Dimatekenu 3:8 - O Mikanda Ikola

⁸ Anga evua o dízui dia Jihova Nzambi uala kunhunga mu díbhia, mu kumbi dia kutambula mulenge; ni diiala ni muhatuʼê anga a lenga o pholo ia Jihova Nzambi, a suama mu miẋi ia díbhia.

Dimatekenu 3:8 ပူးပေါင်းရင်းမြစ်များ

Dimatekenu 18:33

Jihova anga uia njila iê, kia zubha o ku di kunda ni Mbalahamu; Mbalahamu anga u vutuka bhu kididi kiê.

Dimatekenu 3:10

Muene uetaia, uixi: Ngevu dízui dié mu díbhia, uoma iú ua ngi kuata, kuma ngala tuẋi; eme nga suama.

Jobe 22:14

Imatuta ia kômo ia mu vungina, uila kiki, katena kumona, o muene u nhungina koko ku diulu.

Jobe 31:33

Se ngedi kala Adá, nga sueka ikuma iami, mulonga uami anga ngi u sueka bhu homba iami;

Jobe 38:1

Kia bhiti imʼiii, Nzambi u vutuila Jobe mu kitaphephe,

Jisabhu 15:3

Mesu ma Jihova, mala mu ididi ioso, ni kukengelela athu aiibha ni athu ambote.

Jelemiia 23:24

Jihova uixi: Saiku muthu u suama muene mu masuamenu, eme hé ngi lémbua ku mu mona? Manhi eme ki ngiʼzala mu diulu ni mu ngongo? Jihova ua ki tange.

Hozeia 10:8

O matala ma Avene, a-nda ku a sengulula mukonda kiene o kituxi kia Izalaiele; o ku thandu dia jikalatódio jê kua-nda kusabhuka minha ni hokokoso; ene à kʼambela o milundu, exi: Tu vunginienu! O tumilundu tuofele a kà tu ambela, exi: Lundumukinenu kuthandu dietu!

Ijila 26:12

Anga ngi kuata kuzungila muʼaxaxe kenu, Eme ngi kala ngi Nzambi ienu, enu ue mu ngi kala mu mundu uami.

Jona 1:3

Jona anga u balumuka phala kulengela ku Talxixi, mukonda dia Ngana; kia kulumuka ku Jope, u sanga-ku naviiu iala kuia ku Talxixi, u futa muômbo uê, anga u di longa momo phala kuia ku Talxixi mukonda dia kulenga pholo ia Ngana.

Loma 2:15

Kuma mu ima iâ ia bhanga, o ufunu ua Kitumu a uidikiza kuila uòsoneke kiá mu miẋima iâ. Ni kitongoluelu kiâ ki bhana umbangi kuma kidi, mukonda o mabanzelu mâ ma mu kuila hinu ma a lungisa, hinu ma êlesa.

Matendelelu 23:14

Mbata o Jihova Nzambi ié ua-lu nhungina muʼaxaxi ka kibangu kié, phala ku ku kudila, ni ku ku bhakuila o jinguma jé; kibhinga-phe o kibangu kiê kizela; phala ka ku mone ni kima kia ufusa, hé u ku ta dikunda.

Matendelelu 4:33

Mba kua kexi kiá muiji ua athu ua tenene kuívua dízui dia Nzambi u zuelela mu milengu iuama, kala ki ua dʼivu eiʼki anga u kola muenhu?

Matendelelu 5:25

Maji o kiki-phe tua-nda kufuila-hi dingi ngoho? Mukonda o kitúbhia kiki, ngana, kia soko-bho ku tu jidisa; o ki tuila tuixi tuívue dingi o dízui dia Jihova Nzambi ietu, tua-nda kúfua muene.

Jihebeleu 4:13

Kana-ku kima kiobhange ki kamba ku moneka ku mesu ma Nzambi. Ima ioso iobhange, iene ioso ia tukuluka, ia zula ku mesu mê. O kua muène, etu-ene oso kuene ku tua kà bhakula o jikonda.

Dijingunuinu 6:15

Bhenhobho, o jisobha mu ngongo, ni atumini, ni ilôlo ia ita, ni jimvuama, ni mazonda, ni athu oso kia amukuá, abhika ni jifôlo, a suama mu jiṗhudi ni mu jindanji ku milundu.