Dimatekenu 32:14 - O Mikanda Ikola

¹⁴ u kuata hama jiiadi ja jimama ja hombo, ni makuinhi aiadi a isutu, ni hama jiiadi ja jimama ja jimbudi, ni makuinhi aiadi a ilumbe.

Dimatekenu 32:14 ပူးပေါင်းရင်းမြစ်များ

Dimatekenu 30:43

O muthu muenhú anga uia ni kusokoloka kiavulu mu umvuama, u kala ni ilunga ia makota ia ibhaku, ni abhika a mala ni a ahatu, ni jikamelo ni jijumento.

Dimatekenu 31:10

Kuma ki nga kexile, mu thembu ia ibhaku kuimita, ngʼanjiua jinga nzoji anga ngi mona kuma o jindumbe ja jihombo jala mu tukila o akaji ku kilunga, jala mixinda, jala mathonginina, jala mabaka, ni mikete.

Dimatekenu 31:16

Jimbongo joso ja tambula Nzambi kua tatʼetu, jene kiá o jetu, ni anʼetu; kala kiki, kioso kia ku ambela Nzambi, kiene ki u bhanga.

Dimatekenu 31:9

Kala kiki, Nzambi ua katula o ibhaku ia tatʼenu, iú ua ngi bhana-iu eme.

Dimatekenu 32:13

Anga u zeka bhenhobho usuku uenʼió, anga u kuata ku ibhaku iê ujitu ua kutumikisa kua kota diê Izaú;

Dimatekenu 32:15

Makuinhi atatu a jimama ja jikamelu, jala kiá ni ana, makuinhi auana a jimama ja ngombe, ni kuinhi dia ndumbe, ni makuinhi aiadi a jimama ja jumentu, ni kuinhi dia seseme.

Dimatekenu 33:11

Uixi: Tambula nga ku diondo, o ujitu u nga ku tumikisa; mukonda Nzambi ua ngi bhandulula, mukonda ue ima ioso ngala na-iu. Anga u jiza katé Izaú kia ẋikina.

Dimatekenu 43:11

Bhenhobho Izalaiele, tatʼâ, anga u a ambela, uixi: Se kia bhingi kiene ki bhita, bhangenu kiki: Ambatenu ku imbamba ioso ia ixi kunu o ima ioso i tela kuenhoko mu imbamba ienu, nda o diiala dienhódio mu mu bhekele ujitu, ni tu bálsamu, ni tu uiki, ni ima ia mazumba, ni mira, ni jinoze ja pistaxo, ni jiamendoua;

Jobe 1:3

O ibhaku, ua vuile sambuadi dia midi ia jimbudi, midi jitatu ja jikamelu, hama jitanu ja makaza a jingombe ni hama jitanu ja jibulu ja akaji; akalakadi ku bhata a kexile ndumba ku thonga iê; mukonda dia kiki, muene iu ua betele kota ku unéne ene oso ku thunda ndenge.

Jobe 42:12

Kienhiki, Ngana ua beta kuzediuisa kikexilu kia Jobe kia sukidila, o kia dianga ndenge; mukonda ua kexile ni kuinhi dia midi ni kiuana ia jimbudi, ni midi jisamanu ja jikamelu, ni midi ia makaza a jingombe, ni midi ia jibulu ja akaji.

Jisabhu 17:8

Oso a a tambula diminhinu, dienhidi mbambe ni diiamande kua ene; kuoso-kuoso kua di tela, di a bhandulula.

Matendelelu 8:18

Kana-phe! Inda mu lembalala jinga, kuma Jihova Nzambi ienu muene ua mi bhana o nguzu ia kumona o kuzediua kuosʼuku; ua ki bhangela-phe phala kuxikika o kikutu kia lokele ku jitata jenu kala ki kia di monekena leluʼidi.

I Samuuele 25:2

Anga bhu kala muthu ua tungu ku Maone, maji ibhaku iê ia mu kala mu Karmelo; muenhú muadiakimi muene, mukua itadi iavulu, u kala ni midi jitatu ja jimbudi, ni midi ia jihombo. Thembu ienhoio anga u kala mu bhuta jimbudi jé ku Kalamelu.