Dimatekenu 32:10 - O Mikanda Ikola

¹⁰ ngi muthu ki nga fuama, né kòfele, ku ngi bhanga jihenda josoʼiji, ni kidi kioso ki ua ngi bhanga, ngi mubhikʼé; kuma ki nga zaukile Njolodá mueniú, ngʼambatele ngó mbangala; kiki phe nga di bhange ngi ilombo iiadi.

Dimatekenu 32:10 ပူးပေါင်းရင်းမြစ်များ

Dimatekenu 18:27

Mbalahamu anga u kumbulula dingi, uixi: Ua ngi mono nga bhumu kiá kuzuela ni Ngana, eme muene ngi mavu ngi fufutila.

Dimatekenu 24:12

Anga u zuela, uixi: Eie u Jihova, u Nzambi ia muadiʼami Mbalahamu, nga diondo, ngi bhane kitakanesu kiambote mu kizuua kia lelu, o muadiami Mbalahamu u mu bhange o mbote.

Dimatekenu 24:27

Uixi: A tane-ku! Jihova, Nzambi ia muadiʼami Mbalahamau, ka zúmbuka ku henda iê ni kidi kiê iedikiza jinga muadiʼami; eme bhabha Jihova ua ngendesa muene mu njila mu ngejila, iú ua ngi bheka bhu bhata dia ji-phange ja ngana iami.

Dimatekenu 28:13

o bhu zoko-zoko diê anga u mona Jihova uala-bhu, uixi; Eme ngi Jihova, ngi Nzambi ia tatʼenu Mbalahamu, ngi Nzambi ia Izake; oxi iene i ua zekʼiii, hinu ngi ku bhana-iu, ni eie ni mbutu ié;

Dimatekenu 28:15

Talesa eme muene ngala ni eie, ngi kulanga ku ididi ioso ku uia, hinu ngi ku bhangesa kuvutuka dingi mʼoxi muenhumu; kuma ki nga-nda ku ku ehela katé ki nga kà kumbidila ima ioso i nga ku ambela.

Dimatekenu 30:43

O muthu muenhú anga uia ni kusokoloka kiavulu mu umvuama, u kala ni ilunga ia makota ia ibhaku, ni abhika a mala ni a ahatu, ni jikamelo ni jijumento.

Dimatekenu 31:3

Jihova anga u ambela Jakobo, uixi: Vutuka kiá kʼoxi ia jitata jé kua ku vualela, ni ku jindandu jé; eme ngi kala kumoxi ni eie.

Dimatekenu 32:5

ngeza ni jingombe, ni jijumentu, ni jimbudi, ni jihombo, ni abhika a mala ni a ahatu; eme nga i tumikisa phala ku ku tudila eie u ngana iami, phala ngi bonge ngalasa ku mesuʼé.

Dimatekenu 32:7

Jakobo bhenhobho uoma ua mu kuata kiavulu, u kala ni hele; anga u uana o povo iê ni ibhaku iê ia jimbudi ni jingombe, ni jikamelu, mu ibuka iiadi:

II Samuuele 17:24

Davidi anga u bhixila bhu Mahanaíme. Abisalone anga u zaúka Njolodá ni muene niu mala oso a Izalaiele kumoxi.

II Samuuele 7:18

Davidi, muenexi, bhenhobho u bokona hé u xikama bhu pholo ia Jihova, uixi: emeʼeme nanhi, Ngana iami, Jihova, tata! dibhata diami akuahi, phala u ngi bheke ditala kala didi?

Jobe 17:9

Hanji-phe, o ua iuka ua kʼènda o njila iê ni kúbhua uoma, o ua zele maku uia ni ku di bandekeza jinga mu nguzu.

Jobe 8:7

Ditala dié dia dianga, ku tanga kidi, dia kexile diòfele, maji di sukidila-ku di kala diònene muene.

Jisálamu 16:2

Ngambe ku muẋima uami, ngixi: Jihova, eie u Ngana iami; mbote ki ngi i dielela kuengi, kana; ngi i dielela ko kué.

Jisálamu 18:35

Ua ngi bhana ue o ngubu ia ubhulukilu ué; ngʼemana mukonda lukuaku lué lua ngi kuata; o ku dʼivua ni eie kuene kua ngi bhana kijingo.

Jisálamu 61:7

Emanenè-ku muene bhu pholo ia Nzambi; Eie, Ngana, tuma o henda ié ni kidi kié i mu inge.

Jisálamu 8:5

Sumbala kiene, maji ki ua mu bhanga, kifua ua bhabhelela kua Nzambi; ua mu zuika kitundu kia ukota ni ujitu.

Jisálamu 84:7

Mu kuenda kuê ku tunda nguzu kuiza nguzu, katé kia bhixila; kuma ene oso a kala kiókio, a kà mona o pholo ia Nzambi mu Ziione.

Jisálamu 85:10

Ni henda ni kidi a takana kumoxi; o kuiuka ni kutululuka a di bhubhala hé a di nzobola.

Jisabhu 4:18

Maji o njila ia athu a iuka-phe i di bhanga mukua ni mukengeji ua kimene, uia ni ku di bandekeza mu kuzela katé kuma ki ku zubha o kúkia.

Izaía 6:5

Bheneʼobho ngixi-phe: Kokolo diami! Eme ngafu-ó! Mukonda ngi muthu nga xidi mu kanu, eme nga tunga muʼaxaxi ka mundu ua kasana o dikanu, o mesu mami ia a mono Muenexi, Jihova dia Ilômbo Ieta!

Izaía 63:7

Ngi tumbula kulenduka kua Jihova, ngi tanga ue diximanu dia nzungule dia Jihova, dia soko ni ima ioso ia tu bhange Jihova; ni jimbote javulu joso jene kubhanga ku diembu dia Izalaiele, ja a bhange muene mu jihenda jê, kala kia soko o nzungule ja kulenduka kuê.

Mikeia 7:20

Mu kienhiki, Nzambi ua kà londekeza o ufiiele uê kua Jakobo, ni henda iê ia kuatela Mbalahamu, kala kia lokelele o jitata jetu tunde mu izuua ia xahúlu.

Luka 17:10

Kiene ue enu, se mua bhange kiá ima ioso ia mi tumu, mu ila kuma: Tu akalakadi a iximba! Mukonda tua bhange ngó o ima ia tu tokala o ku i bhanga.

Luka 5:8

Ximá Phetele-phe kia ki mono, u fukama bhu inama ia Jezú, uixi: Ngi tundile, Ngana, bhu mbandu iami, mukonda eme ngi mukua ituxi.

II Kolindo 12:11

Eme nga zuela kala ngi semenhi, enu-enu-phe mua ngi bhinjika o ku ki bhanga. Nga fuamene enu mu ngi ximana. Kuma jipoxolo jojo ja tundu akuʼâ, ki ja ngi tundu ni kima, sumbala ki ngi kima.

Matendelelu 8:18

Kana-phe! Inda mu lembalala jinga, kuma Jihova Nzambi ienu muene ua mi bhana o nguzu ia kumona o kuzediua kuosʼuku; ua ki bhangela-phe phala kuxikika o kikutu kia lokele ku jitata jenu kala ki kia di monekena leluʼidi.

I Phetele 5:5

Enu mu minzangala ue kiene, beleselenu adiakime. Katé ni enʼuenu oso di kutienu o kubatama kua ku di bhikila mudienu, kuma o Mikanda ia Ngana, iambe iexi: Nzambi u bhânga ni akua izala, u bhana-phe ujitu oso a batâma.