Dimatekenu 31:24 - O Mikanda Ikola

²⁴ Nzambi anga uiza kua Labano, mukua Sídia, ku nzoji mu usuku, uixi: Aiuka kioso ki ua-nda kubhanga, Jakobo kana kuzuela-nê kiauabha mba kiaiibha.

Dimatekenu 31:24 ပူးပေါင်းရင်းမြစ်များ

Dimatekenu 20:3

Nzambi phe uiza kua Abimileke ku nzoji mu usuku, u mu ambela, uixi: Ki ualʼokio u mufi, mukonda muhatu ua mu bhake monzo ié mukaji a muthu, uala ni muadi uê.

Dimatekenu 20:6

Nzambi anga u mu ambela ku nzoji, uixi: Nga kʼijiia muene kuma ua ki bhange ni muxima ua uabha, eme uami kiene ki nga ku fudisila o kuta kituxi ko kuami; kiene ki nga ku fudisila o ku mu kuata.

Dimatekenu 24:50

Bhenhobho ni Labanu ni Betuuele a vutula, exi: Kimbamba kia tundu kua Jihova ki tuala dingi ni kuzuela, né kiauabha, né kiaiibha.

Dimatekenu 28:5

Izake anga u sulula Jakobo; muene anga uia katé ku Padalane kua Labanu, monʼa Betuuele mukua Sídia, phange ia Bebeka uavu anʼâ kiiadi Izaú ni Jakobo.

Dimatekenu 31:10

Kuma ki nga kexile, mu thembu ia ibhaku kuimita, ngʼanjiua jinga nzoji anga ngi mona kuma o jindumbe ja jihombo jala mu tukila o akaji ku kilunga, jala mixinda, jala mathonginina, jala mabaka, ni mikete.

Dimatekenu 31:11

O Anjo ia Jihova anga u ngʼambela ku nzoji, uixi: Jakobo; eme ngixi-phe: Emʼiú, Ngana.

Dimatekenu 31:23

Muene anga u kasa o phange jê ku bhata, u kaiela Jakobo mu sambuadi dia izuua; anga u mu kuatela mu mulundu ua Ngiliiade.

Dimatekenu 31:25

Labano anga u kuatela Jakobo mu njila. Kienhókio Jakobo ua te o kibangu kiê mu mulundu ku sámbua; Labano-phe ni jiphange jê a te ue o kibangu kiâ mu mulundu ua Ngiliiade.

Dimatekenu 31:29

O nguzu-phe ngala na-iu mu lukuaku luami phala ku mi bhanga kiaiibha; maji o Nzambi-phe ia tatʼenu ua ngi zuelesa mu usuku ua mazá, uixi: Aiuka kioso ki ua-nda kubhanga; Jakobo kana kuzuela-nê kiauabha mba kiaiibha.

Dimatekenu 31:42

Se o Nzambi ia tatʼetu, o Nzambi ia Mbalahamu, a mu mu kuatela uoma kuala Izake, ua kambele ku ngi bhângela, eie hinu ua ngi kaie maku a hatu. Nzambi ua tongolola o hadi iami i nga tale, ni kukalakala kua makuʼami, kiene kia ku bazelela mu usuku ua mazá.

Dimatekenu 31:7

Maji muene-phe ua ngi nganala, futu iami i tua bângana, ua i lungulula mu lukuinhi luosʼulu; Nzambi-phe ka mu ehela ku ngi bhanga kiaiibha.

Dimatekenu 40:5

Anga anjiua nzoji kiiadi kiâ, muthu ni iê usuku umoxi, kala nzoji ni dijimbuluilu diê, ni kopelu ni padelu ia muenexiʼa Ijitu ala ku upelezo mu kaleia.

Dimatekenu 41:1

Anga ki bhita kuila, ki bhua zubha kubhita mivu iiadi ia muvimba, Falaó uanjiua nzoji: U mona kuma uemana bhu mbandu ia honga ia Nilo.

II Samuuele 13:22

Abisalone-phe ka kumuna ue kima kua Aminone, né kuâmba kizuelu kiauabha mba kiaiibha; kuma Abisolone uala kiá ni kizembu kia Aminone, mukonda ndengʼiê Tamala ua mu bhange ufusa mu kusuina.

I Jisobha 3:5

Bhu Ngibiione bhenhobho Jihova anga u tukulukila Solomá, ku nzoji, mu usuku. Nzambi anga u mu ambela, uixi: Bhinga kioso ki uandala ki ngi ku bhana.

Jobe 33:25

Bheneʼobho-phe o xitu jê ji beta dingi kubuingita, anga ji somboka muene kia kexi mu nguzu ia undenge; muene anga u vutukila dingi mu izuua ia unzangala uê.

Izaía 37:29

Mukonda-phe dia njinda i ua ngi kuatela eme, mukonda ue o izala ié ia ngi bhixila ku mátui, tala-phe, nga-nda ku ku ta nzolo mu mazulu, anga ngi ku ta o freio iami mu kanu, hé ngi ku vutukisa mu njila mu uejiia.

Hozeia 12:12

Jakobo ua lengela mu mukáu ua Sídia; Izalaiele ua bhikila ku ungamba mu kukalakela ku mu bhana muhatu, o mu kukalakela muhatu, a mu bhele kuinga ibhaku.

Dialuilu 12:6

Uixi: Ivenu maka mami; hé mudienu mu kala polofeta, eme Jihova ngi dʼidikiza kua muene mu kisukila, ngi mu zuelesela ku nzoji.

Dialuilu 22:20

Nzambi anga uiza kua Balamu mu usuku, u mu ambela, uixi: Mala iá hé eza ku kuixana, balumuka, uie-nâ; ki kale-phe kizuelu kioso ki ngi ku tangela, kiene ki u bhanga.

Dialuilu 22:26

Anju ia Jihova anga uia dingi ku pholo, uimana kididi kia phophama, ki bhuala ngó bhu uebhela, né ku dilu né ku kiasu.

Dialuilu 24:13

Balake né u ngi bhana inzu iê iezala phalata ni ulu, ki ngi tena kusomboka kizuelu kia Jihova, mu bhanga kima kiauabha mba kiaiibha kia muxima uami; kioso kizuelu kia ngi bhana Jihova, ki kiene ki ngi zuela?

Matesu 1:20

Kia kexile hanji mu kubanza imʼiíi-phe, mukunji ua Ngana ua mu tukulukila ku nzoji, uixi: Zuze, monʼa Davidi, kukale ni uôma ua kutambula mukajiʼê Madiia. Mbata o mona a mu imita moxi diê, mona ua Nzumbi Ikôla.

Matesu 2:12

Mukonda Nzambi ua a dimuna ku nzoji, kuila kua Helode kaii-ku dingi, ela njila iengi, anga a vutuka kʼoxi iâ.

Matesu 27:19

Kioso ue kia xikama Pilatu bhu kibhuna kia kufundisila, mukajiʼê u mu tumikisa njimbu, uixi: Muthu ió kala ni kituxi, eie kana ku di ta mu mulonga uê; kuma ku nzoji lelu nga mono phaxi iavulu mukonda diê-muène.

Matendelelu 26:5

eie-phe anga u di hambelela kua Jihova Nzambi ié, uixi: Ku tanga o kidi, tatʼetu kia kexe mu Sídia, uakexe sébhue ngó, iú ua kulumukine mu Ijito, anga u kuata kubunganena muenhomo ni kafamília kófele ngó, kala nzuángiza ia hatu; o kuenhoko kuene kiá kua sokolokela, iú ua di bhange kifuẋi kiònene ni mu kusuína, ni mu kuvula.