Dimatekenu 30:25 - O Mikanda Ikola

²⁵ Anga ki bhita-phe, kuila, kioso Lakele kia zubha kuvuala Zuze, Jakobo u ambela Labano, uixi: Ngʼehe kiá, ngiie ku bhata, kʼoxi ietu.

Dimatekenu 30:25 ပူးပေါင်းရင်းမြစ်များ

Dimatekenu 18:33

Jihova anga uia njila iê, kia zubha o ku di kunda ni Mbalahamu; Mbalahamu anga u vutuka bhu kididi kiê.

Dimatekenu 24:54

Anga a dia, a nua, ni muene ni màla amukuá ejila-nê kumoxi, a zeka usuku ueniʼó; kúkia ni kimene, uixi: Ngi suludienu kiá, ngiie kua muadiʼami.

Dimatekenu 24:56

Muene-phe u a ambela, uixi: Ki mu ngi fudise kuenda, kuma Jihova ua ngi bhana kuzediua mu njila ienhiʼii i ngende; ngi suludienu phala ngiie kua muadiʼami.

Dimatekenu 26:3

Nhungana mʼoxi mueniʼumu, eme-phe ngi kala bhu mbandu ié, ngi ku bhana kuzediua; kuma ni eie muene ni mbutu ié hinu ngi mi bhana jixi josoʼiji ngi kumbidila mulôko uami u nga lokela tatʼenu Mbalahamu;

Dimatekenu 28:13

o bhu zoko-zoko diê anga u mona Jihova uala-bhu, uixi; Eme ngi Jihova, ngi Nzambi ia tatʼenu Mbalahamu, ngi Nzambi ia Izake; oxi iene i ua zekʼiii, hinu ngi ku bhana-iu, ni eie ni mbutu ié;

Dimatekenu 28:15

Talesa eme muene ngala ni eie, ngi kulanga ku ididi ioso ku uia, hinu ngi ku bhangesa kuvutuka dingi mʼoxi muenhumu; kuma ki nga-nda ku ku ehela katé ki nga kà kumbidila ima ioso i nga ku ambela.

Dimatekenu 31:13

Eme ngi Nzambi ia Betele, bhu ua tele maji ku philadi, bhu ua di hambelela kokuʼami; kiki-phe balumuka, mʼoxi mumu u tunde-mu, u vutuke kʼoxi kua ku vualela.

Dimatekenu 31:55

Kúkia ni kimene, mu kalaji ngó, Labano u balumuka, u bhana jibejo ku anʼê a mala ni a ahatu, anga u a benzela, u katuka, u vutuka ku bhata diê.

Jihebeleu 11:9

O mu kuxikana, muène u kuata kunhunga mʼ oxi ia polomesa, kala ki ixi iê, u tunga mu jibalaka, ni Izake, ni Jakobo, a sokela-nê mu kukala alundudi a Nzambi mu polomesa imoxi ienʼ íii.