, ua soko-bho ku mu ximbakatesa.

Jisabhu 18:16

Muthu, bhu pholo ia jingana, u kuata ujitu bhu maku, uene u ku xitunuina o njila, anga u kubheka-bhu.

Jisabhu 21:14

Ujitu ua ku bhela bhu hota, uximbakatesa o njinda; o diminhinu dia kombuesa bhu homba, di batamesa o nzaia.

Jisabhu 6:35

Né uedi, ngi futa kima kiahi, muene ka xikina; né ua mu vudixila maujitu, muene ka xikina ku ma tambula.

Jona 3:9

Nanhi ua kʼijiia, se Nzambi u lunguluka, hé u diela ku ioso ia mesena ku tu bhanga, anga u sondolola kutema kua njinda iê, phala ki tu jime mbutu?

II Timote 2:25

U longesa ni kubelesela oso a ẋinuka, né kiá a mu xinukina muène. Sumba Nzambi u a bhana o kithangana kia kudiela, nʼeze mu kujiia o kidi.

I Samuuele 6:5

Kienhiki-phe bhangenu idifua ia mabhumbu menu, ni idifua ia tundôndo tuenu kuma jene o jiphuku jala ku mi zangela o ixi; mu bhane o fuma kua Nzambi ia Izalaiele; amoxi se enu mu bhanga kiki, o muene u tebhununa-ku ku kinemenu kia lukuaku luê ku thandu dienu, ni ku thandu dia nzambi ienu, ni ku thandu dia ixi ienu.