Dimatekenu 31:11 - O Mikanda Ikola

¹¹ O Anjo ia Jihova anga u ngʼambela ku nzoji, uixi: Jakobo; eme ngixi-phe: Emʼiú, Ngana.

Dimatekenu 31:11 ပူးပေါင်းရင်းမြစ်များ

Dimatekenu 18:1

Jihova anga u mu tukulukila bhu miẋi ia Mamele, muene ua xikama bhu muelu ua balaka iê, mu kumbi dia muanha uatu.

Dimatekenu 18:17

Jihova anga u zuela, uixi: Kifua Mbalahamu ngi mu dingila kioso ki nganda kubhanga?

Dimatekenu 22:1

Kia zubha kubhita imʼiii, Nzambi u lola Mbalahamu, uixi: Mbalahamu; muene-phe uetaia, uixi: Emʼiú.

Dimatekenu 22:11

Maji o Anjo ia Jihova anga u mu handekela, tunde ku diulu, uixi: Mbalahamu! Muene anga u vutula uixi: Emʼiú.

Dimatekenu 22:15

Anjo ia Jihova anga u handekela Mbalahamu lua kaiadi, tunde mu diulu,

Dimatekenu 31:10

Kuma ki nga kexile, mu thembu ia ibhaku kuimita, ngʼanjiua jinga nzoji anga ngi mona kuma o jindumbe ja jihombo jala mu tukila o akaji ku kilunga, jala mixinda, jala mathonginina, jala mabaka, ni mikete.

Dimatekenu 31:13

Eme ngi Nzambi ia Betele, bhu ua tele maji ku philadi, bhu ua di hambelela kokuʼami; kiki-phe balumuka, mʼoxi mumu u tunde-mu, u vutuke kʼoxi kua ku vualela.

Dimatekenu 31:24

Nzambi anga uiza kua Labano, mukua Sídia, ku nzoji mu usuku, uixi: Aiuka kioso ki ua-nda kubhanga, Jakobo kana kuzuela-nê kiauabha mba kiaiibha.

Dimatekenu 31:5

Muene anga u a ambela, uixi: Nga mono o pholo ia tatʼenu, ki ia ngi kala dingi ni ngalasa kala mʼokulu, maji-phe o Nzambi ia tatʼetu uala ni eme.

Dimatekenu 37:5

Zuze anga uanjiua nzoji, o nzoji anga u i tangela jiphange jê; ene-phe a mu zemba dingi kiavulu.

Dimatekenu 46:2

Nzambi anga u zuelesa Jakobo mu jinzoji ja usuku, uixi: Jakobo, Jakobo! Muene uixi: Emeʼiú, Ngana!

Makatukilu 3:4

Jihova-phe kia mono kuma ua lunguluka mu kutala, Nzambi u mu ixanena mu kaẋi ka kisasa, uixi: Mozé, Mozé. Kuala muene, uixi: Emʼiú, Ngana.

Izaía 58:9

Bhenhobho o ki u dikola, Jihova ua-nda ku kuitaia; o ki u ta nzôngo, muene ua-nda kuila: Emeʼú! Kala-phe, kuxina akuenu o kimbamba, muʼaxaxi ké kibhua-mu, ni ku toka mulembu kua mukuenu, ni kuzuela kua izala;

Dialuilu 12:6

Uixi: Ivenu maka mami; hé mudienu mu kala polofeta, eme Jihova ngi dʼidikiza kua muene mu kisukila, ngi mu zuelesela ku nzoji.

Matesu 27:19

Kioso ue kia xikama Pilatu bhu kibhuna kia kufundisila, mukajiʼê u mu tumikisa njimbu, uixi: Muthu ió kala ni kituxi, eie kana ku di ta mu mulonga uê; kuma ku nzoji lelu nga mono phaxi iavulu mukonda diê-muène.

I Samuuele 3:16

Eli anga u ixana Samuuele, uixi: Samuuele, monʼami. Muene uixi: Emʼiú.

I Samuuele 3:4

Jihova u ixana Samuuele; muene-phe anga u itaia, uixi: Emʼiú.

I Samuuele 3:6

Jihova anga u mu ixana luamukuá, uixi: Samuuele. Samuuele anga u balumuka, uia kua Eli, uixi: Emʼiú; kuma eie uaʼngʼixana. Kuala muene: Ki nga ku ixana, monʼami; ka zekié dingi.

I Samuuele 3:8

Jihova anga u ixana Samuuele lua katatu. Anga u balumuka, uia kua Eli, uixi: Emʼiú; kuma ua-lu ngʼixana. Eli anga u tongolola kuma Jihova muene uala kuixana mona.