Dimatekenu 30:30 - O Mikanda Ikola

³⁰ Kuma kioso ki ua kexile, kala kiluua ngʼiza, kiofele ngó ki ua kexile na-kiu; o kiki-phe ia sokoloka kiavulu muene. Jihova ua ku bhanduluila ku kikalakalu kiami, eme muene-phe hinu kizuua kuẋi ki ngi kalakela o dibhata diami?

Dimatekenu 30:30 ပူးပေါင်းရင်းမြစ်များ

Dimatekenu 30:29

Jakobo anga u mu ambela, uixi: Eie uejiia kioso ki nga ku kalakela, ni ibhaku ié kioso ki iende ni eme.

Dimatekenu 30:31

Muene-phe uixi: Ngi ku bhana kima kiahi? Jakobo uixi: Kua-nda ku ngi bhana kima; eie se u ngi bhana ngó kima kimoxi kiki, eme hanji ngʼinga o ibhaku ié, ngi i tambula muene konda.

Dimatekenu 30:43

O muthu muenhú anga uia ni kusokoloka kiavulu mu umvuama, u kala ni ilunga ia makota ia ibhaku, ni abhika a mala ni a ahatu, ni jikamelo ni jijumento.

Ndongixi 3:6

Sai thembu ia kusota, ni thembu ia kujimbidisa; thembu ia kubhaka ni thembu ia kutexi bhu kanga.

II Kolindo 12:14

Talesenu-phe, lutatu kiabhu lu nga di iudika kuia kuenioko mu ku mi menekena; ki nganda ku mi bhinga-phe kima. Kuma ki nga bhindamena kitadi kienu, nga mi bhindamena-ku enu. Mukonda o ana ki ene a lûndila jitata, maji jitata jene ji lûndila o ana.

Matendelelu 11:10

Kuma oxi i mua-nda kubokona ku i vua, ki iala kala oxi ia Ijito, ku mua tundu, ia bhingile kuila, o ki ukuna mbutu ié, eʼmuene dingi ukuata ku i tekela, ubanda ukulumuka, mukua ni jindombe mu honga.

I Timote 5:8

Maji muthu-phe kia kamba kutambula konda ia ene a mu tokala, kota-kota dingi o dianda diê-muène, muthu muenhó ua ditunu o kuxikana, ua tûndu mu kuiibha, ió kiluua a xikana uala ndenge.